Skip to main content
132

Dette jobopslag er udløbet

Ilinniartitsisunik Qeqqata Kommunianut ukiumut atuarfiusumut 2019/2020-mut

Ilinniartitsisussarsiorpugut atuarfimmi ineriartortumi suleqataanissamut tunniusimasumik atuartitsinissaminnut soqutiginnittunik

Qinnuteqarfissaq kingulleq:
24. april 2019

Sumiiffik/Pisortaqarfik:
Sisimiut/Maniitsoq

Sivisussuseq:
Tamakkiisoq

Atorfininnermi ulloq:
Piaartumik isumaqatigiinnikkulluunniit

Akissarsiat:
Isumaqatigiissutit malillugit

Meeqqat atuarfiini ineriartortitsinermut peqataarusuppit? 

Ilinniartitsisussarsiorpugut atuarfimmi ineriartortumi suleqataanissamut tunniusimasumik atuartitsinissaminnut soqutiginnittunik.

 

Atorfininneq isumaqatigiissutillu  

Ukiuni kingullerni Qeqqata Kommuniani meeqqat atuarfii annertuumik ineriartortinneqarput. Ukiuni tulliuttuni ineriartortitsineq ingerlatiinnarneqassaaq, tamannalu tunngavigalugu ilinniartitsisunik ineriartortitseqataarusuttunik allanngueqataarusuttunillu pissarsiorpugut.

Kalaallit Nunaanni Qeqqata Kommunia kommunini siullersaalluni iPad-itigut qarasaasiaqarnikkut ineriartortitsinissamik aallartitsinissamik aalajangerpoq. Tamatuma saniatigut 1. klassimiit tuluttut atuartitsisarnissaq aallunneqalerluni.

Atuartut ilinnialernissaminnut piareersimasunik pilersitsisunik, meeqqat atuarfiinik pilersitsinissarput sulissutigaarput. Taamaalillutalu atuarfiup angerlarsimaffiullu akornanni suleqatigiinnerup nukittorsarnissaa aallupparput, ilaatigut atuarfiup angerlarsimaffiullu akornanni suleqatigiinneq kiisalu nikeriarnerni ikaarsaarnerni - meeqqerivinniit atuarfimmut aammali ilinniaqqiffinnut ikaarsaarnerit pillugit atuarfinni siunnersortinik pingasunik atorfinitsitsisoqarluni. Tamatuma saniatigut kommunimi isumaginninnermut siunnersortinik qanimut suleqateqarneq februaarimit aallartinneqarpoq. Illoqarfinni atuarfinni ilaqutariinnut klassinik pilersitsisoqareerpoq.

Suliniuteqarfiusut ilaat taassaavoq, aqutsisut ersarinnerusut ineriartortinneqartullu.

Qeqqata Kommuniani atuartut ilinniartitsisullu tamarmik iPad-eqartuummata, qinnuteqartoq iPad-imik sakkutut ilisimasaqarnissaa iluaqutaassaaq.

Illoqarfinni atuarfiit sapaatip akunneranut pilersaarutinut, angajoqqaanut attaveqarnikkut atuarfiullu iluani attaveqarnikkut ulluinnarni skoleintra atugaraat. TEA (TAbulex Elev Administration) atuartunik nalunaarsuinermi ulluinnarni kiisalu ukiumut minnerpaamik marloriarluni Angusakkalerinermut atorneqartarpoq.

Taamaalillunilu ulluinnarni sulinermi qarasaasiarsorneq ilaalluni.

Ineriartortitseqataarusukkuit, atuarfinni tulliuttuni atorfiit inuttassarsiuutigineqartunut qinnuteqarit:

2019-imi Aggustip aallaqqaataanit atorfinittussanik Nalunnguarfiup Atuarfia ilinniartitsisunik pissarsiorpoq:

Nalunnguarfiup Atuarfia:

  • Atuartut 400 missaanik amerlassuseqartut, 1. klassimiit 10. klassi tikillugu, klassinut 20-nut, aammalu immikkut atuartinneqartut klassinut arfineq-marlunnut agguataagaapput.
  • Ilinniartitsisunut 52-inut amerlassusiligaavoq.
  • Krea klassi atuartunut immikkut ineriartortinneqarnissamut pisariaqartitsisunut.
  • AKT-mi ilinniartitsisoq, atuartunut attaveqarniarnermikkut, pissusilersornermikkut atugarissaarnermikkullu ikiorsertarialinnut.
  • Ilinniartitsisoq ataaseq akullernut: atuartitsissutit tamarmik.
  • Ilinniartitsisoq ataasrq immikkut atuartitsinermut: atuartitsissutit tamarmik.

Nalunnguarfiup Atuarfia sukkasuumik ineriartorluarpoq ersarissunik anguniagassalimmik, atuartut pitsaanerpaamik atuarnissaanik, pitsaasunillu angusaqarlutik ingerlaqqittarnissaat anguniarlugu.

Ilinniartitsisoqatigiit ataqatigiilluartut immikkoortortanilu atuarfillu tamakkerlugu suleqatigiilluartut. Aqutsisut ersarinnerusut, anguniagassanillu ersaritsitsisut sulisunullu ataasiakkaanut piffissaqarfiginnittut.

