Skip to main content
149

Dette jobopslag er udløbet

QASIGIANNGUANI IMEQARFIMMI FORMANDI

Qasigiannguani Nukissiorfiit pisariaqartippaatsit. Ullut tamaasa innuttaasut imermik imerneqarsinnaasumik pilersorneqassapput, aamma tassa tamanna illit akisussaaffigisassat pingaarnerpaaq, tassa imermik pilersorneqarnissaasa qulakkeernissaa. Kisianni illit suliassaq kisermaatissanngilat. Nukissiorfinni tamarmiullutik ikiortassavaatsit, illillu imeqarfinni suleqataasumit ikiorneqartassallutit, illit sulisutut aqutassat.

 

Suliassatit pingaarnerpaat tassaapput

 

  • Qasigiannguani imermik nioqqutissiamik aamma siaruarterinermut atortumik ingerlatsinernik suliaqartarneq
  • Akisussaaffigisamut tunngasunik pitsanngorsaanermut aamma ineriartortitsinermut siunnersuutinik suliaqartarneq
  • Malittarisassat, ilitsersuutit aamma malitassat atuuttut tunngavigalugit allaffissiornikkut aamma aqutsinermut tunngasunik suliaqartarneq
  • Suleqatigiinni, nunap immikkoortuani aamma suliffeqarfiup iluani pitsaasumik suleqatigiittoqarnissaanut peqataalluartarneq.

Suliamik misilittagaqartuunerit, ilinniagarisat aamma soqutiginninnerit apeqqutaatillugit atorfiup imarisaanut sunniuteqarnissamut periarfissaqarputit.

 

Suut naatsorsuutigisinnaavigit?

 

Suliffeqarfimmi inuiaqatigiinnut pingaaruteqartumik ilaalissaatit suleqatigissavatit pikkorissut, aalajaatsut aamma ilungersorlutik sulisartut. Suliffeqarfimmi pingaaruteqartutut inissisimassaatit tassani iluatsitsineq anguneqartarpoq pikkorissuseqarnitsigut aamma suleqatigilluarnitsigut. Uagutsinni suliatigut ilinniakkat aamma immikkoortortaqarfimmit sorlermeersuuneq apeqqutaatinnagit ulluinnarni suleqatigiittarpugut. Maani assigiinngiiaartorpassuarnik suliassaqarpoq aamma suleqatigiit assigiinngitsunik tunuliaqutaqartut suleqatigaavut. Nukissiorfiit suliffeqarfiupput aallussilluartuusut, tamaani suliatigut aamma inuttut ineriartornerit salliutinneqartarlutik.

 

Illit suleqatitaarerusuppatsigit makkuninnga piginnaanilik

 

·Tekniskimut tunngasumik ilinniagalik, ruujorilerisutut, skibsmontøritut, maskinarbejderitut il.il.

·EDB-mik atuisutut ilisimasalik

·Biilinik nalinginnaasunik biilersinnaanermut allagartalik

Suliassanik aqutsisinnaallutillu suliakkiisarsinnaassaatit, taamaattumik iluaqutaalluassaaq attaveqaqatigiinneq pikkoriffigigukku, kalaallisut aamma danskisut. Illit inunnut aamma sulianik ingerlatseriaatsimut piginnaanilittut suleqatigerusuppatsigit.

 

Sapinngisamik pilertornerpaamik atorfinitsitsisoqassaaq

 

Atorfeqartitaanermi atugassarititaasut

 

Akissarsiat aamma atorfinitsinneqarneq isumaqatigiissut atuuttoq tunngavigalugu ingerlanneqassapput. Qaammatit pingasut misilitsiffiupput.

Atorfimmut atatillugu inissaq pequsersorneqanngitsoq neqeroorutigaarput. Namminersorlutik Oqartussat aqqutigalugit atorfimmut atatillugu ineqartinneqareeruit tamatumunnga atatillugu piginnaatitaaffik pigiinnarneqassaaq.

Atorfinitsinneqarnermut aamma suliunnaarnermut atatillugu akiliunneqarluni angalanerit maleruaqqusat atuuttut naapertorlugit ingerlanneqassapput.

 

Illit tassaavit suleqatissarput?

 

Taava qinnuteqaatit sapinngisamik pilertornerpaamik nassiuguk una aqqutigalugu ”Atorfik qinnuteqarfigiuk”

Atorfiup imarisaanut apeqqutissaqaruit Henning Lange, tlf.nr. +299 540266-imut attaveqarfigisinnaavat. Akissarsiat aamma atorfinitsinneqarnermut atugassarititaasut pillugit apeqqutit nalinginnaasut nassiunneqarsinnaapput uunga hr@nukissiorfiit.gl.

 

Nukissiorfiit pillugit

 

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiliussanik pitsaasunik atugaqarnissaanik pilersitsineq iluatsilluarparput. Tamanna pillugu annertunerusumik atuarit uani www.nukissiorfiit.gl.

Qinnuteqarnissamut killissarititaasoq: decembarip 18.-at, 2022

ATORFIK UNA QINNUTEQARFIGIUK