Skip to main content
88

Dette jobopslag er udløbet

Allagarsiuteqqitaq - Nioqqutissarsiortornermut pisortaq

Aqutsisutut atorfittaarusuppit Nunatsinnilu nioqquteqarnermi ingerlatsisut annersaanni qaffakkiartorusullutit? Taava maannakut periarfissaqalerputit.

Pilersuisoq Sisimiuni Qitiusumik Kiffartuussivimmi sulisussamik nioqquteqarnermik ingerlatsinitsinni angusaqarusussusilimmik kajumissaarisinnaasumillu nioqqutissarsiortornermut pisortassarsiorpoq, atorfigiligassannilu Pilersuisup pisiniarfii 64-iusut nioqqutissarsiortuunnerannut pingaarnertut akisussaaffigissavatit, kiisalu Nunatta isorartunerujussua pissutigalugu assartuinermut tunngatillugu paasinnilluarsimasuussaatit pilersaarusiullaqqissuussallutillu. Immikkoortoqarfigisat qanimut suleqatigalugu Pilersuisup nioqquteqarnermik ingerlatsinermini tuniniaanera isertitaqarneralu pitsanngoriartikkiartussavatit.

 

Pilersuisup pisortaa qaninnertut pisortarissavat Pilersuisullu aqutsisoqatigiivinut ilaassallutit.

 

Atorfik pillugu

Nioqqutissarsiortornermut pisortatut nioqqutissarsiortornermut assartugalerinermilu immikkoortoqarfitsinni sulisut 21-t aqutsisuuffigissavatit. Illiussaaq aqutsinikkut sulisunik kajumissaarisuullutillu ineriartortitsisussaq, kiisalu sulisut naammagisimaarinninnerat suliinnarnissaallu pitsaanerpaamik isumagissallugu. Pisiniarfiit ingerlanneqarnerat pillugu Nunat immikkoortuini pisortat/amerlasuukkaani nioqquteqarnermi pisortaq, pisiniarfiit pisortaat niuertullu isumasioqatigitillugit niuillaqqissutsit angusaqarumassutsillu atorlugit angusaqartassaatit.

 

Ukiup ingerlanerani noqqaasarfinnut isumaqatiginninniariartorlutit, niuffattunukarlutit pisiniarfinnullu alakkaallutit angalasarnissat naatsorsuutigissavat.

 

Makku aamma akisussaaffigissavatit:

  • Pisiniarfeqariaatsinut, niuernerup ingerlanneqarneranut, iluanaarutinut, nioqqutissani tammaannartartunut igiinnarneqartartunullu tunngatillugu anguniagaqarfiulluartumik isumasioqatiginnittarneq
  • Pilersuisumi KPI-mik, missingersuutinik sulianullu tunngatillugu malinnaaviginninneq
  • Pilersuisup neqeroorutinut aviisianut tunngatillugu tunisat iluanaarutillu malinnaaviginerat
  • Pilersuisup noqqaasarfiinut qanimut pikkoriffiginnittumillu suleqateqarneq
  • Killingusaami periusissiatta atuuttunngortinnissaa piviusunngortinnissaalu
  • KNI-mi kulturerineqartoq naleqartinneqartullu malinneqarnissaat qulakkeerlugu

 

Ilinnut tunngasut

Nioqqutissarsiortornermik misilittagaqarputit, ajornanngippat nioqquteqarnerup iluani, taamaalillutillu pitsaasunik angusaqarsinnaallutit takutittarnikuullugu. Suleqateqallaqqissuunerpit attaveqallaqqissuunerpillu suleqatigiinnik eqqortunik inuttalersuisinnaatippaatit periusissiamillu piviusunngortitsisinnaatillutit. Naleqquttumik qaffasinnerusumik ilinniagaqarputit aqutsisutullu misilittaqarlutit.

Ullumikkut tuniniaanermi nioqqutini aalajangersimasuni-/tunisassiani pisortatut, nioqqutissarsiortornermi pisortatut allatulluunniit naleqquttumi pisortatut  niuertarfissuarmi atorfeqarputit ingerlariaqqinnissannullu piareeqqallutit.

 

Taakku saniatigut makku naatsorsuutigaarput, illit:

  • Sunniuteqarluarsinnaasuusutit aqutsinermillu suliaqarnermik misilittagaqartuullutit
  • Immikkuullarissumik niuerluarsinnaassuseqartutit paasisimasaqarfigalugulu
  • Akisussaassuseqarluartuusutit suliassanillu suliakkiutiginnissinnaasutit naammassinissaasalu tungaanut malinnaavigisinnaallugit
  • Ilungersuutiginnittartuusutit, annikitsualunnik malussarissuullutit, iluatsitsinissamullu nukissaqarluarlutillu piumassuseqartuusutit
  • IT-mik atortunik atuillaqqissuusutit, ilaatigut office-pakken atorluartarlugu
  • Kalaallit kultooriannik ilisimasaqartuusutit

 

Neqeroorutigaavut

  • Inuttut suliatigullu inerisarneq
  • Piginnaasat naapertorlugit isumaqatigiissuteqarnikkut akissaateqartitaaneq orniginartoq
  • Soraarnerussutisiassat
  • Sulisunut inissiaq
  • Sulilernissamut suliunnaarnermilu akiliunneqarluni angalaneq
  • Akiliunneqarluni sulinngiffeqarluni angalaneq
  • Peqqinnissamut sillimmasiineq

 

Atorfimmut soqutiginnillutit paasisaqarnerorusukkuit Pilersuisup pisortaa Brian W. Chemnitz sianerfigisinnaavat mobilimut sianerlutit: +299 26 76 65  mailerfigaluguluunniit uunga bwc@kni.gl.

 

Qinnuteqaat 

Qinnuteqaat sukumiisoq tunngavilersugaq siusinnerusukkullu sulisimanermut allattukkanik imalik (CV) tigoreersimassavavut ulloq 17. juli 2020 uungalu mailissaatit jobs@kni.gl. Naliliersuilluareerutta kingusinnerusukkullu atorfinitsitsiniarnermut atatillugu pisariaqartikkutsigu saaffigisassatsinnut paasi-niaajumaarpugut. Pisariaqalissappat siumungaaq ilisimatinneqassaatit.

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat.  Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

 

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissaqartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

 

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit.