Skip to main content
83

Dette jobopslag er udløbet

Pisiffik A/S atortorissaarutaarniarfimmut Pisattanut Akikimullu pisiortornermut aqutsisussarsiorpoq

Tuniniagassanik pisiortornermut pilerisaarinermullu pisortap ataani suleqatigiit 18-iusut pisiortortuusut suleqatigissavatit. Atortorissaarutinik ilaqutariiaartunullu pequtissanik pisiniarfiit Pisattat katillugit arfiniliusut Nuummilu Akikimut pisiortornissaq pingaarnertut akisussaaffigissavat.

Pingaarnertut suliassat:

  • Nioqqutissat immikkoortiternerisa aqunnissaat
  • Nioqqutissaateqarfigisanik neqeroorutissanik toqqartuineq
  • Nioqqutissaatinik akisussaaneq, ineriartortitsineq, tuniniaaneq iluanaaruteqarnissarlu
  • Ulluinnarni pisiniarfiit attaveqarfigisarnissaat
  • Pisiortorfigisartakkanik oqaloqateqarneq/isumaqatiginninniarneq
  • Ullut tamaasa nioqqutissaateqarfigisamut kisitsisinik malinnaaneq

Niuertarfimmi iluatsitsinermut tunngavissat:

  • Siuariartorneq aalaakkaasoq
  • Iluanaaruteqarsinnaanerup pitsanngornera
  • Kaaviiaartitat amerliartornerisa qaffanneri

Piginnaasaqarfiit:

  • Niuernernerup iluani assingusumi atorfeqarsimanermi misilittakkat, soorlu pisiortortuusimaneq, pisiniarfimmi aqutsisuusimaneq tuniniaanermiluunniit aqutsisuusimaneq
  • Nioqqutissaateqarfimmut ilisimasaqarneq, taassuma ataani nioqqutissaatinik ineriartortitsinermut paasisimasaqarneq
  • IT-mut piginnaasaqarneq

 

Inuttut piginnaasat:

  • Aaqqissuussaalluartumik suliaqartarputit, piffissamik pilersaarusiorsinnaallutit pingaartitsisuullutillu
  • Takorluuisinnaassuseqarputit namminersorlutillu isumassarsiatit ineriartortillugillu anguniartarlugit
  • Naammassisaqarusussuseqartuuvutit
  • Piffissaq eqqorlugu aaliangiussaqartarputit taakkulu piviusumik tunngaveqartittarpatit
  • Erseqqissumik attaveqariaaseqarputit sunniisinnaassuseqarluarlutillu

Neqeroorutigaagut:

  • Kalaallit Nunaani niuernerup iluani suliffimmi siuttumi atorfik unamminartoq pissanganartorlu
  • Ulluinnaq allanngorartuartoq nammineq ilusilerluarsinnaakkat
  • Inuttut piginnaasatigullu ineriartornissamut periarfissat pitsaasut
  • Suliap inernerinik tigussaasumik ersersitsinissamut periarfissat pitsaasut
  • Atorfimmut tunngatillugu iluanaarutit assigiinngitsut soorlu pension-isiassanik aaqqiivigitinneq, peqqinnermut tunngasumut sillimmaserneqarneq, pisiniarnermi akikillisaavigitinneq il. il. 
  • Atorfimmut tunngatillugu inissamik neqeroorsinnaavugut
  • Piginnaasat aallaavigalugit akissarsiat

Atorfiup inissisimaffia: Nuuk

Atorfimmut tunngatillugu paasisaqarnerorusukkuit pisiortornermut pilerisaarinermullu pisortaq Heine S. Jensen mobil +299 557142-imut saaffigisinnaavat.

Kingusinnerpaamik qinnuteqarfissaavoq 10. december 2019, uungalu nassiunneqassaaq:

Pisiffik A/S
Postboks 61
3900 Nuuk
Att. Heine S Jensen

Atorfik aamma Pisiffiup nittartagaatigut qinnutigisinnaavat uunga: www.pisiffik.gl  
 

Pisiffik A/S Kalaallit Nunaanni niuernerup iluani annersaavoq 48-nillu sinerissami illoqarfinni annerni arfiniliusuni, kujataani Qaqortumiit avannaani Ilulissani pisiniarfiuteqarluni. Pisiniarfiit tassaapput: SweetHome, Torrak Fashion, JYSK, Elgiganten, Pisattat aamma Akiki, SPAR kiisalu Pisiffik.