Kalaallit Nunaanni kommunit kujallersaat Kommune Kujalleq pingasunik illoqarfeqarpoq ukuusut: Nanortalik, Qaqortoq Narsarlu, nunaqarfiit aqqaniliupput ukuusut: Aappilattoq, Narsarmiut, Tasiusaq, Ammassivik, Alluitsup Paa, Saarloq, Eqalugaarsuit, Qassimiut, Igaliko, Qassiarsuk kiisalu Narsarsuaq. Saniatigut sumiiffinni assigiinngitsuni nunalerinermik ingerlatsiviulluni uumasuuteqarfiusoq.

Kommunimi innuuttaasut januaarip aallaqaataani (2022) 6.292-inik amerlassuseqarput.

Kommune Kujallermi Ingerlatsiviit ukuupput:

• Aningaasarsiornermut inuussutissarsiornermullu ingerlatsivik
  • Allattoqarfik
  • Sulisoqarnermut allaffik Akissarsialeriffillu
  • Aningaasaqarnermut immikkoortortaqarfik
• Teknik-eqarnermut Avatangiisinullu ingerlatsivik
  • Teknikki
  • Avatangiisit
  • Upalungaarimanermut oqartussaqarfik
• Inerisaanermut Ingerlatsivik
  • Meeqqeriveqarneq
  • Atuarfeqarneq
  • Kulturi sunngiffillu
  • Majoriaq
  • Aningaasaqarneq allaffissornerlu
• Isumaginninnermut Pinaveersaartitsinermullu Ingerlatsivik
  • Ikiorsiissutit aamma pinngitsuuisinnaajunnaanermut immikkoortortarfik
  • Meeqqanut inuusuttunullu immikkoortortaqarfik
  • Innarluutillit aamma tarnikkut nappaatilinnut immikkoortortaqarfik
  • Soraarnerusutisiaqarneq, utoqqaat aamma angerlarsimaffimmi ikiorteqarnermut immikkoortortaqarfik
  • Pitsaaliuinermut immikkoortortaqarfik

Kommune Kujallermi 1960 sinnilaarlugit sulisoqarpoq.

Suleqatitaassaraatsigit?

Nittartagarput www.kujalleq.gl -mi aqqutigalugu atorfeqalernissamut periarfissaqarluarpoq aamma malinnaaffigisinnaavatit jobagent-itsinullu ilanngullutit.