Skip to main content
109

Dette jobopslag er udløbet

Qaanaami ikummatissaasiviup ittuanut ikiorti

KNI A/S Qaanaami Ikummatissanik immikkoortortaqarfia Polaroil ikummatissaasiviup ittuata ikiortissaanik pissarsiorpoq, piaartumik imaluunniit isumaqatigiissuteqarnikkut sulilersussamik.

  Ikiortip ikummatissaasiviup ittua qaninnertut pisortarissavaa.

 

Ikummatissaasiviup ittuanut ikiortip pingaarnertut suliassai makkuussapput:

  • Qaqugukkulluunniit ikummatissaasiviup ittua taarsertassallugu, taamaattumillu taassuma suliai aamma ingerlassinnaasariaqarlugit
  • Ikummatissaasiviup ittuata peqqussusiai naapertorlugit, ikummatissaasivimmi sulisut allat ulluinnarni suliakkersorlugillu sulinerat aqussinnaasariaqarlugit
  • Pisianik sullissisinnaaneq (fakturaliornerit il.il.)
  • Ikummatissaasivimmi aserfallatsaaliineq, nunaqarfigisami ikummatissaasivii aqqusinermilu angallannermut atortut ilanngullugit
  • Ikummatissanik assartuummik tikittoqartillugu isumaginnissinnaaneq, tamatumalu saniatigut pitsaassutsimik isumannaallisaanermillu nakkutilliisinnaaneq
  • Maleruagassat ikummatissaasivimmik ingerlatsineq mappersakkami allassimasunik inatsisinillu atuuttunik ilisimasaqarnissaq, kiisalu Qaanaami ikummatissaasiviup ittuata aammalu ikummatissaqarfiup Sisimiuni kiffartuussivimmi allaffianiit peqqussutigalugit maleruaqqusat malittassallugit
  • Aqqusinermi angallannermi atortunut allagartaqarnissaq piumasaqaataavoq
  • Oqaatsinik kalaallisut qallunaatullu atuisinnaaneq

 

 

Atorfik makkuninnga ilisimasalimmik inuttalerusupparput:

·       Ammasuussasoq, sullisserusussuseqassasoq eqaatsumillu suleriaaseqassasoq

·       Ulapiffiup nalaani paatsiveerunnani malinnaasinnaassusilik

·       Akisussaassusilik

 

Atorfinittussamut neqeroorutigaagut:

  • Piginnaasat naapertorlugit isumaqatigiissuteqarnikkut akissaateqartitaaneq
  • Piginnaanngorsaqqinnissamut periarfissat pitsaasut
  • Suliffik ulluni tamani assigiinngissitaarfiusoq, pissanganartoq unamminartorlu
  • Atorfimmut atatillugu inissaqartitsisoqanngilaq

 

Atorfik pillugu paasisaqarnerorusukkuit ikummatissaasiviup ittua Inukitsujoruk Henningsen attavigineqarsinnaavoq oqarasuaatikkut: 86 81 06, mobil: 52 62 09 – imaluunniit driftschef Gerth Jack Storer mobil: 48 51 77.

 

Qinnuteqaat:

Qinnuteqaat sukumiisoq tunngavilersugaq Ilinniarsimanermut uppernarsaatit, siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissat kingusinnerpaamik tigoreersimassavagut ulloq 2. november 2020.

 

Qinnuteqaat uunga nassiunneqassaaq:

KNI A/S
Sulisoqarnermut immikkoortortaqarfik
Postboks 319
3911 Sisimiut
Email: jobs@kni.gl

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

 

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissaqartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

 

KNI pillugu paasisaqarnerorusukkuit www.kni.gl -mut iserlutit paasisassarsiorsinnaavutit.