 

Atuarfimmi pisortaq Riikki Grønvold oqarasuaat (+299) 86 43 88, e-mail: rigr@qeqqata.gl aqqutigalugit attavigineqarsinnaavoq

 

 

2019-imi Aggustip aallaqqaataanit atorfinittussanik Minngortuunnguup Atuarfia ilinniartitsisunik pissarsiorpoq:

 

Minngortuunnguup Atuarfia:

  • Atuartut 410 missaanik amerlassuseqartut, 1. klassimiit 10. klassi tikillugu, klassinut 20-nut, aammalu immikkut atuartinneqartut klassinut qulingiluanut agguataagaapput.
  • Ilinniartitsisunut 53-inut amerlassusiligaavoq.
  • Krea klassi atuartunut immikkut ineriartortinneqarnissamut pisariaqartitsisunut.
  • AKT-mi ilinniartitsisoq, atuartunut attaveqarniarnermikkut, pissusilersornermikkut atugarissaarnermikkullu ikiorsertarialinnut.
  • Ilinniartitsisut atuartitsissutini tamani.

 

Minngortuunnguup Atuarfiani immikkut pingaartinneqartut:

  • Atuarfik immikkoortunngorlugit aaqqitanik namminneq aquttunik immikkoortortalik
  • Ukioq atuarfiusussamut eqaatsumik pilersaarusiorneq
  • Atuartut ilinniarnissaminnut akisussaaqataanissaat
  • Angajoqqaanik akuutitsineq
  • Ilinniartitsisut eqeersimaartut perorsaanermilu ineriartortitsinermi tunniusimasut
  • Anguniagassanut nutaanut piorsaaneq atuarfimmullu iliuusissatut pilersaarutit

 

Atuarfimmi pisortaagallartoq Uvdloriaq Kleist oqarasuaat (+299) 86 41 88, e-mail: uvkl@qeqqata.gl aqqutigalugit attavigineqarsinnaavoq.

 

2019-imi Aggustip aallaqqaataanit atorfinittussanik Atuarfik Kilaaseeraq ilinniartitsisunik immikkut isumaqatigiissuteqarluni atorfinittussanik pissarsiorpoq:

Atuartut 340 missaanik amerlassuseqartut, 1. klassimiit 10. klassi tikillugu, klassinut 22-nut, aammalu immikkut atuartinneqartut klassinut tallimanut agguataagaapput.

Ilinniartitsisunut 46-inut amerlassusiligaavoq.

 

  • Ilinniartitsisut pingasut Trin 1-mut:  Klasselærer funktion-eqarsinnaasoq, kisitsineq, kalaallisut, tuluttut, qallunaatut, inuiaqatigiilerineq, upperisalerineq / isumalioqqissaarnerlu, assassorneq aammalu timersorneq.
  • Ilinniartitsisut pingasut Trin 2-mut: Klasselærer funktion-eqarsinnaasoq, qallunaatut, kalaallisut, tuluttut, upperisalerineq / isumalioqqissaarnerlu, inuiaqatigiilerineq aamma assassorneq.
  • Ilinniartitsisut marluk Trin 3-mut: Klasselærer funktion-eqarsinnaasoq, kalaallisut, tuluttut, qallunaatut, upperisalerineq / isumalioqqissaarnerlu, inuiaqatigiilerineq aamma assassorneq.

  

Atuarfiup ilinniartitsisut allanngorartumik atuartitsisinnaanermik piginnaasaqalernissaat suliniuteqarfigaa aammalu ataavartumik nalilersuineq, iPad-it aamma Ileqqut Pitsaasut arfineq marluk.

Suliniuteqarfiit tamarmik ataavartumik pikkorissaassutigineqartarput workshop-ertitsissutigineqartarlutik, atuartitsinermilu atorneqartarlutik.

 

Maniitsumi tullinnguuttutigut periarfissaqarluarpoq:

- Meeqqerivimmiisitsinermi fritidshjemmimiisitsinermilu akit appasittut.
- Sunngiffimmi sammisassat, naluttarfissaq kulturikkullu illorsuassaq ilanngullugit.
- Sunngiffimmi timersorneq, ilaatigut majuartaat sisorarfissallu pitsaasut.
- Pinngortitami angalaarneq umiatsiamillu angalaarfissaqqissut.

 

Atuarfimmi pisortaq Elna Heilmann oqarasuaat (+299) 813122, e-mail: kilaas@kilaas.gl aqqutigalugit attavigineqarsinnaavoq.

 

2019-imi Aggustip aallaqqaataanit atorfinittussanik Qinnguata Atuarfia ilinniartitsisunik pissarsiorpoq:

Kangerlussuarmi Qinnguata Atuarfia nunaqarfiup atuarfiani atuartut 75-it missaaniipput. Klassinut arfinilinnut, immikkullu atuartitsinermut ataatsimut agguataagaallutik, atuarfinni 1. -10. klassit atuartuupput. Ilinniartitsisut tamarmik ilinniarsimasuusut aqqaniliupput.

