Skip to main content
100

Pisiffik søger en talknusende disponeringsanalytikerPisiffiup Qullersaqarfia kisitsisilerillammammik disponeringsanalytikerissarsiorpoq

Pisiffiup qullersaqarfiani Pisiffimmi taassumalu ataani pisiniarfinni suliassat qitiusut suliarineqartarput. Pisiniarfiit Pisiffiup ataaniittut nioqqutissaqartuarnissamut aningaasaqarniarnermullu tunngasuusut ikorfartorpagut. Qullersaqarfik 40-t miss. sulisoqarpoq, tassaniippullu Aqutsisoqarfik, Aningaasaqarnermut immikkoortortaqarfik kiisalu Pisiortornermut Nittarsaassinermullu immikkoortortaqarfik.

Atorfimmut tunngatillugu:
Disponeringsanalytikeritut atorfik Pisiffimmi atorfiuvoq nutaaq. Suliassarissavatit Pisiffiup pisiniarfiini nioqqutissaqartuarnissaata qulakkeernissaanik aaqqiissummik ingerlaavartussamik ineriartortitseqataanissat. Aaqqiissut ingerlaavartussaq taamaalilluni siunissami Pisiffiup ingerlatsineranut pingaaruteqartorujussuusussaavoq.

Misissueqqissaarneq, Suliat ingerlaarneri aammalu Nalunaarusiorneq Pisiffimmi pisiortornermut immikkoortortaqarfimmut ikorfartuutaavoq. Siunertaraarput spend-analyse atorlugu Pisiortornermi KPI-p qulakkeernissaa aammalu sunniuteqarluartumik qaffasissumillu pitsaassusilimmik disponeringip ingerlaarnissaa.

Aaliangiisartut qanimut malinnaaffigissavatit misissueqqissaarnermillu eqqarsartariaatsit pikkoriffigilluinnakkat aammalu aaqqiissutit pitsaanerpaat anguniarlugit tuniniaanermi paasisimasatit kiisalu suliassanik tulleriiaarinerit eqqortut atorfissaqartissavatit.

Pisiffimmi Automatisk Disponeringimut aqutsisuusup ataani atorfeqassaatit.

 Suliaqarfimmut pikkoriffitit:

  • Suliamut atatillugu kisitsisinik suliaqarneq pikkoriffigaat, isumatusaartumik suleqateqartarputit, sutigut tamatigut suliffeqarfiup iluani angusaqarusuttuuvutit aammalu suleqatinnut kikkunnulluunniit kiffartuussilluarusussuseqarlutit.
  • Torersumik, misissueqqissaartumik peqqissaartumillu suleriuseqarputit
  • Imminut ”kisitsisilerillammattut” isigivutit
  • IT-mut piginnaasaqarluartuuvutut Excel-imilu sungiussisimalluartuullutit (avanceret)
  • Akisussaassuseqarputit anguniakkallu anguniarnerani sukataarnerunissamut piumassuseqartuullutit
  • Tuluttut pikkorissuuneq iluaqutaassaaq
  • Pisiortorneq kiffartuussinertut isigaat. Suliassarpassuaqarneq iluarivat namminerlu suliassanik aallartitsisarneq ilisarnaatigalugu, namminersortuunerit, torersumik suliaqartarnerit angusaqarusussutsillu.

Atorfininnermi atugassarititat:

  • Suliffeqarfimmi soqutiginartumi ineriartortumilu atorfeqarnissat neqeroorutigaarput
  • Suliffik Pisiffiup iluani sunniuteqarfigisinnaasat
  • Suliaqarfimmut tunngatillugu inuttullu ineriartornissamut periarfissaq
  • Piginnaasat aallaavigalugit akissarsiat

Atorfininneq piaartumik imaluunniit kingusinnerpaamik 1. marts 2021

 

Qinnuteqarneq aamma attaveqarfissaq:
Atorfik pillugu paasisaqarnerorusukkuit Automatisk Disponeringsleder Martin Fjordside saaffigisinnaavat telefon +299 38 11 97 imlt.+299 58 58 40

 
Piffissap ingerlanerani oqaloqatiginninnissamut qaaqqusisassaagut.