Skip to main content
116

Dette jobopslag er udløbet

Narsarsuarmi niuertumut tullersorti

Pilersuisoq Narsarsuarmi pikkorissumik, angusaqarusussusilimmik, uummaarissumik sulilluarusussuseqartumillu niuertumut tullersortissarsiorpoq, piaartumik imaluunniit isumaqatigiissuteqarnikkut sulilersussamik.

 

Pitsaanerpaamik pisisartunik sullissineq pingaarteqaarput, tamatumunngalu suleqataanissat kiisalu iluatsitsilluarnissatsinnut suleqataarusussuseqarnissat naatsorsuutigaarput. Ulluinnarni sulininni annertuumik kiffaanngissuseqarlutit sulissagavit akisussaaffeqarnermik ilisimaarinninnissat pingaarnersiuillutillu piffissamik suliffissannik pilersaarusiorsinnaanissat pingaaruteqarpoq.

 

Unammillerusussuseqarnissat naatsorsuutigaarput, kiisalu sulisut suleqatigalugit pisisartut pisiniarnerminni pitsaanerpaamik misigisaqartinnissaasa qulakkeernissaani ineriartortitsisinnaanissat nutaamillu eqqarsartarnissat.

 

Tullersortip niuertoq qaninnertut pisortarissavaa.

 

Niuertoq peqatigalugu akisussaaqataaffigissavatit:

  • Pisiniarfik siuariartortinnissamik periarfissarpassualik
  • Pingaaruteqaqisumik pisisartunik attaveqarfiujuartussamik nioqqutissanik amerlasuukkaanik tuniniaanermi kaaviaartitat
  • Sulisut aqutsilluarsinnaasumik tunniusimasumillu tullersortaaffigineqartussat
  • Pisisartutsinnut pilerilersitsisinnaasunik sammisassanik pilersaaruteqartuarnissaq
  • Pisiniarfimmi niuertoq peqatigalugu pisiniarfimmi sulisunillu allaffissuutiginninnermi akisussaaneq

 

Tullersortitut pingaarnertut suliassatit makkuussapput:

  • Pilersuisup Narsarsuaq ingerlataani tamani angusaqarusussuseqarlutit niuernermik ingerlatsinerup ineriartortinnissaa
  • Pisiniarfiup tuniniaanissaani piareersimajuaqqullugu nioqqutissanik pilersorneqarnissap ingerlaavartuarnissaa qulakkeerlugu
  • Sulisut sapinngisartik tamaat sulilluarsinnaaqqullugit ineriartortillugit kaammattorlugillu
  • Pisisartunik suleqatigisartakkanillu pitsaasumik suleqatiginnikkusussusilimmillu attaveqarneq
  • Pisiniarfiup tuniniaanissaanut ullut tamaasa piareersimatinnissaa
  • Sammisassanik neqerooruteqarnissamillu pilersaarusiornerit
  • Niuertoq peqanngitsillugu paarlattarnissaa

 

Tullersortitut atorfik imaattumik inuttalerusupparput:

  • Angusaqarusuttoq anguniagassanillu ilisimaarinnittoq
  • Imminut sulisorisanullu pitsaanerpaatitsinissamik piumasaqaatilik
  • Imminut sulisorisanillu ineriartortitsisinnaasoq, inuttut sulisutullu
  • Pissusissamisuuginnartumik aqutsisuulluni isumassarsiortitsillunilu kaammattuisinnaasoq
  • Ulapaarfinni aqutsilluarsinnaasoq
  • Kalaallisut qallunaatullu oqalussinnaasoq

 

Atorfinittussamut neqeroorutigaagut:

  • KNI A/S SIK-llu isumaqatigiissutaat atuuttut naapertorlugit akissarsiaqartitsisoqassaaq
  • Piginnaasat ineriartortinnissaanni periarfissat pitsaasut
  • Atorfimmut atatillugu Narsarsuup avataanersunut inissaqartitsisoqassaaq, tassungalu inatsisit malillugit qularnaveeqqut, ineqarnermut akiliut, atuineq il.il. akilerneqartassapput
  • Nuunnermi angalanermi, kiisalu pequtit angallannerannut akiliunneqarneq
  • Suliffik ulluni tamani assigiinngissitaarfiusoq, pissanganartoq unamminartorlu

 

Atorfik pillugu paasisaqarnerorusukkuit niuertoq Sørine Isaksen attavigineqarsinnaavoq oqarasuaatik-kut: 86 82 48 imaluunniit mail-ikkut: soj@kni.gl.   

 

Qinnuteqaat
Qinnuteqaat sukumiisoq tunngavilersugaq ilinniarsimanermut siusinnerusukkullu sulisimanermut allat-tukkanik imalik (CV), oqaaseqaatit aammalu sulisitsisorisimasavit attaveqarfiginissaanut paasissutissaq, tigoreersimassavagut kingusinnerpaamik ulloq 6. august 2021.

 

Qinnuteqaat uunga nassiunneqassaaq:
KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl

 

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat.  Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartit-tarpai.

 

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissa-qartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

 

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit.