Naatsorsuuserinermut pisortaavit pikkorissoq annertunerusunut sapiissuseqartoq? Aammalu mingutsitsinngitsumik nukissiuuteqarneq, piujuartitsineq, nunarsuarmi periarfissat aningaasaqarnikkullu ineriartortitsineq ukkatarineqarlutik ingerlatsiviusut iluanni sulinissamik piumassuseqarpit, taamaappat immaqa suliffissaqartippatsigit!

 

NunaGreen A/S qaammatit 10-14-it iluanni CFO-nngornissamut piukkunnaateqartumik aningaasaqarnermut pisortamik sulisussarsiorpugut.

 

Atorfik

Suliassatit assigiinngisitaartuussapput aammalu ingerlatseqatigiiffiup pitsaasumik ineriartorneranut sunniuteqarnissamut annertuunik ilinnut periarfissiillutik. Ukiup siulliup iluani ilaatigut makkua suliarisussaavagut:

 

1. Microsoft Dynamics Business Central atuutsinneqalernera
2. Suliffissuartut ilusilimmi ineriartortitsinermut ingerlatassat taamatullu sanaartugassat iluanni patajaatsumik naatsorsuuserinermi suliaatsimik inerisaaneq
3. Allaffissornermut pisortarput peqatigalugu aningaasalersuinerup, aningaasaqarnerup allaffissornerullu iluanni patajaatsunik ingerlaannartuusussanillu suleriaaseqalernissaq, tamatuminngalu qulakkeerinissaq
4. Aqutsisut nalunaarusiortarnerannik sukumiisumik, siunissami pitsaasunik siunissamullu qularnaagaasunik aalajangiinissanut pisariaqartunik, paasissutissanik nalunaarsukkanik tunngavissiisussanik, inerisaaneq allanngutsaaliuinerlu.
5. Nuummi aamma Qeqertarsuup Tunuani erngup nukinganik suliassanut aningaasalersuinerup qulakkeernissaa
6. Ingerlatseqatigiiffiup tapiiffigineqanngitsumik ineriartortitsinermullu ingerlataannut aningaasassarsiornissap qulakkeernissaa

 

Suliassat matuma siuliani allassimasut saniatigut aamma ingerlatsinermut tunnganerusunik arlalinnik suliassaqartussaavoq, soorlu aningaasarsialerinerit, aningaasaatinik tigoriaannarnik aqutsineq, naatsorsuuserineq aammalu missingersuusiorneq. Taamaattoq qaammatini 8-12-ini siullerni killilimmik annertussuseqassapput, tassami maannamuugallartoq 5-inik sulisoqarluta aammalu avataaneersut siunnersortit arlallit sulisinneqartarlutik, aaqqissuussaaneq annikitsuuvugut, kisianni sunniuteqarluartumik sulilluta. Ingerlatsinermut suliassat annertusiartorneranni, aamma immikkoortortaqarfik annertusiartortussaavoq.

 

Ukiup ataatsip missaata iluani naatsorsuutigineqarpoq illit CFO-tut ataavartumik inissisimalernissamut piareersimalissasutit, tamatumalu tungaanut illit ingerlatseqatigiiffiup maannakkut CFO-mi utaqqiisaasumik inissisimatitaa peqatigalugu, Kalaallit Nunaanni erngup nukinganik suliassanut aningaasalersuinerup qulakkeernissaanut suliaqarnermi pingaaruteqartumi ilaassaatit, suliassanut tamakkiisunut sanaartornermut isumaqatigiissutissanut neqeroortitsinermut suleqataassallutit kiisalu NunaGreen-imi ineriartortitsiviusumut, nukissioriaatsinik nutaanik mingutsitsinngitsunik ineriartortitsinermik aammalu Kalaallit Nunaanni nukissiuutinut periarfissaqarfiit annertoorujussuit atorluarnissaanik suliaqartumut, tapersiissaatit

 

Ilisarnaatit

Kalaallit Nunaat aamma Kalaallit Nunaanni attaveqaasersuutit ilisimasaqarfigigukkit annertoorujussuarmik iluaqutaassaaq. Ingerlatsinermut aningaasaqarnermik naatsorsuuserinermullu suliaqarnikkut uppernarsaatitalimmik misilittagaqarputit, aammalu allatigut aningaasaqarnerup iluani ilinniarsimallutit, soorlu assersuutigalugu Cand.merc. HD(R) assigisaaluunniit, pitsaasunik sakkussaasussaallutit.

 

Inuttut nammineerlutit aallartittarputit, namminersorlutit sulisarlutit aammalu suliassanik pitsaasumik suliarinninnissamut akisussaaffeqarusussinnaasarlutit. Suliassat annikitsut imaluunniit annertuut qunuginngilatit aammalu suliarineqartussanik periusissanillu suliaqarnerup akornanni pissanganartorsiorfimmi iluarisimaarinnittarlutit. 6-inik tunniusimalluartunik suleqateqalissaatit, aamma suleqatigiinneq allaffimmilu nuannersumik peqatigiinneq pingaaruteqartut isumaqartumik suleqateqalernissaminnut qilanaartunik.

 

Ingerlatseqatigiiffimmi CEO-p ataaniilissaatit, kisianni qaammatini aggersuni 6-8-ni NunaGreen-imi utaqqiisaasumik CFO-tut sulisorineqartumut qanimut atassuteqassallutit.

 

Atorfik piaartumik imaluunnit erseqqinnerusumik isumaqatigiissuteqarneq malillugu inuttalerneqassaaq aammalu oqaloqateqarnerit ingerlaavartumik ingerlanneqassapput. Qinnuteqartoq eqqortoq piukkunnassutsit aammalu CFO-tut inissinnissap tungaanut piginnaanngorsarnissamut pilersaarut siunnerfeqartoq malillugit aningaasarsiaqartinneqarnissamik neqeroorfigineqassaaq. Taamaattoq aallaaviatigut atorfimmut atatillugu sulisunut inissiamik neqerooruteqartoqarsinnaanngilaq.

 

Atorfimmut qinnuteqaatit imaluunniit apeqqutissatit utaqqiisaasumik CFO-tut sulisorineqarallartumut Line Frederiksen-imut, l lif@nunagreen.gl nassiutikkit. Aamma apeqqutissaqaruit uunga +299 522480 sianersinnaavutit.

 

NunaGreen A/S pillugu naatsumik

NunaGreen-imi mingutsitsinngitsumik nukissiornissamut – erngup nukinga, seqernup nukinga aamma anorip nukinga – periarfissat suliaraagut. Nukissiaq mingutsitsinngitsumut allanngoriartortitsinermi pingaaruteqalersinnaasoq. NunaGreen A/S Namminersorlutik Oqartussanit pigineqarpoq aammalu erngup nukinganik innaallagissiorfinnik allilerinissaq sanaartornissarlu, nukissiaq nutaanngoqqissinnaasoq, mingutsitsinngitsumut allanngoriartortitsineq aammalu nukissiamik mingutsitsinngitsumik avammut nioqquteqqarneq aallullugit sulilluni.