Suliassatit:

Suliarinerusassuatit ilaasortat atorfinitsitaanerini inatsisilerinikkut suliassat, ilaasortanik saaffiginnissutit ilaatigut oqarasuaatikkut aammalu namminneq takkullutik saaffiginnittunut siunnersuisarneq. Politikkerinik ataatsimeeqateqartarnermi peqataasarneq imaqarniliortarnerlu, isumaqatiginninniarnermut peqataasarneq allattaasarnerlu. Siulersuisuunerit aamma ulluinnarni aqutsisut ataatsimiinneranni allattaaneq, sinerissami ataqatigiissaarisut (Sinniisuunerit) ataatsimiinneranni allattaaneq kiisalu ataatsimeersuartuni imaqarniliortuuneq suliassartaanillu suliaqarneq.

 

Pisinnaasat:

Atorfininnissamut piumasarineqarpoq ataasiakkaanik atorfinitsitsisarnermi, pisortallu sulisoqarnikkut ingerlatsineranni inatsisilerinermut tunngasunik ilisimasaqarnissaq, kiisalu sulinermi atorfinitsitsissanermilu inatsisinut tunngasunik suliaqarnermik misilittagalik. Tamakku saniatigut aamma NPK-mi sinniisoqartarnermi inatsisinut tunngasut ilisimasaqarfigallugillu, akissarsiat pillugit isumaqatigiissutinik paasissutissiisinnaasuussaatit. Kalaallisut qallunaatullu oqaaseqartoq aamma allattariarsornikkut.

 

NPK-p neqeroorutigai:

Suliassat assigiinngitsorpassuit ineriartornartut ilaatigut sulisoqarnermi pingaartitat pillugit paasisaqarnarluinnartut, sapaatip akunneranut nalunaaquttap akunnerini 40-ni sulisarneq. NPK-p allaffiani sulisut qanimut suleqatigissavatit siulittaasumullu allattaallutit, akissaasersorneqarneq atorfinittussamut tulluartumik akissaasersuisoqassooq isumaqatigiissutit Kalaallit Nunaanni Naalakkersuisut kattuffiullu akornanni isumaqatigiissutaat malillugu.

 

Qinnuteqarfissap killigititaa:

Allakkatigut qinnuteqaat uunga nassiunneqassooq: Nunatsinni Perorsaasut Kattuffiat, Nuukullak 8,kl. 3900 Nuuk imaluunniit mailikkut info@npk.gl kingusinnerpaamik 22.juni 2023 NPK-mi tiguneqareersimassalluni.

 

Atorfimmut atatillugu Inissaqartitsisoqanngilaq.

 

Sulilernissaq:

1.juli 2023 isumaqatigiissuteqarnikkulluunniit atorfinittussamik

Atorfik pillugu erseqqinnerusumik paasiniaaffigineqarsinnaavoq Siulittaasoq Arnaq Brønlund oqarasuaammut 322471 toqqaannartoq 321044 imaluunniit mailikkut arnaq@npk.gl