Skip to main content
140

Dette jobopslag er udløbet

Atugarissaarnermut imm. Utoqqarnut Innarluutilinnullu imm. Isumaginninnermik siunn./sullissisumik

Qeqqata Kommunia isumaginninnermik siunnersortimik imaluunniit sullissisumik pikkorissumik tunniusimasumillu Utoqqarnut Innarluutilinnullu immikkoortortamut pissarsiorpoq, ulloq atorfiniffissaq 01.01.2023.

Atugarissaanermut immikkoortortaq 31-inik sulisoqarpoq, Utoqqarnut Innarluutilinnullu immikkoortortamut, Meeqqaanut Ilaqutariinnullu immikkoortortamut, Pisortatigut ikiorsiisarnermi immikkoortortamut, Allattoqarfimmullu agguataarsimasunik.

Atugarissaarnermut immikkoortortami sulisut suliatigut inuttullu ineriartortuupput, immikkoortunik arlalinnik annerusumik innarluutilinnut immikkoortortaq qitiutillugu, tassani susassaqartut tamarmik illup avataani iluanilu qanimut suleqatigiipput.

Utoqqarnut Innarluutilinnullu suliaqarfiit assigiinngitsut amerlasuut iluanni suliassaqartarpoq taamaattumillu kommunimi namminermi avataaniillu suleqatinik amerlasuunik siammasissunillu suleqateqartarluni.

Isumaginninnermik siunnersortip/sullissisup pingaarnertut meeqqat inuusuttullu pillugit suliat isumagisassavai, inatsisinut atuuttunut naapertuuttumik siunnersuinermik ilitsersuinermillu tunniussisassalluni, ikiorsiinermik suliniutinik qulaajaanernillu pilersitsisassalluni.

Innarluutilinnut immikkoortortami isumaginninnermut siunnersortip pingaarnertut suliassaqarfigissavai meeqqat innarluutillinni suliassat, siunnersuineq ilitsersuinerlu, inatsit atuuttoq naapertorlugu ikiorsiiniutinik aallartitsineq, nassuiaasiorneq, iliuusissatut pilersaarusiorneq ikiorsiiniutinik ingerlareersunik malitseqartitsinerlu, innersuussinerit misissuinerillu, suliat akimorlugit ataatsimiinnerni najuunneq, illup iluani avataanilu suleqatigisanik suleqateqarneq, Immikkoortortami sulianut avitseqatigiinneq, kiisalu suliassat takkussuutut nalinginnaasut.

Naatsorsuutigaarput:

  • Isumaginninnermi tunngasuni inatsisinik ilisimasaqartuusutit.
  • Innuttaasunik innarluutilinnik sullissinermik misilittagaqartuusutit.
  • Attaveqaqatigiit kiisalu sulianik sullissisut ataatsimiittarnerinik misilittagaqartuusutit.
  • Tamanik isiginnissinnaalluartuusutit aamma pisuni ulapaarfiusuni.
  • Nammineersinnaassuseqartutit akisussaassuseqartutillu.

Ilinniakkatigut piginnaasat:

  • Isumaginninnermi siunnersortitut tassungaluunniit attuumassutilimmut ilinniarsimasuusutit
  • Aalajaatsuusutit, pitsaassutsimik ilisimasaqarluartutit immikkuualuttunillu maluginiaasinnaassuseqartutit
  • Isumalluartuullutillu ilakkuminartuusutit
  • Ulluni ulapaarfiusuni ukkassilluni aaqqissuussaasumillu sulisinnaassuseqartutit
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit
  • Namminersorluni sulineq akisussaassutsinillu ilisimaarinnilluartuunissat
  • Siammasissumik suleqateqallaqqissoq
  • Marluinnik oqaasilik (kal/da) piumaneqarneruvoq

Neqeroorutigigaagut:

Suleqatit pitsaasut aamma aaqqissuussaaffimmi ineriartornermut allanngoriartornermullu nammineerluni sunniinissamut periarfissaqarneq. Tamakkununnga ilanngullugu qanimut siunnersiueqatigiiffimmi suleqatigiilluni suliffik avatangiiseqarnissaa aamma suliniuteqarnissap nutaaliornissallu inissaqartuarnissai anguniartuarparput.

Pinerluuteqarsimannginnermut aammalu meeqqanut pinerliisimannginnermut uppernarsaat:

Atorfik matumani pineqartoq pinerluuteqarsimannginnermut meeqqanillu pinerliisimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerluuteqarsimannginnermik allagartaq politiinit tigoreernerata kingorna.

Akissarsiat, atorfinitsitaanermilu atugassarititaasut:

Kalaallit Nunaanni Naalakkersuisut, AK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Qaammatini pingasuni misiligummik atorfinitsitsisoqassaaq.

Ineqarneq

Atorfimmut atatillugu inigisassamik innersuussisoqarsinnaavoq.

Atorfik pillugu paasissutissat annertunerusut, immikkoortortami aqutsisumut Elisabeth Banemann-imut, oqarasuaat (+299) 86 73 37 e-mail: elib@qeqqata.gl imaluunniit Atugarissaarnermut pisortamut Estella Buhrkall-imut oqarasuaat (+299) 86 74 31, e-mail: esbu@qeqqata.gl saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik

Qinnuteqaatit nassiussinnaavat una linkeq toorlugu: