Skip to main content
107

Dette jobopslag er udløbet

Aasianni quersuup pisortaa

Pilersuisoq Aasianni quersuarmut tunniusimasumik quersuup pisortassaanik  pissarsiorpoq piaartumik imaluunniit isumaqatigiissuteqarnikkut sulilersussamik.

 

Quersuup pisortaatut quersuaq angisooq ukiumut sapaatip akunneri tamaasa nioqqutissanik pajunneqartartoq akisussaaffigissavat. Taamaattumik quersuup pisortaa quimi uninngasuutinik aqutsillaqqillunilu sulisunut aqutsisuullaqqissuussaaq, suleqatiginnillaqqissuulluni piumassuseqar-luartuussallunilu.

 

Aasianni quersuup pisortaatut aamma akisussaaqataaffigissavatit engros-imi kaaviaartitat annertusarnisaat, tamatumanilu pisisartunik sullissineq attaveqarnerlu pissusissaasuuginnartumik suliassaapput.

 

Quersuup pisortaata Aasianni pisiniarfiup pisortaa qaninnertut pisortarissavaa.   Quersuup pisortaatut pingaarnertut suliassatit makkuussapput:

· Quersuup aaqqissuulluarsimanissaa, torerlunilu iluarsaassimanissaa qulakkeerlugu

· Nioqqutissat quimiittut ullussaasa ullut tamaasa misissorneqartuarnissaat qulakkeerlugu

· Quersuarmi sulisut tamarmik suliassatik ilisimaarissagaat suliarinissaannullu piginnaasa-qarnissaat qulakkeerlugu

· Nioqqutissanik piniartoqarnissaa, nioqqutissanik tikittoornermi tigooqqaaneq nakkutillii-nerlu qulakkeerlugu

· Quersuup nillataartitsiviisa qerititsiviisalu ingerlanerinik atortunillu allanik nakkutilliineq qulakkeerlugu

· Nalinginnaasumik quersualerineq qulakkeerlugu – kiisalu nassiussugalerinermi ingerlatsi-nermi nioqqutissaq tikinneraniik nassiunnissaanut malinnaaviginissaa

· Killingusaami periusissiatta atuutsinnissaa piviusunngortinnissaalu

· KNI-mi kulturerineqartoq naleqartinneqartullu malinneqarnissaat qulakkeerlugu

 

Atorfik makkuninnga ilisimasalimmik inuttalerusupparput:

· Suleqatikkuminarlunilu aqutsisuullaqqissoq

· Suliassanik aaqqissuussilluartoq peqqissaartorlu

· Ulapaarfiusumi ataatsimut isiginnissinnaasoq

· Niuernermik paasisimasalik

· IT-mi atugassanik piginnaasalik, kiisalu Microsoft office-mik atuinissamik ilisimasalik

· Suliassanik nutaanik isumaginninnissamik pisinnaasaqarlunilu piumassusilik

· Piffissamik suliffiusussamik allanngorartitsinissamillu piumassusilik

· Suliamut naleqquttumik tunuliaqutalik ilinniagalillu

· Kalaallisut kiisalu iluaqutaassaaq aamma qallunaatut  oqalussinnaasoq

 

 

 

Atorfinittussamut neqeroorutigaavut:
· Akissarsiat: KNI A/S SIK-llu isumaqatigiissutaat atuuttut naapertorlugit

· Atorfimmut atatillugu inissaqartitsisoqanngilaq

· Piginnaanngorsaqqinnissamut periarfissat pitsaasut

· Suliffik ulluni tamani assigiinngissitaarfiusoq, pissanganartoq unamminartorlu

 

Atorfik pillugu paasisaqarnerorusukkuit, pisiniarfiup pisortaa Ove Jeremiassen attavigineqarsinnaavoq oqarasuaatikkut: 86 82 06 mobil: 54 85 43 imaluunniit mail-ikkut: oje@kni.gl.  

 

Qinnuteqaat
Qinnuteqaat sukumiisoq tunngavilersugaq, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit, aammalu sulisitsisorisimasavit attaveqarfiginissaanut paasissutissaq, tigoreersimassavarput kingusinnerpaamik ulloq 23. september 2020.

 

Qinnuteqaat uunga nassiunneqassaaq:

KNI A/S
Sulisoqarnermut immikkoortortaqarfik
Postboks 319
3911 Sisimiut
E-mail: jobs@kni.gl

 

 

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat. Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

 

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikum-matissaqartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

 

KNI pillugu paasisaqarnerorusukkuit  www.kni.gl-imut iserlutit paasisassarsiorsinnaavutit.