Skip to main content
95

Dette jobopslag er udløbet

ALLAGARSIUTEQQITAQ: Pisortap tullianik Sisimiuni Atugarissaarnermut immikkoortortamut

Qeqqata Kommuniani sulisut qitiutippagut. Akimortumik suleqatigiinnermut pitsaasumut tunniussaqarnissamut soqutiginnittuuit nuannerunartillugulu? Taamaassappat illiussaaq atorfissaqartitarput? – Immikkoortortatinni pisortap tullianik tunniussimasumik, pikkorissumik akisussaassulimmillu pisariaqartitsigatta Qeqqata Kommunia ERP-mik systemimut ikaarsaarnikuuvoq, ilisimasaqarfiginissaalu iluaqutaassaaq. Sisimiut Kalaallit Nunaanni illoqarfiit annersaasa tullerivaat 1764-imi pilersinneqarnikuusoq. Ukiut 250 kingulliit ingerlanerani illoqarfik ineriartupiloornikuuvoq, illoqarfik nutaanngitsunik nutaanillu taakkulu akornaniittut pigivai. Ilinniartitaanermik, nutaaliaasumik ineriartornermik teknoligimilu ataqateqarluni piniarnermut kulturitoqaq inooqatigalugu.

Atugarissaarnermut immikkoortortaq una atorfik ilanngullugu sulisunut 25-nut amerlassusiligaavoq.

Qinnuteqarfissaq kingulleq:
3. august 2020

Sumiiffik/Pisortaqarfik:
Sisimiut

Sivisussuseq:
Tamakkiisumik

Atorfininnermi ulloq:
1. september 2020 imaluunniit isumaqatigiissuteqarnikkut

Akissarsiat:
Isumaqatigiissutit malillugit

 

Pisortap tulliata suliassai pingaarnerit tassaassapput: 
Nalinginnaasumik missingersuutit malitsinneqarnersut ingerlaavartumik pisortap tulliata nakkutigissavai. Taakkununnga ilanngullugu siunertanut kodet siunertarineqartunut atorneqarnersut pisortap tulliata malinnaaffigissavai. Siunertanut kodeni atuivallaartoqarneranut tunngatillugu malitseqartitsinissamik pisortap tullia akisussaasuuvoq, tamatuma kingorna immikkortortami aqutsisoq pineqartoq aamma Atugarissaarnermut pisortaq peqatigalugit pisortap tullia ajornartorsiuutaasumi aaqqiissutissamik nassaarniassaaq.

Immikkoortortani aqutsisut pisortallu tulliata akornanni pitsaasumik suleqatigiinneq anguneqarsinnaaqqullugu, Atugarissaarnermut immikkoortortami aningaasaqarnikkut suleriaatsinut malitassamik pisortap tullia suliaqassaaq. Atugarissaarnermut immikkoortortamut tamarmut missingersuutissanut saqqummiutassanik, missingersuutinik malitseqartitsineq missingersuutinullu nalunaarusiornissaq immikkoortortani aqutsisut sinneri suleqatigalugit pisortap tulliata akisussaaffigivaa. Soorluttaaq pisortanik ikiorsiissutinik nutarterinermut suleriaatsini, kiisalu suliassanik digitalinngorsaanermik atuutilersitsinissamut Pisortap tullia ataqatigiissaarisuussasoq.

Naatsorsuutigaarput:

·       Allaffissornermi aningaasaqarnermut attuumassutilimmik ilinniagaqarsimaneq

·       Aqutsinermik misilittagaqartoq, aqutsinerup iluani ilinniaqqissimasuusinnaavoq, akademiskimik imaluunniit inatsisitigut sullissineq, piumasaqaataanngilarli

·       Kalaallit Nunaanni isumaginninnermut immikkoortumut anigaasaqarnermullu tunngasuni inatsisinut ilisimasaqarneq

·       Kommunimi politikkikkullu sullissinermik il.il. misilittagalik

·       Eqaatsumik pitsaasumik suleriaaseqartoq suleqatiginnikkusussuseqartorlu

·       Tamanik isiginnissinnaalluartuusutit aamma pisuni ulapaarfiusuni

·       Nammineersinnaassuseqartutit akisussaassuseqartutillu

·       Sulianik/suliassanik digitalinngorsaanermut misilittagalik

·       Marluinnik oqaaseqartuunissat, kalaallisut/qallunaatut, piumasaqaataanngilarli

Akissarsiat atorfinitsitaanermilu atugassarititaasut
Akissarsiat atorfinitsitaanermilu atugassarititaasut isumaqatigissutit sulinermilu isumaqatigiissutit sukkulluunniit atuuttut naapertorlugit inissinneqassapput.

 

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

 

1. september 2020 imaluunniit isumaqatigiinnikkut atorfinitsitsisoqassaaq.

Pineqaatissinneqarsimannginnermik uppernarsaat:
Atorfik matumani pineqartoq pinerluuteqarsimannginnermut meeqqanillu pinerluuteqarsimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.

Atorfik pillugu paasissutissat annertunerusut Atugarissaarnermi pisortamut Estella Buhrkall oqarasuaat (+299) 86 74 31, e-mail: esbu@qeqqata.gl saaffiginninnikkut pissarsiarineqarsinnaapput

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik ulloq 3. august 2020-mi tigoreersimassavarput

 

Qinnuteqaat uunga nassiunneqassaaq: 
Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl

 

Estella Buhrkall
(+299) 86 7431
esbu@qeqqata.gl