Skip to main content
145

Dette jobopslag er udløbet

Eqeersimaartuuit, akuersortoq, suleqatigiinnermilu ataatsimut takunnissinnaassuseqarlutit?

Qeqqata Kommuniani Sulisoqarnermut immikkoortortaqarfik Sulisoqarnermut pisortamik pikkorissumik piginnaasalimmillu piaartumik isumaqatigiissuteqarnikkulluunniit pissarsiorpoq. Ulapittorujussuuvugut, utaqqikutsoorsinnaavatsigilli. Sulisoqarnermut immikkoortortami sulisut arfineq-marluupput, sisamat Sisimiuni inissisimallutik, Maniitsumilu pingasut kiisalu ilinniartut pingasut.

Sulisoqarnermut pisortaq Sulisoqarnermut immikkoortortaqarfitsinni siuttuussaaq. Sulisoqarnermut immikkoortortaqarfik kommunimi naleqartinneqartupilussuuvoq, aaqqissuussamilu tamani kiffartuussinissaq pingaartinneqartuulluni.

Sulisoqarnermut pisortap nutaaq suleqatit sinneri peqatigalugit sulisoqarnermi politikkimik nutarsaassaaq.

 

Sulisoqarnermi immikkoortortamik ingerlatsinerup isumannaatsumik ingerlanissaa Sulisoqarnermut pisortap qulakkiissavaa, pineqartorlu isumaqatigiissutinik, sulisunik isumassuinernik kiisalu Qeqqata Kommuniani sulisut piginnaasaasa ineriartortinneqarnissaanut suliaqarnissamik nuannarisaqartuussalluni.

 

Sulisoqarnermut immikkoortortaqarfimmut sulisut arfineq-marlunnut amerlassusiligaapput:

Sisimiuni: Sulisoqarnermut pisortaq ataaseq, Sulisoqarnermut siunnersorti ataaseq, Suliffeqarfiup avatangiisii pillugit siunnersorti ataaseq kiisalu ineriartornermut siunnersorti ataaseq. Maniitsumi Sulisoqarnermut siunnersorti ataaseq, immikkut siunnersorti ataaseq kiisalu kontorfuldmægtigi ataaseq.

 

Suliassat akisussaaffiillu:

Sulisoqarnermi immikkoortortaqarfiup ulluinnarni ingerlannera aqunneqarneralu akisussaaffigissavatit, Qeqqata Kommunia 1.300-t missaanik sulisoqarpoq. Sulisoqarnermut immikkoortortami ingerlatsinernik pitsanngorsaanermi ineriartortitseqqinnermut atuutilersitsinermullu sunneeqataanissamut periarfissinneqassaatit, ilaatigut digitalinngorsaanikkut ilaatigullu suleqataasumik akuutitsisumillu angusaqarluarusuttumik aqutsinikkut.  Kommunimi pisortaaneq qaninnertut qullersarissavat Qeqqata Kommunianilu aqutsisoqatigiinnut ilaallutit. Sulisoqarnermullu allaffimmik suleqatinut Qeqqata Kommunianilu aqutsisunut pingaarutilittut siunnersueqatigisartagaassallutit.

 

Sulisoqarnermut arfinilinnik sulisoqartumut akisussaasutut, sulisunut tunngasutigut inatsisitigut sulinermilu pissutsit iluanni pissutsinut suliamut piginnaasaqartutit kiisalu oqartussaasut inissisimanerinut ilisimasaqartutit. Ersarissumik sammiveqartumik, isumassarsititsisumik akuersaartumillu aqutseriaaseqartuusutit. Tamatuma saniatigut eqeersimaartuuvutit, akuersortoq, suleqatigiinnermilu ataatsimut takunnissinnaassusilik.

Sulisunut tunngassutilinnik politikkikkut suliarineqartussanik piareersaasassaatit. Sulisoqarnermut tunngasutigut kisitsisit pisariaqartitat pingaarnerit suliarineri, allaffissornermi sulisoqarnikkut pilersaarusiornermi ineriartortitsinermilu atugassat.

 

Piginnaasat:

·     Tassunga attuumassutilimmik ilinniagaqartuusutit aammalu allaffissornermi sulisoqarnikkut ingerlatsinermik misilittagaqartutit

·     Pisortat suliffeqarfiinit namminersorlutilluunniit inuutissarsiutilinnit aqutsinermik misilittagaqartutit

·     Nammineq aaqqissuussamillu sulisinnaassuseqartutit

·     Suleqatikkuminartuusutit

·     Ulapaarfinni takunnissinnaassuseqarluartutit

·     Suliniutinik piareersaasinnaasutit ulluinnarnilu ingerlatsinermut atuutilersitsisinnaasutit

·     Marlunnik oqaaseqartuusutit

 

Akissarsiat atorfinitsitaanermilu atugassarititaasut:

Akissarsiaqartitaanermi atorfeqartitaanermilu atugassarititaasut, tassunga ilanngullugit atorfinikkiartorluni soraarnermilu angalanerit taamatullu pigisat nuunneqarnerat Namminersorlutik Oqartussat pineqartullu kattuffiata isumaqatiginninniarsinnaatitaasup akornanni isumaqatigiissutit atorfininnerup nalaani atuuttut naapertorlugit pissapput. Isumaqatigiissutitigut piumasaqaataasut naapertorlugit atorfinitsitsisoqassaaq.

 

Pinerliisimannginnermut uppernarsaatit:

Atorfik una pinerlussimannginnermut uppernarsaammik paasiniaanissamit inatsimmik pisussaatitaavoq. Inatsit naapertorlugu kommuni pinerlussimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik uppernarsaat politiinit tigoreernerata kingorna.

 

Atorfinitsitsineq pissaaq 1. januar 2023-mi isumaqatigiinnikkulluunniit.

 

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

 

Atorfik pillugu annertunerusumik paasissutissat Kommunip pisortaanerup Juliane Henningsen Heilmann, oqarasuaat (+299 86 73 01), e-mail juhe@qeqqata.gl aqqutigalugit saaffiginninnikkut pissarsiarineqarsinnaapput

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik Kommunip nittartagaatigut ugguuna nassiunneqassapput:

 

 

Qinnuteqarnissamut killigititaq: 28. november 2022