Skip to main content
66

ALLAGARSIUTEQQITAQ: Qeqqata Kommunia Sisimiuni Ilinniartitaanermut pisortassarsiorpoq

Qeqqata Kommuniani Sisimiuni Ilinniartitaanermut pisortatut atorfik pissanganartoq inuttassarsiorneqarpoq.

Atorfik allaffissornikkut Sisimiuni inissisimavoq, aaqqissuussinikkullu Ilinniartitaanermullu pisortaanerup ataani inissisimalluni.

Ilinniartitaanermi immikkoortortaq makkuninnga imaqarpoq; atuarfiit, meeqqeriviit, Qeqqani MISI, Majoriaq kiisalu kultureqarnermut sunngiffimmilu sammisanut immikkoortortaq.

Akimortumik aammalu imminut atasumik suliniutit eqaatsumik aamma innuttaasunik sullisserpalaartumik aaqqissuussaasumi Ilinniartitaanermut pisortap pingaartissagai kissaatigaarput.

Qinnuteqarfissaq kingulleq:

7. april 2020

Sumiiffik/Pisortaqarfik:

Sisimiut

Sivisussuseq:

Tamakkiisoq

Akissarsiat:

Isumaqatigiissutit malillugit

Suliassat akisussaaffiillu: 

• Pitsaassutsimik sullissinerullu qaffasissusaanik nukittorsaanissamik qulakkeerinnittumik immikkoortup ulluinnarni ingerlanneqarnera aqunneqarneralu pisussanngorlugu

• Kalaallit Nunanni meeqqat atuarfianni/KIVITSISA-mik kivitsinermik ineriartortitsineq ilanngullugu meeqqat atuarfianni suliniuteqarfiit kommunimi atuilluartumik ineriartortinneqarnissaanut sulinermik siunersuinermik tigusineq, aammalu

Qeqqata Kommuniani sunngifimmi sammisassat peqqinnermut attuumassusillit ineriartortinneqassasut.

Immikkoortortami missingersuutinik aningaasaqarnermillu malitseqartitsinermik akisussaaneq kiisalu missingersuutit aningaasaliissutitigut killiliussat malinneqarnissaasa qulakkeerneqarnissaat.

• Ilinniartitaanermut ataatsimiititaliamut saqqummiussassanik suliaqarneq ataqatigiissaarinerlu kiisalu ataatsimiititaliap ataatsimiinnerani peqataaneq

• Illup avataanut paasissutissiisarnerup qulakkeerneqarnissaa, taamaalilluni immikkoortortami allannguutit pillugit innuttaasut ukuninnga ingerlaavartumik paasissutissiiffigineqartarlutik

Ilinniartitaanermi immikkoortortami allannguutit

• Sulisut atugarissaarnissaasa qulakkeerneqarnissaa

• Kommunimi tamarmiusumi assigiissaarinermik sulinerup paariinnarneqarnissaa

 

Piginnaasassat:

• Ammasumik ersarissumillu aqutseriaaseqartutit

• Siusinnerusukkut suliffigisimasanni aqutsisutut misilittagaqartuusutit

• Kommuunit missingersuutaannik naatsorsuutaannillu aqutsinermut ilisimasaqartuusutit

•  Politikkikkut aqunneqartumik suliffeqarfimmi sulinermik ilisimasaqarlutillu misilittagaqartuusutit

• Attuumassutilimmik ilinniagaqarsimasuusutit

• Aalajangiillaqqissuussutit

• Sulisunik kajumissaarillaqqissuusutit

• Eqqaatsumik suleriaaseqartutit kiisalu takunnillaqqissutit aammalu suleqatiginnikkumasuusutit

• Arlalinnik oqaaseqartuussutit, kalaallisut, qallunaatut tuluttullu

 

Neqeroorutigisinnaavarput:

• Suliffik pissanganartoq unammillernartorlu

• Suliffeqarfik ulluinnarni uummaarissoq unammillernartorpassualik

• Suleqatit pitsaasut amerlasuut

 

Aningaasarsiat atorfininnermullu atugassarititaasut: 

Akissarsiat atorfeqartitaanermilu atugassarititaasut, akiliunneqarluni angalaneq pequtinillu assartuineq ilanngullugit, Naalakersuisut aamma Ilinniartitsisut Meeqqat Atuarfianneersut Kattuffiat (IMAK) aamma Kalaallit Nunaanni Namminersorlutik Oqartussat Kommunillu ataanni allaffissornermut pisortanut akissarsiaqartitaanermut atorfinitsitaanermullu atugassarititaasut pillugit isumaqatigiissutaat sukkulluunniit atuuttut naapertorlugit inissinneqassapput.

 

Atorfinitsitaaneq isumaqatigiissuteqarnikkut pissaaq, kisianni Kalaallit Nunaanni allami tjenestemanditut atorfeqareersimagaanni toqqaannartumik tjenestemanditut ikaarsaartoqarnissaanut periarfissaqarpoq.

 

 

1. maj 2020 isumaqatigiissuteqarnikkulluunniit atorfinittoqassaaq.

 

Atorfik pillugu paasissutissat sukumiinerusut Ilinniartitaanermik Pisortamut Annga Lynge oqarasuaat (+299) 86 73 80, email: anly@qeqqata.gl saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatit assilinerinik, oqaaseqaatinik, imminut ilisaritinnermik, pinerluuteqarsimannginnermut uppernarsaammik attaveqarfissanillu ilalik nassiunneqassaaq kingusinnerpaamik april-ip 7-ani 2020 uunga: 

 

Qeqqata Kommunia
HR Afdeling
Postboks 1014
3911 Sisimiut
E-mail: job@qeqqata.gl
Web: www.qeqqata.gl/job

 

Attavissaq:
Annga Lynge
(+299) 86 73 80
anly@qeqqata.gl