  • Ilinniartitsisut tallimat atuartitsissutini tamani.

Inuusuttuaqqat meeqqat atuarfianit naammassigunik ilinniaqqinnissaminnut, suliffeqalernissaminnullu sakkussaqarluarnissaat angujumallugu, atuagarsornikkut nammineersinnaassuseqarnikkullu ineriartortinneqarnissaat atuarfiup immikkut anguniagaraa. Pingaartitat allat tassaapput:

  • Ullut tamaasa minutsini 22-ni timimik aalatitsisarneq
  • 8. - 10. klassini atuartunut tamanut immikkut ilitsersuisarneq
  • Atuartunut arlaatigut unammillernartitaqartunut aaqqiissutissarsiorluni oqaloqatiginnittarnerit

Qiimasumik, qiimmisaarnartunik nuannarisalimmik, meeqqanillu/atuartunillu atuagarsornikkut inuttullu sullissilluarsinnaasumik pisariaqartitsivugut. Ilinniartitsisoq atuartitsinermi suleqatigiinni suleqataasinnaasoq, atuartunillu pitsaasumik soqutiginartumillu atuartitsinissaminut ilisimasaminik atuisinnaasoq.

Atuarfiup kissaataanut naapertuukkuit, atuartitsinikkullu atuarfiup pisariaqartitaanik atuartitsisaruit, taava atorfik qinnutigiuk, Kalaallit Nunaanni nunaqarfinnit nuannernerpaasumi, kusanarluinnartumik pinngortitaqarlunilu uumasoqarfiusumi, arsarnerillu kusanarluinnartut takussaaffiini puigunaatsumik misigisassarsillutit.

Atuarfimmi pisortaq Jens Borch Scharnberg oqarasuaat (+299) 84 10 27, e-mail: kangerlussuaq@atuarfiit.gl aqqutigalugit attavigineqarsinnaavoq.

 

2019-imi Aggustip aallaqqaataanit atorfinittussanik Napasup Atuarfia ilinniartitsisunik pissarsiorpoq:

Nuup Maniitsullu akornanni Napasoq inissisimavoq, imaatigut angallannikkut anguneqarsinnaasoq. Napasoq 75 missaanik inuttutigaaq, taakkunanngalu 9 atuartuullutik. Klassinut marlunnut agguataagaallutik atuarfinni 1.-8. klassit atuartuupput, nukarlerni akullernilu 8. klassi ilanngullugu atuartuupput. Atuartut 9.-10. klassimi atuartussanngortillutik, Maniitsumi Qeqqata Kommuniata atuartunut angerlarsimaffianut nuuttarput, Atuarfik Kilaaseeqqamilu atuartarlutik. Atuarfik ilinniartitsisoqarpoq marlunnik.

Atuartitsissutini fagini tamani nukarlerni atuartitsisinnaasumik ilinniartitsisumik ataatsimik pissarsiorpugut. Atuarfiup atuarfiup aqutsisuanik suleqateqarluarpoq, suliniutinillu assigiinngitsunik aallartitsisarlutik. Skypikkut tuluttut atuartitsisoqartarpoq ilinniartitsisunik nunaniit allaneersunik, sapaatip akunneranut marloriarlutik.

Atuarfimmi aqutsisoq Magdalene Kristiansen attavigineqarsinnaavoq oqarasuaatikkut (+299) 81 86 36, e-mail: napasoq@kilaas.gl

Akissarsiat atorfeqarnermilu atugassarititaasut 

Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aamma isumaqatigiissutit Naalakkersuisut ilinniartitsisullu kattuffiata IMAK-ip akornanni isumaqatigiissutit atuuttut naapertorlugit pissaaq.

Atorfinitsitaaneq aningaasarsianut isumaqatigiissutinut atugassarititaasut annerusumik naapertorlugit pissaaq. Qinnuteqartut Kalaallit Nunaanni tjenestemanditut atorfeqareersut, ilinniartitsisutut

tjenestemanditut atorfininnissaminnut periarfissaqarput. Tjenestemanditut atorfininneq pissaaq Namminersorlutik Oqartussat Kommuninilu tjenestemandit pillugit Inatsisartut inatsisaat nr. 21 18. december 2003-meersoq tunngavigalugu.

 

Immikkut isumaqatigiissuteqarluni atorfinitsitsineq Maniitsumi Atuarfik Kilaaseeraq-mi pissaaq.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu

kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

 

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni il. il.

 

 Atorfinitsitsineq pissaaq 1. august 2019-imi imaluunniit isumaqatigiinnikkut.

 

 

Qinnuteqarfissamut immersugassaq aaneqarsinnaavoq uunga alakkarnikkut http://www.qeqqata.gl.

 

Qinnuteqaat soraarummeersimanermut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 24. april 2019-imi.

Qinnuteqaat uunga nassiunneqassaaq: 

Qeqqata Kommunia
Sulisoqarnermut Immikkoortortaq
Postboks 1014
3911 Sisimiut
E-mail: job@qeqqata.gl
Web: www.qeqqata.gl/atorfik