Qeqqata Kommuniani Sisimiut Maniitsorlu tamarmik ataatsimik aalisarnermut piniarnermullu siunnersorteqarput, illoqarfinni nunaqarfinnilu aalisartunut piniartunullu sullissisuusunik.

Sisimiuni aalisarnermut piniarnermullu siunnersorterput utoqqalinersiaqangajalermat, Sisimiuni aalisarnermut piniarnermullu siunnersortimik uummaarissumik pissarsiorpugut. Sisimiuni Maniitsumilu aalisarnermut piniarnermullu siunnersortit imminut qaninut oqaloqatigiittarput imminnullu suleqatigiittarlutik.

 

Aalisarnermut piniarnermullu siunnersortimik aalisarnerup piniarnerullu iluani malittarisassanut inatsimmullu ilisimasalimmik pissarsiorpugut. Aalisartunut piniartunullu tapiissuteqarnissamut periarfissanik aammalu angallatinik atortussanillu nutaanik pisinissamut aningaasalersuinissaq pillugu ilisimasaqassaatit. Suliassat assigiinngiiaartuussapput. Ilinniartitsisoqarumaarpoq.

 

Aalisarnermut piniarnermullu siunnersortitut ilaatigut suliassanik tullinnguuttunik suliassaqassaatit:

 

• Sisimiuni aqutsiveqarfimmi pisuussutinik uumassusilinnik aqutsineq
• Aalisartunut, piniartunut, sunngiffimmi pinialuttartunut, tammajuitsussarsiortitsilluni piniartitsisartunut, aalisarnermut kattuffinnut Namminersorlutillu Oqartussanut attaveqarneq
• Piniarneq aalisarnerlu pillugit qinnuteqaatinik suliaqarneq
• Angallatitaarniarnermut tapiiffigineqarnissaq pillugu siunnersuineq
• Angallatinik Søfartstyrelsen-imut nalunaarsuineq
• Suleqatit suleqatigalugit tusarniaanernik assigiinngitsunik akissuteqarneq
• Aalisarnermik piniarnernillu inuussutissarsiuteqarnermik ineriartortitsineq
• Inuussutissarsiorfiup iluani inatsimmut ilisimasaqarneq
• Illuatungeriinnik akuutinneqartunik akimortumik suleqateqarneq
• Ataatsimiititaliamut sulianik saqqummiussassaliornerit
• Aalisarnermut piniarnermullu ataatsimiititaliamut allattaaneq
• Suliassat takkussuuttut nalinginnaasut

 

Inuttut piginnaasassat

 

• Tassunga assingusumik suliffeqareersimaninnit allaffissornikkut misilittagaqarluarneq
• Suliatigut tunniusimasoq siuttuusorlu
• Nammineersinnaassuseqarluni, akisussaassuseqarluni sullissillaqqillunilu sulisinnaasoq
• Pitsaasumik ingerlatitseqqissinnaasoq
• Qarasaasiamik atuinissamik ilisimasaqartutit
• Aalajaatsoq, tatiginartoq qiimasorlu
• Tulleriiaarisinnaassuseqarneq, aaqqissuussaasumillu sulisinnaaneq
• Qallunaatut kalaallisullu oqaatsitigut allattariarsornikkullu pitsaasumik piginnaasalik

 

Akissarsiat atorfeqartitaanermullu atugassarititaasut:
Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

Atorfik allaffissornikkut Sisimiuni inissisimavoq, Sisimiunilu Allatseqarfimmi pisortap ataani aaqqissuussaanikkut inissisimalluni.

Piaartumik isumaqatigiissuteqarnikkulluunniit atorfinittoqassaaq.

 

Atorfik pillugu paasissutissat annertunerusut Sisimiuni Pisortaqarfiup Allatseqarfiani pisortamut Peter Evaldsen, telefon 867307, e-mail pete@qeqqata.gl imaluunniit Pisortaanerup sulisuinut pisortamut Hans Christian Sværd, oqarasuaat (+299) 86 73 02, e-mail: hcsv@qeqqata.gl saaffiginninnikkut pissarsiarineqarsinnaapput Qinnuteqaat ilinniarsimanermut uppernarsaatit assilinerinik, imminut ilisaritinnermik, oqaaseqaatinik attaveqarfissanillu ilaligaq 2023-mi martsip 27-ani tigoreersimassavarput.

Qinnuteqaat una aqqutigalugu nassiunneqassaaq