Skip to main content
101

Dette jobopslag er udløbet

Allagarsiuteqqitaq Nuummi ikummatissaasivimmi sulisoq

KNI A/S ikummatissanik immikkoortortaqarfia Polaroil Nuuk ikummatissaasivimmi sulisumik pissarsiorpoq piaartumik imaluunniit isumaqatigiissuteqarnikkut sulilersussamik.

 

Ikummatissaasivimmi sulisup qaninnertut pisortarissavaa ikummatissaasiviup pisortaa.

 

Ikummatissaasivimmi sulisup pingaarnertut suliassaai makkuussapput:

•       Ikummatissamik orsersuineq, kilisaatinut umiarsuarnullu

•       Ikummatissamik tunisineq

•       Perrasaatinik gas-inillu tunisineq

•       Ikummatissaasivimmi atortuutinik angallannermullu atortunik nalinginnaasumik aserfallatsaaliineq

•       Ikummatissanik pajuttoqarnerani sinerissamut pajuttuisartup usingiarnerani immernerani ikiortaaneq

 

Ikummatissaasivimmi sulisutut atorfik imaattumik inuttalerusupparput:

•       Sullisserusussuseqarneq

•       Marluinnik oqaaseqarnissaq, qallunaatut kalaallisullu

•       Sulerusussuseqarnermik pigisalik

•       Ulapiffiup nalaani paatsiveerunnani malinnaasinnaassuse-qarneq

•       Akisussaassusilik

•       Ammasuunissaq ilakkuminartorlu

•       Naatsorsuuserinermik ilisimasaqarnermik iluaqutaassaaq

•       Biilinut angisuunut allagartaqarnissaq piumasaqaataavoq

 

Atorfinittussamut neqeroorutigaavut:

•       Piginnaasat naapertorlugit isumaqatigiissuteqarnikkut akissaateqartitaaneq

•       Atorfik pissanganartoq ulluinnarnilu ulapaarfiusoq

•       Piginnaanngorsaqqinnissamut periarfissat pitsaasut

•       Atorfimmut atatillugu inissaqartitsisoqanngilaq

 

Atorfik pillugu paasisaqarnerorusukkuit ikummatissaasiviup pisortaa Rene L. Møller attavigineqarsinnaavoq oqarasuaatikkut: 86 81 13 mobil: 55 96 44 imaluunniit driftschef Gerth Jack Storer mobil: 48 51 77 mailikkulluunniit uunga gjs@kni.gl.

 

Qinnuteqaat

Qinnuteqaat sukumiisumik tunngavilersugaq, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissaq, tigoreersimassavarput kingusinnerpaamik ulloq  1. oktober  2020.

 

Qinnuteqaat uunga nassiunneqassaaq:

KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl

 

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat.  Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittar-pai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissaqar-titsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittar-feqarfitsigut nittartakkakkullu tuniniaanikkut.

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit.