Skip to main content
80

Dette jobopslag er udløbet

Nunap immikkoortuani pisortaq – Region Avannaa

Aqutsisutut atorfittaarusuppit Nunatsinnilu nioqquteqarnermi ingerlatsisut annersaanni qaffakkiartorusullutit? Taava maannakut periarfissaqalerputit.

Pilersuisoq angusaqarusussusilimmik kajumissaarisinnaasumillu Avannaani Nunap immikkoortuani pisortassarsiorpoq pisiniarfinnut aqqaneq-marlunnut akisussaasussamik. Pisiniarfiit Siorapalummiit Upernavik-Kujalleq tikillugu akisussaaffigissavatit. 

Ingerlatsinermi pisortaq Retail Manager qaninnertut pisortarissavat kiisalu nunap immikkoortuini allani tallimani pisortaasut kiisalu amerlasuukkaanik nioqquteqarnermi pisortaq peqatigalugit Pilersuisumi aqutsisoqatigiinnut ilaassallutit.

Uagutsinnut pingaartuuvoq pisiniarfiit ulluinnarni ingerlanneqarnerinut qanittumiinnissat, taamaattumik piffissap ingerlanerani pisiniarfitta anginerit ilaanni Upernavimmi suliffeqalissaatit. Illu najugassat maannakkut allangortiterneqarpoq 2020-milu iserterfigineqarnissamminut piariissaaq, isertersinnaanngornissavillu tungaanut kiffartuussivimmi Sisimiuniittumi suleqqaassaatit. Kiffartuussivimmiinninni sukumiisumik ilinniar-tinneqassaatit nunallu immikkoortua ingerlatassat tassanngaanniit aqutsisuuffigeqqaassavat.

Atorfik pillugu

Nunap immikkoortuani pisortatut sulisunik aqqutissiuussillutit oqaloqateqarsinnaasuussaatit. Sulisut siuttuuffigalugit kajumissaarnissai merserinngilat kiisalu pisiniarfiit qularnaatsumik ingerlanneqarnissaat pisisartullu pisiniarnerminni pitsaasumik misigisaqartinnissaat merserinngilat. Suliassat naammassinissaasa tungaanut malinnaavigisarpatit pisiniarfiillu akisussaaffitit tuniniaanissaminnut piareeqqanissaat isumagiuassavat, soorunami tamanna pissaaq nunami immikkoortorisanni niuertut/pisiniarfiit pisortaat suleqatigalugit. Ukiup ingerlanerani nunap immikkoortuani pisiniarfinnut alakkaallutit angalasarnissat naatsorsuutigissavat. Angalasarnissat qilanaarutigiinnarsinnaavat, tassami sulisut pikkorissut ilassilluartassagaatsit neriorsuutigisinnaavarput.

Makku aamma akisussaaffigissavatit:

  • Nunap immikkoortuani pisiniarfiit ingerlanneqarnissaannut qulakkeerinninneq
  • Sulisut sungiusarnissaat, ilinniartitsineq, pisortaaffiginninneq kajumissaarinerlu
  • Missingersuusiorneq ingerlatsinermilu akisussaaneq
  • Kisitsisinik aallaavissanik malinnaaviginninneq nunallu immikkoortuata anguniagaanut atorlugit
  • Inatsisit atuuttut malinneqarnissaat qulakkeerlugu
  • Sulisoqarnermut immikkoortortaqarfik suleqatigalugu sulisussarsisarnissaq
  • Pisiniarfiit ulluinnarni ingerlanneqarnerini suleqataaneq.

Ilinnut tunngasut

Naleqquttumik aqutsisutut ilinniagaqarputit unammillerfiusumiluunniit sulisimallutit, kiisalu angusaqarluarnissami sulisut iluatsittumik kajumissaariffiusumillu pisortaaffiginikuullugit. Immaqa massakkut pikkorissuullutit angusaqarusussuseqartuullutillu pisiniarfimmi pisortaavutit, niuertuullutit imaluunniit suliffeqarfimmi periarfissarpassualimmi anguniagarfiulluarsinnaasumilu sulilernissamut qaffassarnissamullu tunuliaqutaqarputit nutaamillu misilitaqarusullutit.

 

 

 

 

Taakku saniatigut naatsorsuutigaarput:

  • Misigittartuussasutit, kajumissaarillaqqissuussasutit kiisalu akuersaartuullutit aqutseriaaseqartuusutit
  • Akisussaassuseqarluartuullutit suliassanik suliakkiutiginnissinnaasutit naammassinissaasalu tungaanut malinnaavigisinnaagitit
  • Angusaqarususseqartuusutit niuillaqqissuullutillu
  • Kiffartuussilluarumasuusutit pisiniarfimmilu pisiniarnermi pitsaasunik atugassaqartitsisinnaasutit
  • Kalaallisut qallunaatullu oqallorillutillu allassinnaalluartutit.

Neqeroorutigaavut

  • Piginnaasat naapertorlugit isumaqatigiissuteqarnikkut akissaateqartitaaneq orniginartoq
  • Soraarnerussutisiassat
  • Isumaqatigiissuteqarnikkut atorfimmut atatillugu inissaqartitsisoqarsinnaavoq, tassungalu qularnaveeqqut, ineqarnermut akiliut, atuineq il.il. akilerneqartassapput, inatsisit malillugit
  • Sulilernissamut suliunnaarnermilu akiliunneqarluni angalaneq
  • Peqqinnissamut sillimmasiineq

Atorfimmut soqutiginnillutit paasisaqarnerorusukkuit maannakkut Nunap immikkoortuani pisortaq Arne Lyberth Petersen sianerfigisinnaavat oqarasuaammut +299 48 24 69 mailerfigaluguluunniit uunga ayp@kni.gl, imaluunniit Pilersuisup pisortaa Niels Andersen oqarasuaammut sianerfigalugu +299 52 25 44 mailerfigaluguluunniit uunga nan@kni.gl.

Qinnuteqaat

Qinnuteqaat sukumiisoq siusinnerusukkullu sulisimanermut allattukkanik imalik (CV), aammalu misilitsissimanermi uppernarsaatit ilanngullugit tigoreersimassavavut kingusinnerpaamik ulloq 9. august 2019 uungalu mailissaatit jobs@kni.gl. Atorfik sorleq qinnuteqarfiginerlugu ersarissumik allassavat. Atorfinitsitsinissamut atatillugu suliffigisimasavit sumut attavigineqarsinnaanerat pinerlussimannginnermullu allagartamik piumaffigineqarlutit kingusinnerusukkut attavigineqassaatit.

 

Qinnuteqaat uunga nassiunneqassaaq:         

 

KNI A/S
Sulisoqarnermut immikoortortaqarfik
Postboks 319
3911 Sisimiut
Email: jobs@kni.gl

 

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

 

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissaqartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

 

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit.