Skip to main content
88

Dette jobopslag er udløbet

UUTTORTAANERMI IMMIKKOORTORTAQARFITSINNUT ARNAMIK ANGUMMILLUUNNIIT PIMOORUSSISUMIK PISSARSIORPUGUT

Nuummi inaallagissamik, imermik kiassarnermillu pilersuinermut atatillugu ingerlatsinermik qulakkeereqataarusuppit? Taamaassappat pissanganartumik pilersuinermi pingaarutilimmik suliffissaqartippatsigit. Sulininni alapernaasertuassaatit aalajaatsuullutillu, taava suliassannik isumaginnissinnaanissannut piginnaasassatigut ikiorluassavatsigit.

 

Pikkorissunik uummaarissunik arlalinnik pisariaqartitsivugut, pingaarnertut kisinnani suliassamik tigusisinnaasumik, nutaanik ilinniarnissamut sapiissuseqartumik aalajaallunilu suliartortuartumik pisariaqartitsivugut.

Sulianik teknikkimut tunngasunik misilittagaqarnerit aalajangiisuussanngilaq. Illit inuttut piginnaasatit pingaartippagut illillu ima piginnaasalittut ujartorpatsigit:

 

  • Alapernaatsoq ilikkalertortartorlu.
  • Aaqqisuussamik suleriaasilik.
  • Ulluinnarnik nalinginnaasunik aammali suliassanik amerlasuunik nikerartunik suliassaqarfiusunik iluarisimaarinnittoq.
  • Biilimik ingerlatsisinnaanermut allagartalik.
  • Nalinginnaasumik atuisutut qarasaasiarsorsinnaasoq.

 

Suliumatuujussaatit suliffinnullu tunniusimassallutit. Ilinniartinneqareeruit suliassatit namminersuutigalugit isumagisassavatit. Immitsinnut annertuumik tatigaluta sulivugut, akisussaaffimmillu tigusinissat, ilitsersuutinik malinninnissat suliatillu pillugit apeqquteqarnissamut sapiissuseqarnissat pingaaruteqarput.

 

Suliassatit pingaarnerit:

  • Innaallagissamut, imermut kiassarnermullu uuttortaatinik aserfallatsaaliineq.
  • Uuttortaanermi teknikkimut suleqatigiinnik aqutsisoq peqatigalugu uuttortaatinik ikkussuineq, tunniussineq nakkutilliinerlu.
  • Aqqusinerni qullernik iluarsaaneq aserfallatsaaliinerlu.
  • Siunissami nunaqarfinni ingerlatsinermi suliassanik annikitsunik isumaginninneq nukissiorfinnillu aserfallatsaaliineq.

 

Nukissiorfimmi sulisutut suut naatsorsuutigisinnaavigit?
Suleqatigiinnut ikiuukkumatuunut pikkorissunullu akuulissaatit. Uatsinni ulluinnaat ilinniakkat immikkoortortallu akimorlugit sulinissat naatsorsuutigisinnaavat. Tassani amerlasuunik allanngorartunillu suliassaqarpoq assigiinngitsunillu tunuliaqutalinnik suleqatissaqarluni. Nukissiorfiit suliffeqarfittut uummaarissuuvoq ilinniagaqqassutsikkut inuttullu ineriartornissamik salliussisoq.

 

Atorfiniffissaq: Piaarnerpaamik immikkulluunniit isumaqatigiissuteqarnikkut

 

Atorfininnermi atugassarititaasut
Akissarsiaqartitsinermi atorfininnermilu isumaqatigiissut naapertuuttoq atuuttorlu malinneqassaaq. Qaammatit pingasut misilitsiffiussapput.

Ajoraluartumik inissamik neqeroortoqanngilaq.

 

Tassaavit suleqatissatut pissarsiarerusutarput?
Taamaappat qinnuteqaatit ”Atorfik una qinnuteqarfigiuk” aqqutigalugu piaarnerpaamik nassiuguk.

Atorfiup imarisaa suliassallu pillugit apeqqutissaqaruit suleqatigiinnik aqutsisoq Max Nøraa Nielsen oqarasuaatikkut: +299 342296 attavigiuk. Apeqqutit nalinginnaasut akissarsianut atorfininnermilu atugassarititaasunut tunngasut hr@nukissiorfiit.gl nassiunneqarsinnaapputtaaq.

 

Nukissiorfiit
Nukissiorfiit nunarput tamaat innaallagissamik, imermik kiassarnermillu pilersugaraat. Peqatigiilluta sullitatsinnut iluaqutaasussamik kinguneqarluartumik aningaasartuutikillisaanermik attanneqarsinnaasunillu aaqqiissuteqarnissaq suliniutigiuarparput. 2019-imi innaallagiaq, imeq kiassarnerlu piujuartussamik nukissiornermeersoq 72%-iuvoq. 2030-ip tungaanut piujuartussamik nukissiornerup 100 %-nngornissaa suliniutigaarput. Nukissiorfinni sulisutsinnut 400-iuusunut tamanut toqqammavissanik pitsaanerpaanik pilersitsinissaq iluatsilluarparput. Uagummi tassaavugut nunatsinni Danmarkimilu suliffeqarfinni sulisut akornanni suliffimmik iluarisimaarinninnerpaat. Uani annertunerusunik paasisassarsiorit: www.nukissiorfiit.gl

 

Qinnuteqarnissamut killissarititaasoq: marsip 10.-at, 2021

ATORFIK UNA QINNUTEQARFIGIUK