Skip to main content
115

Dette jobopslag er udløbet

QEQERTARSUARMUT INGERLATSINERMUT SULEQATAASOQ

ngerlatsineq uagutsinnut suliffeqarfittut pilersuisutut pingaarnerpaajuvoq – nukissiornitsinnut peqataarusuppit?

 

Taamaattumik illit susassaqarfiit tassaassaaq formandip innersuussutai tunngavigalugu suliatigut siunnersuineq aamma illoqarfimmi suleqatigisannik tapersersuineq, innaallagissamik, imermik aamma kiassaanermik nioqqutissiornermut siaruarterinermullu tunngatillugu, tamatumunnga ilaapput ingerlatsineq, pitsanngorsaaneq aamma ineriartortitsineq.

Tamakkua saniatigut illit peqataaffigissavat Qeqertarsuarni suleqatigiit akornanni aamma nunaqarfinni, nunap immikkoortuani aamma suliffeqarfimmi sumiinneq apeqqutaatinnagu suleqatigiilluarneq.

Peqataaffigisinnaavatit suliffeqarfimmi namminermi periutsit ingerlaavartumik ineriartornissaat aamma malinneqarnissaat, aammattaaq inatsisit atuuttut sutigut tamatigut malinneqarnissaat.

 

Suliassatit pingaarnerit tassaapput:

  • Isumannaallisaaneq aamma oqartussaasut piumasaqaataat
  • Sulisunik suliatigut ilinniartitsineq maskiinanut ikkussukkanut aamma sanaartukkanut  taakkualu atortuinut aamma sakkunut tunngasunik
  • Peqataaffigissavat sulisut nutaat ilinniartinneqarnissaat Qeqertarsuarni pigaartuusarnermut peqataasalernissaat sioqqullugu
  • Peqataaffigissavat Nukissiorfiit inuiaqatigiinnut akisussaaqataanerminni Corporate Social Responsibility anguniagaasa eqqortinneqarnissaat aamma ineriartornissaat
  • Suliassat takkuttartut suliarisassallugit Qeqertarsuani formandip innersuussutai malillugit.

 

Illit ujartugarput tassaavutit:

  • Teknikimut tunngasumik ilinniagaqartoq skibsmaskinistitut, skibsmontøritut imaluunniit ilinniakkamik allamik tulluartumik SRO-mut atortut ilisimasaqarfigalugit
  • Nammineersinnaasoq taamatullu suleqatigiinni suleqataasinnaasoq
  • Nutaaliorsinnaasoq aamma aallartitsitaqarusuttoq periarfissanik isiginnittoq killilersuutit pinnagit
  • Qeqertarsuarni pigaartuusarnernut peqataasinnaasoq
  • Angalasarnissamut piareersimasoq nunap immikkoortuani aamma nunap immikkoortuinut allanut kiisalu Nuummi qullersaqarfimmut.

 

Iluaqutaassaaq illit:

  • Kalaallisut aamma danskisut oqalussinnaaguit
  • Biilernermut allagartaqaruit
  • EDB-mik atuisutut ilisimannikkuit.

 

Ilinnut neqeroorutigisinnaavavut: 

  • Atorfik pissanganartoq avatangiisit qeratanngitsut tassani suleqatigiittut suleqatigiiluta
  • Atorfimmi suliarisassanut sunniuteqarnissamut periarfissat pitsaasut
  • Inuttut taamatullu suliatigut ineriartornissamut periarfissat pitsaasut.

 

Atorfeqartitaanermut atugassarititaasut
Aningaasarsiat aamma atorfeqartitaanermi atugassarititaasut isumaqatigiissut atuuttoq aamma tulluartoq naapertorlugu. Qaammatit siullit pingasut misilitsiffiupput.

Atorfimmut atatillugu inissaqartitsinngilagut.

 

Illit tassaavit suleqatissatut ujartugarput?
Taava qinnuteqaatit una “atorfik una qinnuteqarfigiuk” aqqutigalugu piaartumik nassiuguk. Atorfimmi suliassat aamma sulerisarnissaq pillugit apeqqutissaqaruit, taava Teamlederi Ingerlatsinermut akisussaasuusoq Nalúnguak Lyberth attaveqarfigiuk tlf.: 91 21 38.

Aningaasarsiat aamma atorfeqartitaanermi atugassarititaasut pillugit apeqqutit nassiunneqarsinnaapput uunga: hr@nukissiorfiit.gl.

 

Nukissiorfiit pillugit
Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Tamanna pillugu annertunerusumik atuarit uani www.nukissiorfiit.gl.

Qinnuteqarnissamut killissarititaasoq: aggustip 11.-at, 2021

ATORFIK UNA QINNUTEQARFIGIUK