Skip to main content
60

Dette jobopslag er udløbet

Upernavimmi innaallagisserisutut lærlingi

Nukissiorfiit, Nunap immikkoortua Avannaa, innaallagisserisutut lærlingimik pissarsiorput

 

Lærlingissarsiorpugut Kalaallit Nunaanni innaallagisserisutut ilinniartitaanermi akuerisaasumik imaluunniit qinnuteqaateqartumik. Illit sullissinerup, aserfallatsaaliuisarnerup kiisalu innaallagissamik sakkukitsumi sakkortuumilu atortuni ajoquteqalersimasunik nassaarinninniarnermik suliaqartassallutit uagutsinni praktikersinnaavutit. Sulilluni sungiusarneq Upernavimmi ingerlanneqassaaq. Illit ulluinnarni linieformandimut akisussaaffeqassaatit. 

 

Neqeroorutigaarput atorfik pissanganartoq, tassani illit suliassanik assigiinngitsorpassuarnik suliaqartassallutit suleqatitit suleqatigalugit naammassisassannik, kisianni aammattaaq nammineerlutit suliarisartagassannik. Innaallagissamik suliaqarnermik paasisimasaqalissaatit, tamakku innaallagissamik, imermik aamma kiassaanermik pilersuinermut ilaasut Nukissiorfiit pingaarnertut suliassarisaanik. Taamaalillutit suliatigut tunngaviusumik annertuumik ilisimasaqalissaatit.  

 

Sullivimmi avatangiisit isumassarsinartut aamma pitsaasuusut ikinngutigiilluarnermik ilaqartut akornanniilissaatit, nunap immikkoortuani tassani aammattaaq allanik lærlingeqarfiusumi.  

 

Innaallagisserisutut ilinniartutut naatsorsuutigaarput illit:

- Innaallagisserisutut ilinniartitaanermi tunngaviusumik ilinniarneq naammassisimagit imaluunniit qinnuteqaateqarniarlutit 
- Tatiginartuusutit aalajaatsuusutillu aamma nammineq ilinniarninnut akisussaaqataasinnaasutit
- Ammasuusutit aamma ilikkagaqarusuttuusutit
- Suliassanik allanngorartunik ilungersunartunillu suliaqarnissat iluarigit
- Ilumoorussisuusutit aamma piffissaq eqqorlugu pitsaasunik naammassisaqarlutit tunniussaqarnissaq ataqqisuugit

 

Lærlinginut ilinniartunullu SIK-mik isumaqatigiissutit malillugit akissarsiaqartitsisoqassaaq. Atorfinitsitsineq sapinngisamik piaarnerpaamik pissaaq. 

 

Nukissiorfiit pillugit paasissutissat sukumiinerusut, takuuk: www.nukissiorfiit.gl

 

Atorfik pillugu paasissutissat sukumiinerusut pissarsiarineqarsinnaapput uunga saaffiginninnikkut:
Teamlederi Lars Kristiansen lakr@nukissiorfiit.gl mobil: 59 02 89.    

 

Nukissiorfiit pillugit apeqqutit nalinginnaanerusut Sulisoqarnermut Immikkoortortaqarfimmut saaffiginnissutigineqarsinnaapput:
hr@nukissiorfiit.gl

 

Qinnuteqaat tassunga ilanngullugit ilinniartitaanermi aallartinnissamut akuerineqarsimanermut uppernarsaat, ilanngunneqarsinnaappullu paasissutissat ilinnut tunngasut (CV), ilinniagaqarsimanermut uppernarsaatit aamma suliffigisimasat oqaaseqaataasa assilineri nassiunneqassapput uunga:

 

Nukissiorfiit
Postboks 1080 
3900 Nuuk

 

e-mail: hr@nukissiorfiit.gl

 

 

Qinnuteqarfissaq kingullerpaaq: 31. maaji 2018