Skip to main content
90

Dette jobopslag er udløbet

Itillimi Atuarfimmut atuarfimmi aqutsisoq

Itillimi atuarfimmut atuarfimmi aqutsisumik, ulluinnarni ingerlatsinermut, ilinniartitsisut ingerlatsivillu peqatigalugit akisussaasussamik pissarsiorpugut. Qeqqata Kommuniani meeqqat atuarfia ineriartupiloorpoq, tamannalu tunngavigalugu aqutsisumik ilinniartitsisunik, angerlarsimaffinnik, sunngiffimmi immikkoortortamik, ingerlatsivimmik kiisalu pingaartumik meeqqanik suleqateqarluarnermik pingaartitsisumik pissarsiorpugut.

Qinnuteqarfissaq kingulleq:

29. maj 2019

Sumiiffik/Pisortaqarfik:

Itilleq

Sivisussuseq:

Tamakkiisoq

Atorfininnermi ulloq:

Juli aallaqqaataani isumaqatigiinnikkulluunniit

Akissarsiat:

Isumaqatigiissutit malillugit

Suliassat akisussaaffillu:  

Itillimi Atuarfik aqutsimik ataatsimik pissarsiorpoq, makkunannga suliaqartussamik

  • Sulisunik aqutsineq allaffissornerlu
  • Nakkutilliineq kiisalu missingersuutinik naatsorsuutinillu malitseqartitsineq
  • Itillip Atuarfiata ataani illuutinik kiisalu atuareernerup kingorna paaqqinnittarfimmik aserfallatsaaliineq ilanngullugu nakkutilliineq.
  • Nunaqarfimmi innuttaasut sunngiffimmi atuartinneqarnissaanik neqeroorfigineqarnissaat qulakkiissallugu
  • Atuarfiup siulersuisuinut kommunalbestyrelsimullu atuarfiup ingerlanneqarnissaanut akisussaaneq

 

Atorfinitsitaaneq sulinermilu isumaqatigiissutit

• Atuartut arfineq-marluupput

• Maannakkut ataatsimik ilinniartitsisoqarpoq, ataatsimillu timelæreqarluni

• Immikkut atuartitsiveqanngilaq

Tamatuma saniatigut inuusuttut akornanni atuagarsornikkut angusarissaarnissaq kiisalu nammineersinnaanissaat atuarfimmit ukkatarineqarpoq, taamaalillutillu Maniitsumi 8. - 9. klassimik ingerlatsinissaminnut piareersimassallutik. Pingaartitat allat tassaapput:

Atuartitsinermi iPad-ip atorneqarnera kiisalu Granny Cloud

1. klassemiit tuluttut ilinniartinneqarneq.

Atuartitsinerup pissarsiaqarfiginissaanut, klassimi ingerlalluarnissamut kiisalu atuarfiup angerlarsimaffiullu akornanni naatsorsuuteqarnermut isumaqatigiissutip tamanit malinneqarneranut atatillugu, angajoqqaanik atuartunillu ataavartumik suleqateqarneq

Ukiumut sapaatillu akunneranut pilersaarutinut, pilersaarusiornernut, atuartunut iliuusissatut pilersaarusiornernut, atuartut ingerlalluarnerinut il.il. pillugit atuarfiup intra-nik atuineq.

 

Akissarsiat atorfinitsitaanermilu atugassarititaasut. 

Akissarsiat atorfeqartitaanermilu atugassarititaasut:

Akissarsiaqartitaanermut atorfinitsitaanermullu atugassarititaasut, taakkununnga ilanngullugit akiliunneqarluni angalasinnaatitaaneq aamma pequtit assartorneqarneri Naalakkersuit ilinniartitsisullu kattuffiata IMAK-ip akornanni isumaqatigiissutit sukkulluunniit atuuttut naapertorlugit inissinneqassapput.

Atorfinitsitaaneq ukiuni aalajangersimasuni atugassaqartitsinikkut pissaaq. Qinnuteqartunut Kalaallit Nunaanni tjenestemanditut atorfeqareersunut, ilinniartitsisutut atorfinitsitaaneq tjenestemanditut pisinnaavoq. Kalaallit Nunaanni Namminersornerullutik Oqartussani kommuninilu tjenestemandit pillugit Inatsisartut inatsisaat nr. 21, 18. december 2003-meersooq naapertorlugu tjenestemanditut atorfinitsitsisoqassaaq.

Meeqqanik innarliisimannginnermut uppernarsaasarneq

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

Piumasarineqartutut naammaginartumik meeqqanut kiisalu pinerlussimannginnermik uppernarsaammik Qeqqata Kommuunianiit pissarsisoqareerpat atorfinitsitineq pissaaq.

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

Juli aallaqqaataani isumaqatigiissuteqarnikkulluunniit atorfinittoqassaaq.

Atorfik pillugu ersarinnerusumik paasissutissat ilinniartitaanermut pisortamut Annga Lynge oqarasuaat (+299) 86 7380, e-mail: anly@qeqqata.gl atorlugit saaffiginninnikkut pissarsiarineqarsinnaapput.  gl.

Qinnuteqaammut immersugassaq www.qeqqata.gl/job-imut aaneqarsinnaavoq. Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu aammalu pineqaatissinneqarsimannginnermut uppernarsaammik ilalik, 2019-imi maajip 29-ani tigoreersimassavarput.

 

Qinnuteqaatit uunnga nassiunneqassapput:
Qeqqata Kommunia
HR-afdeling
Postboks 1014
3911 Sisimiut
E-mail: job@qeqqata.gl
Web: www.qeqqata.gl/job

Annga Lynge
(+299) 86 73 80
anly@qeqqata.gl