Skip to main content
89

Dette jobopslag er udløbet

Atuarfimmi pisortatut atorfimmik ingerlatsisussamik aqutsisumik pikkorissumik Sisimiuni Nalunnguarfiup Atuarfia pissarsiorpoq

Sisimiut illoqarfiuvoq periarfissaqarluartoq, ilinniarfigissaartoq aammalu meeqqanut paaqqinnittarfinni inissaqartitsinermi periarfissagissaartoq. Kulturikkut assigiinngitsunik neqerooruteqarfiuvoq, pinngortitarsuaq kusanarluinnartoq avatangiiseralugu. Pinngortitami qimussernissamut, snescooterernissamut, sisorartarnissamut, pisuttuarnissamut, imaatigut angalaarnissamut, piniariartarnissamut aalisariartarnissamullu periarfissagissaarpoq.

Qinnuteqarfissaq kingulleq:

17. november 2019

Sumiiffik/Pisortaqarfik:

Sisimiut

Sivisussuseq:

Tamakkiisoq

Atorfininnermi ulloq:

1. december imaluunniit isumaqatigiissuteqarnikkut

Akissarsiat:

Isumaqatigiissutit malillugit

Atuarfimmi pisortamik imaattumik pissarsiorpugut 

·         Suliatigut perorsaanikkullu takunnilluarsinnaasoq takorluugaqartorlu, atuartut sulisullu akornanni ingerlalluarnermut ilinniarnermullu nersuerpalaartumik aaqqissuussaanermullu pullaveqartoq.

·         Angajoqqaanik, atuarfimmi siulersuisunik atuarfiullu eqqaani qanitamik avatangiisinut attaveqarnissamut pikkorissoq

·         Aningaasaqarnermut ilisimasalik missingersuutinillu annertuunik suliaqarsinnaasoq

·         iPads-inik ineriartortitsilluni suliamut ilisimasalittut peqataasinnaasoq, meeqqallu atuarfiannik tamakkiisumik suliaqarsinnaasoq

·         Aaqqissuussaaffimmi qummut ammullu qanimut sulinissamut piumassuseqartoq

·         Atuarfiup, inuiaqatigiit, angajoqqaat politikerillu akornanni akimortumik najoqqutaqarsinnaanermut piginnaasaqartoq

·         Kalaallit Nunaanni meeqqat atuarfiannut ilisimasaqartuusinnaaneq

·         Ilinniartitsisutut ilinniarsimasutut tunngaveqartutit. Taassuma saniatigut ajornanngippat arlalinnik oqaaseqartuusinnaavutit, piumasaqaataanngilarli.

Inuttut piginnaasassat tullinnguuttut pingaartippagut:

Unammillersinnaanissat aammalu ajornakusoortunik eqqortunillu aalajangiinissamut tatitussuseqarnissat pingaartuuvoq. Allattariarsornikkut oqalunnikkullu annertuumik attaveqarsinnaassuseqartutit. Pitsaasumik misissuisinnaanermik, aaqqissuussinermik ingerlariaatsinik piginnaasaqartutit takunnissinnaannermillu pilersitsisinnaassuseqartutit. Qanoq ilinikkut tusarnaarnissamut, unammillernissamut, suliakkiinissamut malinnaanissamullu maluginnissinnaassuseqartutit. Atuarfimmi immikkoortunut agguataagaasumi pitsaasumik attavimmik pilersitsisinnaasutit.

Suleqatiginnillaqqissuusutit qiimasuusutillu. Ammasuusutit aqutseriaatsikkullu ersarissuusutit.

Atuarfik immikkoortunut sisamanut agguataagaavoq: Nukarliit-, akulliit,- aammalu angajulliit kiisalu immikkut atuartitsinermut immikkoortortaq

Nalunnguarfiup Atuarfia: 1.-10. klassini atuartut 420 missaaniipput, immikkut annertusisamik atuartitat 30 missaaniittut ilinniartitsisullu 55 missaaniittut.

Atuarfiup pisortaa Sisimiuni Ilinniartitaanermut immikkoortortami Ilinniartitaanermut pisortamut qaninnertut attaveqartuuvoq.

Qeqqata Kommuniani meeqqat atuarfii

Kalallit Nunanni kommunini siulliulluni, Qeqqata Kommunia iPad atorlugu qarasaasiaqarnikkut ineriartortsinissaq suliniutigissallugu aalajangernikuuvoq. 1. klassimiit Tuluttut ilinniartitsinissaq ukkatarineqarpoq. Ilaatigut atuarfimmi siunnersortinik pingasunik atorfinitsitsinikkut, kommunimi inunnik isumaginninnermut siunnersortinik qanittumik suleqatigiinnermik atuutsitsilernikkut, atuarfiup angerlarsimaffiullu suleqatigiinnerisa nukittuujunissaat ukkatarineqarpoq. Illoqarfinni atuarfinni ilaqutariinnut klassinik pilersitsisoqareerpoq. Tamakku saniatigut aqutsisut ersarissuunissaat, aqutsisullu ineriartornissaat ukkataralugu suliniuteqarfiunikuuvoq.

Ineriartortitsinermut tassunga peqataarusukkuit, taava Nalunnguarfiup Atuarfiani atuarfimmi pisortatut atorfik qinnuteqaatigiuk.

Akissarsiat atorfininnermilu atugassarititaasut 

Akissarsiaqartitaanermut atorfinitsitaanermullu atugassarititaasut, taakkununnga ilanngullugit akiliunneqarluni angalasinnaatitaaneq aamma pequtit assartorneqarneri Naalakkersuit ilinniartitsisullu kattuffiata IMAK-ip akornanni isumaqatigiissutit sukkulluunniit atuuttut naapertorlugit inissinneqassapput. Naalakkersuisut aamma Kalaallit Nunaanni kommunini tjenestemænd-it naapertorlugit, atorfinitsitaaneq ukiuni aalajangersimasuni atorfinitsitaanermut immikkut pissutit naapertorlugit pissaaq (åremål). Atorfinitsitaanermi aammattaaq Naalakkersuisut IMAK-illu akornanni isumaqatigiissutit atuuttut imaluunniit Naalakkersuisut IMAK-illu akornanni akissaatinut isumaqatigiissutaat malinneqassapput.

 

Qaammatini aqqaneq-marlunnik atorfeqareernermi akiliunneqarluni angalatitsisoqarsinnaalissaaq.

 

Meeqqamik pinerliisimannginnermut uppernarsaat

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

 

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

 

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

1. december atorfinitsitaaneq imaluunniit isumaqatigiissuteqarnikkut

 

Qinnuteqaat ilinnniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalerlugu, 2019-imi november 17-iani tigoreersimassavarput.

Qinnuteqaat uunga nassiunneqassaaq: 

Qeqqata Kommunia
Sulisoqarnermut immikkoortortaq
Postboks 1014

3911 Sisimiut
E-mail: job@qeqqata.gl
Web: www.qeqqata.gl

 

Attavissaq
Anna Lise Kreutzmann / Annga Lynge

(+299) 86 25 81 / 86 73 80

anlk@qeqqata.gl / anly@qeqqata.gl