Skip to main content
101

Dette jobopslag er udløbet

Isumaginninnermi siunnersortissarsiorpoq / Sullissisussarsiorpoq Kangerlussuarmi innuttaasunik sullissivimmut

Qeqqata Kommuniani Kangerlussuarmi innuttaasunik sullissivimmi isumaginninnermi siunnersortitut / sullissisutut atorfik inuttassarsiorneqarpoq.

Allaffissornikkut pisortaq, isumaginninnermi siunnersorti, overassistenti, arktisk ingeniør kiisalu pedelilu sulisussarititaapput. Kangerlussuarmi innuttaasunut qanimut attaveqarluni eqaatsumik sulineq pissusissamisuuginnarmat, suliffik aalajangersimasumik suliassaqarfiunani tamatigoortuuvoq.

Suliassat akisussaaffiillu

  • Isumginninnermi suliassat suliarineqarnerat, matumani, angajoqqaarsianut, Suliffissarsiortut, utoqqalinersiutinut suliat, meeqqanut inuusuttunullu sullissineq, innarluutilinnut sullissineq, ikiorsiissutinullu suliat
  • Pinaveersaartitsinermi suliassat
  • Perorsaanermi suliassat
  • Sunngiffimmi sammisassat suliassat

Piginnaasat

  • Isumaginninnermi siunnersortitut  sullissisutut sulinermik misilittagaqassasutit
  • Aalajaassasutit pisussaassutsimillu eqquutsitsisartuusutit
  • Innuttaasuni ikittunnguani pissutsit tunngavigalugit qanittumillu peqatigalugit atorluaasinnaassasutit
  • Marluinnik oqaaseqartuusaatit; kalaallisut qallunaatullu
  • Nammineersinnaassuseqarlutillu suleqatikkuminartuussasutit

 Akissarsiat atorfinitsitaanermilu atugassarititaasut

Akissarsiat atorfeqartitaanermullu atugassarititaasut, matumani akiliunnerqarluni angalasinnaaneq pequtillu angallanneri ilanngullugit, isumaqatigiissuttit atuuttut naapertorlugit aaqqinneqassapput.

Inissaqartitsisoqarsinnaavoq, malittarisassallu naapertorlugit inigisaq akilersorneqassalluni.

Atorfinitsitsineq piaartumik isumaqatigiissuteqarnikkulluunniit pissaaq.

Atorfimmut sukumiiinerusumik paasissutissat Innuttaasut sullissivianiit pisortamut Vivi Schultz Grønvold-imut, oqarasuaat (+299) 841277, email: vivi@qeqqata.gl saaffigininnikkut pineqarsinnaapput.

Qinnuteqaat soraarummeersimanermut upprnarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 5. oktober 2020

Qinnuteqaat uunga nassiunneqassaaq:

 

Qeqqata Kommunia
Sulisoqarnermut immikkoortortaq
Postboks 1014
3911 Sisimiut
E-mail: job@qeqqata.gl
Web: www.qeqqata.gl/job