Skip to main content
67

Dette jobopslag er udløbet

Tullersortissamik pissarsiorpugut

Suliffik unammillernartoq kissaatigaajuk, Pisiffimmi Aasianni annertuumik sunniuteqaqataasinnaavutit aammalu namminersorlutit sulillutit. Taava atorfik ilinnut pigaarput. Pisiniarfiup tuniniaanermi pisortaa peqatigalugu pisiniarfiup tuniniaanissaminut ataavartumik piareersimanissaa isumagissavat.

Tullersortissamik pissarsiorpugut 1. april 2020 atorfinittussamik. Pisiniarfiup tuniniaanermi pisortaanut attaveqassaa-tit

Pisiffiup anguniagaraa niuertarfittut aammalu suliffeqarfittut pitsaanerpaajunissaq. Ineriartornermut tassunga peqataarusuppit?

Suliassatit pingaarnerit makkuupput:

  • Pisisartut isernissaannut pisiniarfik kiffartuussinissaminut aammalu tuniniaanissaminut piareersimajuaannartoq
  • Sulisunik aqutsineq aammalu suleqatinik ineriartortitsineq
  • Aningaasaqarneq
  • Pisiniarfimmik ingerlatsineq aamma aqutsineq
  • Ussassaarineq PR-lu
  • Pisiniarfimmi pilersaarusiornerit
  • Inuttut ineriartorneq
  • Atorfinititsineq soraarsitsinerillu
  • Pisisartut iluarisimaarinnittut
  • Unammillertinik alaatsinaanneq
  • Sulisussaqarnissaq

Ilinnut naatsersuutigut:

  • Tamatigoortuunissat, piumassuseqartutit, ulapporissuunissallu
  • Inuk tamanik takunnilluarsinnaasoq, sulianillu ataatsikkut arlalinnik ingerlatsisinnaasoq
  • Ineriartornissamut ilisimaarinnittoq, qanorlu iliuuseqarusuttoq
  • Namminersorsinnaasoq, suleqatigiilluarnermik ilisimaarinnittoq
  • Aqutsinermik misilittagalik
  • Iliuuseqarumatooq
  • Unneqqarissoq, tatiginartoq, ilumoorluinnartoq
  • Torersumik pilersaarusiukkamik suliariaasilik
  • Pisiniarfimmiutut ilinniarsimasoq, imaluunniit ukiorpassuarni pisiniarfimmi aqutsinermik misilittagaqarneq
  • Pissuserissaarnermik maligassiuisoq

Uagut neqeroorutigaarput:

  • Suliffeqarfik immikkuullarissoq, suleqatigiinnermik uukkatalik
  • Atorfik atorfimmut aammalu inuttut ineriartorfiulluartoq
  • Sulisut suleqatillu pikkorissorpassuit
  • Pisinnaasat najoqqutaralugit akissarsiat pilerinartut.
  • Soraarnerusutisiassat

Atorfik qulaani pineqartoq soqutigigukku taava attavigiuk Tuniniaanermi pisortaq Kenneth Ingemann oqarasuaat +299 53 55 33. Qinnuteqarfissaq ulloq kingulleq 20. marts 2020

Atorfik nittartagarput aqqutigalugu qinnutigiuk: www.pisiffik.gl