Skip to main content
76

Dette jobopslag er udløbet

Ilulissani ikummatissaasiviup pisortaanut tullersorti

KNI A/S ikummatissanik immikkoortortaqarfia Polaroil Ilulissani ikummatissaasiviup pisortaata tullersor-taanik pissarsiorpoq ulloq  1. maj. 2021 aallarnerfigalugu imaluunniit isumaqatigiissuteqarnikkut sulilersussamik.

 

Ikummatissaasiviup pisortaanut tullersortip ikummatissaasiviup pisortaa qaninnertut pisortarissavaa.

 

Ikummatissaasiviup pisortaanut tullersortip pingaarnertut suliassai makkuussapput:

  • Qaqugukkulluunniit ikummatissaasiviup pisortaa taarsertassallugu, taamaattumillu taassuma suliai aamma ingerlassinnaasariaqarlugit
  • Ikummatissaasiviup pisortaata peqqussusiai naapertorlugit, ikummatissaasivimmi sulisunut  sulianik agguataarineq, sulisunillu aqutsineq
  • Pisianik sullissisinnaaneq (fakturaliornerit il.il)
  • Ikummatissaasivimmi aserfallatsaaliineq, nunaqarfigisami ikummatissaasivii aqqusinermilu angallannermut atortut ilanngullugit
  • Ikummatissanik assartuummik tikittoqartillugu isumaginnissinnaaneq, tamatumalu saniatigut pitsaassutsimik isumannaallisaanermillu nakkutilliisinnaaneq
  • Maleruagassat ikummatissaasivimmik ingerlatsineq mappersakkami allassimasunik inatsisinillu atuuttunik ilisimasaqarnissaq kiisalu Ilulisani ikummatissaasiviup pisortaata aammalu ikummatissaqarfiup Sisimiuni kiffartuussivimmi allaffianiit peqqussutigalugit maleruaqqusat malittassallugit
  • Aqqusinermi angallannermi atortunut allagartaqarnis-saq piumasaqaataavoq
  • Oqaatsinik – kalaallisut, qallunaatullu atuisinnaaneq

 

Atorfinittussamut neqeroorutigaagut:

  • Piginnaasat naapertorlugit isumaqatigiissuteqarnikkut akissaateqartitaaneq
  • Atorfimmut atatillugu inissaqartitsisoqanngilaq
  • Atorfik pissanganartoq ulluinnarnilu ulapaarfiusoq
  • Piginnaasat ineriartortinnissaannut periarfissat pitsaa-sut

 

Atorfik pillugu paasisaqarnerorusukkuit ikummatissaasiviup pisortaa Flemming K. Lassen attavigineqarsinnaavoq oqarasuaatikkut: 86 82 36 mobil: 54 51 52 imaluuniit driftschef Gerth Jack Storer oqarasuaat: 48 51 77.

 

Qinnuteqaat

Qinnuteqaat, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq tigoreersimassavarput kingusinner-paamik ulloq 29. april 2021.

Qinnuteqaat uunga nassiunneqassaaq:

 

KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl  

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

 

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissaqartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

 

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit.