Skip to main content
86

Dette jobopslag er udløbet

UUTTUINERMUT TEKNIKERI EGT - NUUMMUT

Nukissiorfik innaallagialerisumik, automationsteknikerimik imaluunniit assingusumik ilinniagalimmik sulisussarsiorput EGT-Nuummi uuttuinermut teknikeritut piaartumik atorfinittussamik.

 

Nunap immikkoortuani allaffimmi aqutsisumut akisussaassuseqassaatit. Suliassanut ilaapput innaallagissamut, imermut aamma kiassaanermik uuttuutinut tunngasut tamaasa, tassunga ilanngullugit uuttuutinut toqqorsivik, uuttuutinik nutaanik inniminniisarneq kiisalu sullitanut tunniussisarneq, ikkussuineq aamma attavilersuineq.

Illit aammattaaq Nuummi uuttuutit ikkussukkat pillugit uppernarsaasarnermut, peertarnerannut aamma igittarnerannut akisussaasuusassaatit. Uppernarsaanerit suulluunniit tamarmik aningaasaqarnermut atortumi Excellentimi pisassaaq.

Aammattaaq uuttuutinik atuaasarnermut atatillugu (ungasianit aamma assaat atorlugit) suliassaqartassaaq, tassunga ilanngullugit ajortissimasunik ujarlerneq/aaqqiineq aamma suliassanik allanik tamakkununnga tunngasunik.   

 

Illit teknikimut, kisitsisinut, IT-mut piginnaasaqarputit sullisserusussuseqarlutillu.

 

Suleqatissarsiorpugut makkuninnga piginnaasalimmik:

  • Teknikimut tunngasumik ilinniagaqartumik
  • Uuttuinermut teknikimut soqutiginnittumik
  • Innaallagissamik pilersuinermut atortunik ilisimasaqartumik – imaluunniit ilisimasaqarusuttumik
  • Nammineerluni sulisinnaasumik aamma aaqqissuussaalluartumik suliaqartartoq
  • Aalajaatsuusumik aamma suliaminik aaqqissuussilluartartumik
  • Ilinniartinneqareernermi kingornatigut innaallagissamut pigaartuusarnermi suleqatillu paarlakaalluni suleqataasartussamik
  • Nalinginnaasunik biilersinnaanermut allagartaqartumik.

 

Qinnuteqartut allamik tulluartumik ilinniagallit aammattaaq soqutigineqarput.

 

Neqeroorutigaavut:

  • suliffik pissanganartuusoq aamma assigiinngiiaartunik suliassaqarfiusoq, illit tassani suliassat aallartinneranniit naammassineqarnerannut aaqqiiffigineqarneranni peqataasassallutit
  • ullup suliffiusup aaqqissuunnerani illit sunniuteqaqataaffigilluartassavat
  • sullivimmi avatangiisit ilumoorsaarnanngitsut, suleqatigiittut ataatsimut sulisarluta
  • suliatigut soorlu aamma inuttut ineriartornissamut periarfissaqarfiulluartoq.

 

Atorfeqartitaanermi atugassarititaasut

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

 

Inissaq

Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

 

Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiap inigineqalertussap innersuunneqarnissaata tungaanut utaqqisoqartarsinnaavoq, taamaammat utaqqiisaannaagallartumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni, taakkunaniinnermut akileraarutinik akiliisoqartarpoq.

 

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput.

 

Atorfimmut atatillugu inissaqartitsisoqanngilaq, Namminersornerullutik oqartussat aqqutigalugu ineqaruit piginnaatitaaffit ineqarnermut pigiinnassavat.

 

Suli paasisaqarnerorusuppit?

Atorfik pillugu paasissutissat annertunerusut pissarsiarineqassapput Nunap immikkoortuani pisortaq, Nukissiorfiit Hans Rowedder saaffigalugu (+299) 34 22 82. Imaluunniit allaffimmi aqutsisoq Julie Johannesen (6299) 34 22 79. Apeqqutit allat Sulisoqarnermut Immikkoortortaqarfimmut apeqqutigineqarsinnaapput e-mail: HR@nikissiorfiit.gl imaluunniit (+299) 349500.

 

Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.

Qinnuteqarnissamut killissarititaasoq: juulip 10.-at, 2020

ATORFIK UNA QINNUTEQARFIGIUK