Atorfik pillugu
Piffissami 16. juli 2018-imit 31. august 2018-imut nutserisutut/oqalutsitut taartaasussamik atorfissaqartitsivugut.

 

Inatsisartut Ombudsmandiata sulinerani pingaarnertut suliassaq tassaavoq inatsiseqartitsinermik atuuttumik Namminersorlutik Oqartussani oqartussaasut Kalaallillu Nunaanni kommunit malinninnerannik nakkutilliineq. Suliassaq taanna naammagittaalliuutitut sulianik sulianillu nammineerluni misissuiffigisassanngortitanik suliarinninnikkut, Kalaallit Nunaanni kommuninut tamanut tikeraartarnertigut, misissuinernik suliaqarnertigut il.il. naammassineqartarpoq.

 

Uatsinni taartaasutut nutserisoqarfiup oqaluttaanikkut allakkanillu nutserinikkut suliassai isumagisussaassavatit, pingaarnertullu suliassat tassaassalluni Ombudsmandimut saaffiginnissutinik kiisalu saaffiginnissutinut taakkununnga akissutinik nutserineq. 

 

Qinnuteqartoq pillugu

Naatsorsuutigaarput 

-  marluinnik tamakkiisumik oqaaseqartuusutit,

-  allattarissanik nutserinermik oqaluttaanermillu misilittagaqartutit

-  suliassatit namminersorlutit, peqqissaarlutit akisussaassuseqarnermillu

   misigisimallutit suliarisinnaagitit.

 

Akissarsiat atorfinitsitsinermilu atugassarititaasut
Isumaqatigiissuteqarnikkut atorfinitsinneqassaatit, tassanilu akissarsiat atorfeqartitaanermilu atugassarititaasut illit misilittagaqassutsit pisinnaasa-qassutsillu tunngavigalugit aalajangersarneqassallutik

 

 

Qinnuteqaat
Qinnuteqaat kalaallisut qallunaatullu allanneqassaaq. Qinnuteqaat soraarummeernermut allagartamik suliffigisimasallu allattorsimaffiannik (CV-mik) ilaqartillugu nassiunneqartoq uatsinnit kingusinnerpaamik tallimanngorneq 22. juni 2018-imi tiguneqareersimassaaq. 

 

Atorfinitsitsiniarluni oqaloqatiginninnerit sapaatit akunneranni 27-mi inger-lanneqarnissaat naatsorsuutigineqarpoq.

 

Atorfik pillugu paasissutissat Ombudsmand Vera Leth aamma oqalutsi/-nutserisoq Bula Larsen +299 32 78 10-kkut saaffigalugit pissarsiarineqarsinnaapput.

 

Nittartakkatsinni www.ombudsmand.gl-imi Ombudsmandeqarfik pillugu paasisaqarnerusinnaavutit.