Skip to main content
112

Itillimi aqqusinilerisunut formandi

Qeqqata Kommunia Teknikkimut Avatangiisinullu immikkoortortaq Itillimi aqqusinilerisunut formandimik 2019-imi decembarip aallaqqaataani isumaqatigiissuteqarnikkulluunniit atorfinittussamik pissarsiorpoq.
Aqqusinilerisunut formandip nunaqarfimmi entreprenøreqarfiup pingasunik sulisoqartup ulluinnarni ingerlanneqarnera suliassarivaa.

Qinnuteqarfissaq kingulleq:

31. oktober 2019

Sumiiffik/Pisortaqarfik:

Itilleq

Sivisussuseq:

Tamakkiisoq

Atorfininnermi ulloq:

1. december 2019 isumaqatigiissuteqarnikkulluunniit

Akissarsiat:

Isumaqatigiissutit malillugit

Formandinngortussaq pillugu: 

· Assassornermut imaluunniit assingusumik misilittagaqarlutit ilinniarsimasuusutit.

· Sulisunik aqutsinermik misilittagaqartutit

· Qarasaasiamik atuisinnaanermik misilittagalik – Outlook, Word il.il.

· Torersuusutit, aaqqissuusaasumik sulisinnaasutit ulapaarfinnilu eqqissisimasinnaassuseqartuusutit.

· Kalaallisut oqalussinnaaneq allassinnaanerlu piumasaqaataavoq. Allamiut oqaasiinik qallunaatut tuluttullu oqalussinnaaneq iluarisimaassavarput.

 

Akisussaaffeqarfiit:

Aqqusinilerisunut formandip suliassarivaa qulakkiissallugu Qeqqata Kommuniata pisussaaffii makkununnga

·         Eqqagassalerineq anartarfilerinerlu eqqagassallu allat isumagineqarnerat.

·         nunaqarfimmi torersuutitsineq saligaatsuutitsinerlu

·         Eqqasagganik naqiterineq nassiussinerlu.

·         nunaqarfimmi ikuallaavik eqqaavissuarlu

·         aqqusinernik aserfallatsaaliineq, aputaajaaneq quatsertitsinaveersarnerlu

·         majuartarfinnik puttasunillu aserfallatsaaliineq

·         Sisimiuni qimmilerusumut ikiuunneq aammalu Qimmeqarneq uumasupilunnillu akiuiniarnermut oqartussaasut suliassaannut nunaqarfimmi qimmiutilinnut attaveqaataaneq.

·         Sisimiuni illuutinik nakkutilliisoq suleqatigalugu kommunip illuutaanik nakkutilliineq.

·         Ulluinnarni ingerlatsineq kiisalu errorsisarfimmik utaqqiisaasumillu illusisarfinnik saligaatsuutitsineq.

 

Aqutsisutut suliassaq:

·         Nunaqarfimmi suliassanik pingaarnersiuineq naammassinninnerlu.

·         Suliassat pilersaarusiorneqarnerisa ingerlanneqarnerisalu pitsaasuunissaasa akunnaatsuunissaasalu qulakkeerneqarnissaat.

·         Nunaqarfimmi innuttaasunut, paaqqinnittarfinnut, suliffeqarfinnullu teknikkikkut tunngasut pillugit paasissutissiisarnermut peqataaneq

·         Immikkoortortami suleqataasunik ilinniartitsinissap qulakkeerneqarnissaa

·         Sulisunik ineriartortitsilluni oqaloqatiginninnernik ingerlatsineq malitseqartitsinerlu

·         Ulluinnarni aammalu ungasinnerusumut isiginnitttumik suliffissanik, sulinngiffeqarfissanik sulinissaraluamullu taarsiullugu sulinngiffissanik (afspadsering) pilersaarusiorneq 

·         sulisunik akunnermusialinnik sulilersitsineq

·         Teknikkikkut atortunik aserfallatsaaliinissap qulakkeerneqarnera

 

Aqqusinilerisunut formandi ulluinnarni Sisimiuni Teknikkimut Avatangiisinullu immikkoortortami Ingerlatsinermut immikkoortortami aqutsisuusumut aammalu Sisimiuni Entreprenørplads-imi ikuallaavimmilu sulisut suleqatigalugit attaveqartuussaaq.

Ulluinnarni nunaqarfimmi allaffimmi aqutsisoq qanittumik suleqatigineqassaaq.

 

Qinnuteqartup minnerpaamik biilinik ingerlatsisinnaanermut allagartaq (kørekort) Kat. B pigissavaa.

Aningaasarsiat atorfinitsitaanermilu atugassarititaasut: 

Akissarsiat atorfinitsitaanermullu piumasaqaatit Kalaallit Nunaanni Naalakkersuisut SSK-llu akornanni isumaqatigissutit naapertorlugit atorfinitsitsisoqassaaq.

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq.  Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

 

Atorfik akissarsiallu pillugit paasissutissat annertunerusut Sisimiuni Teknikkeqarnermut Avatangiisinullu immikkoortortami ingerlatsinermut aqutsisumut oqarasuaat 86 74 75 atorlugu saaffiginninnikkut pissarsiarineqarsinnaapput.

 

Qinnuteqartup ilisimaarissavaa, meeqqanik pinerliisimannginnermut uppernarsaammik pinerluuteqarsimannginnermullu uppernarsaammik takutitsisoqarsinnaappat aatsaat atorfinitsitsisoqassammat, taakkua Qeqqata Kommuniata pissarsiarissavai.

 

Qinnuteqaat imminut ilisaritinnermik, ilinniarsimanermut uppernarsaammik ilaligaq mail atorlugu uunga nassiunneqassaaq job@qeqqata.gl imaluunniit maju@qeqqata.gl kingusinnerpaamik 2019-imi sisamanngorneq oktobarip 31-iani

Qinnuteqaat nassiunneqassaaq: 

Qeqqata Kommunia
Sulisoqarnermut Allaffeqarfik
Postboks 101
E-mail: job@qeqqata.gl
Web: www.qeqqata.gl

 

Attavissaq:
Martin Jungersen
(+299) 86 74 75
maju@qeqqata.gl