Skip to main content
88

Dette jobopslag er udløbet

Allagarsiuteqqitaq Atammimmi atuarfimmi aqutsisussamik aamma ilinniartitsisumik pissarsiorpoq

Nuup Maniitsullu akornanni Atammik inissisimavoq, imaatigut angallannikkut anguneqarsinnaasoq. Atammik 200-t angullugit inuttutigaaq, taakkunanngalu 25-t missaaniittut atuartuullutik. Klassinut pingasunut, immikkullu atuartitsinermut ataatsimut agguataagaallutik, atuarfinni 1. - 8. klassit atuartuupput. Atuartut 9. - 10. klassimi atuartussanngortillutik, Maniitsumi Qeqqata Kommunip atuartunut angerlarsimaffianut nuuttarput, Atuarfik Kilaaseeqqamilu atuartarlutik. Ilinniartitsisoqatigiit tassaapput ilinniartisisut sisamat, timelærerilu ataaseq, atuarfimmi aqutsisoq ilanngullugu.

Atuarfimmi aqutsisumik ilinniartitsisumillu pissarsiorpugut, fagini tamani akullerni angajullernilu ilinniartitsisinnaasunik.

 

Sulianut tunngatillugu inuttullu piginnaasassat tullinnguuttut pingaartippagut

Nunaqarfimmi atuarfimmi pissanganartumik ineriartortumi, kajumissaarisuuvutit, tunniusimatitsillaqqissuullutit kiisalu ersarissumik perorsaanermik aqutsinermik upperisaqartuullutit. Ilinniartitsisunik, angerlarsimaffinnik, sunngiffimmi immikkoortortamik, ingerlatsivimmik, pingaarnertullu meeqqanik suleqateqarluarnissamik pingaartitsisuullutit aqutsisuuvutit.

Ilinniartitsisutut ilinniarsimasuuvutit aqutsisutullu ilinniagaqartuusinnaallutit.

Unammillersinnaanissat aammalu ajornakusoortunik eqqortunillu aalajangiinissamut tatitussuseqarnissat pingaartuuvoq. Allattariarsornikkut oqalunnikkullu annertuumik attaveqarsinnaassuseqartutit. Pitsaasumik misissuisinnaanermik, aaqqissuussinermik ingerlariaatsinik piginnaasaqartutit takunnissinnaannermillu pilersitsisinnaassuseqartutit. Qanoq ilinikkut tusarnaarnissamut, unammillernissamut, suliakkiinissamut malinnaanissamullu maluginnissinnaassuseqartutit. Atuarfimmi immikkoortunut agguataagaasumi pitsaasumik attavimmik pilersitsisinnaasutit.

Suleqatiginnillaqqissuusutit qiimasuusutillu. Ammasuusutit aqutseriaatsikkullu ersarissuusutit.

 

Neqeroorutigisinnaavagut

Nunaqarfimmi atuarfimmi ilinniartitsisut kiisalu Maniitsumi Atuarfik Kilaaseeqqami ilinniartitsisut peqatigalugit, ukiup ingerlanerani faginut tunngasunik pikkorissaanerit peqataavigineqartassapput. Upernaat tamaasa Atuarfik Kilaaseeqqami Maniitsumut tikeraartarpoq, atuartut ukioqatiminni klassini atuartitsinernut peqataajartorlutik, ilinniartitsisullu klassini atuartitsinernut malinnaallutik, aqutsisorlu ilitsersuunneqartarluni aqutsinermut sakkunut. Pissanganartumik atuartitseriaaseq, skype atorlugu nunanit allaniit ilinniarsimasunik tuluttut atuartitsineq ingerlanneqartarpoq.

 

Akissarsiat atorfeqartitaanermilu atugassarititaasut. 

Akissarsiat atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Naalakkersuisut aamma ilinniartitsisut kattuffiat IMAK-ip akornanni qaqugukkulluunniit isumaqatigiissutit atuuttut naapertorlugit inissinneqassapput. Naalakkersuisut aamma Kalaallit Nunaanni kommunini tjenestemænd-it naapertorlugit, atorfinitsitaaneq ukiuni aalajangersimasuni atorfinitsitaanermut immikkut pissutit naapertorlugit pissaaq. Tjenestemanditut atorfinissinnaaneq Kalaallit Nunaanni allamik tjenestemanditut atorfeqarsimagaanni toqqaannartumik nuunnissamut periarfissaqarpoq.

Atorfinitsitaanermi aammattaaq Naalakkersuisut IMAK-illu akornanni isumaqatigiissutit atuuttut imaluunniit Naalakkersuisut IMAK-illu akornanni akissaatinut isumaqatigiissutaat malinneqassapput.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput.  Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq.  Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Inissaqartitsisoqarsinnaavoq, malittarisassat atuuttut naapertorlugit akilersorneqartussamik. 

2020-imi augustip 15-aniit atorfinitsitsisoqassaaq imaluunniit isumaqatigiissuteqarnikkut.

Qinnuteqaat ilinniarsimanermut uppernarsaatit assilinerinik, imminut ilisaritinnermik, oqaaseqaatinik, attaveqarfissanillu ilalik kingusinnerpaamik ulloq 29. juli 2020-mi tigoreersimassavarput

 

Qinnuteqaatit uunnga nassiunneqassapput:

Qeqqata Kommunia
HR Afdeling
Postboks 1014
3911 Sisimiut
E-mail: job@qeqqata.gl
Web: www.qeqqata.gl

 

Attavissaq:
Anna Heilmann
(+299) 81 78 68
annh@qeqqata.gl