Skip to main content
116

Dette jobopslag er udløbet

Qaanaami pisiniarfiup pisortaa

Pilersuisoq pikkorissumik, angusaqarluarniartumik uummaarissumik sulilluartorujussuarmik Qaanaami pisiniarfimmi pisortassarsiorpoq isumaqatigiissuteqarnikkut sulilersussamik.

 

Pitsaanerpaamik pisisartunik sullissineq pingaarteqaarput, tamatumunngalu suleqataanissat kiisalu iluatsi-tsilluarnissatsinnut suleqataarusussuseqarnissat naatsorsuutigaarput. Ulluinnarni sulininni annertuumik kif-faanngissuseqarlutit sulissagavit akisussaaffeqarnermik ilisimaarinninnissat pingaarnersiuillutillu piffissamik suliffissannik pilersaarusiorsinnaanissat pingaaruteqarpoq.

 

Pisiniarfiup pisortaata  avannaani nunap immikkoortuani pisortaq qaninnertut pisortarissavaa.

 

Pisiniarfiup pisortaatut pingaarnertut suliassatit makkuussapput:

  • Angusarissaarnissaq siunertaralugu akilersinnaasumik niuernikkut ingerlatsinermik ineriartortitsinissaq akisussaaffigissallugit
  • Pisiniarfiup ataavartumik nioqqutissanik peqartittuarnissaa
  • Ukiumoortunik peqqumaasersortarnermut akisussaassuseqarluartoq
  • Niuernikkut allaffissornerup maleruagassat naapertorlugit ingerlanissaa
  • Kiffartuussinissamik isumaqatigiissutit malitsinneqarnissaat
  • Akisussaanermik suliassanillu agguataarineq piginnaasanillu ineriartortitsineq
  • Atuisunut suleqatigisartakkanullu attaveqarluarneq

 

Pisiniarfiup pisortassaanut makku piginnaaneqarfigissagai piumasaqaatigaaput:

  • Aqutsinikkut niuernikkullu misilittagalik
  • Inuttut suliffimmilu ineriartorneq angusaqarusunnerlu
  • Niuerusussuseqarneq
  • Sulisoqarnikkut aqutsineq aamma kaammattuisinnaaneq
  • Missingersuutitigut anguniagassanut malitsitsisinnaasoq, kiisalu aningaasaqarnikkut

naatsorsuutinillu paasinnilluarsinnaallunilu aqutsisinnaasoq

  • Ulapaarfinni aqutsilluarsinnaasoq
  • Avinngarusimasumi kaperlattartumilu inooqataalluarsinnaasoq
  • Oqaatsit - kalaallisut, qallunaatut atuisinnaaneq

 

Atorfinittussamut neqeroorutigaagut:

  • Piginnaasat naapertorlugit isumaqatigiissuteqarnikkut akissaateqartitaaneq
  • Atorfimmut atatillugu inissaqartitsisoqassaaq, tassungalu qularnaveeqqut,

ineqarnermut akiliut, atuineq il.il. inatsisit malillugit akilerneqartassapput

  • Nuunnermi angalanermi, kiisalu pequtit angallannerannut akiliunneqarneq
  • Piginnaanngorsaqqinnissamut periarfissat pitsaasut
  • Suliffik ulluni tamani assigiinngisitaarfiusoq pissanganartoq unamminartorlu

 

Atorfik pillugu paasisaqarnerorusukkuit avannaani nunap immikkoortuani pisortaq Ove Jeremiassen attavigineqarsinnaavoq oqarasuaatikkut: 86 23 12 mobil: 54 85 43, imaluunniit mailikkut: oje@kni.gl

 

 

Qinnuteqaat
Qinnuteqaat sukumiisoq tunngavilersugaq, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissaq, tigoreersimassavarput kingusinnerpaamik ulloq 13. august 2021.

 

Qinnuteqaat uunga nassiunneqassaaq:
KNI A/S
Sulisoqarnermut ikkoortortaqarfik
Postboks 319
3911 Sisimiut
E-mail: jobs@kni.gl

 

 

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat.  Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatis-saqartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit.