Skip to main content
105

Dette jobopslag er udløbet

NUUMMI QULLERSAQARFITSINNI ILLIT TASSAAVIT PROJEKTLEDERI NUTAAQ

Nukissiorfiit projektlederisut aqutsisussamik sulisussarsiorpoq, aningaasaqarnermut, inatsisilerinermut aamma aqutsinermut pineqartut iluini sulisinnaasumik.

 

Nukissiorfiit piffissap ingerlanerini sanaartugassanik annertuunik suliaqartarpoq, atortunik nutaanik ilaartuinernik/taarsersuinernik aalajangersimasumik pisartunik qulakkeerinnittarluni, taamaalilluni annertuumik nuna tamakkerlugu pilersuinerup isumannaassuseqarnissaa qulakkeerniarlugu. Sanaartornermi suliassat allanngorartuupput, inaallagissamut, imermut aamma kiassarnermut aqqutit, kiassaateqarfiit, erngup nukinganik nukissiorfiit aamma imeqarfiit aserfallatsaaliorneri aamma nutaanik sanaartornerit aammalu sanaartuiffigiuminarsaanerit isumagisaralugit. Aammattaaq suliassat pisortaqarfiit akornanni aamma inuiaqatigiinni aningaasaqarniarneq isigalugit ataqatigiisinneqassallutik.

 

Suleqatissarsiorpugut:

 

  • Qaffasinnerusumik ilinniagaqartoq
  • Projektlederisutut ilinniagaqartoq/allagartaqartoq
  • Teknik pillugu pasinnissinnaasoq aamma projektlederisut misilittagaqartoq
  • Aningaasanik aqutsinermik malussarissuusoq
  • Attaveqatigiinnermut aamma paasissutissiisarnermut pitsaasumik piginnaanilik
  • Ataqatigiisitsinermut piginnaanilik aamma suliaq tamakkerlugu isiginnissinnaasoq

 

Iluaqutigissavat, AP 95 ilisimasaqarfigigukku aammalu pilersuinermi atortorissaarutit misilittagaqarfigalugit.

 

Projektit pillugit allaffimmi atorfinitsinneqassaatit, projektit pillugit pisortaasup ataani, aammalu projektilerinermi nakkutilliisuutitanut siulittaasup ataani, taannaanerusarporlu immikkoortortaqarfimmi pisortaq. Projektini suliassat toqqarneqarsimasut ulluinnarni aqunneqarneri isumagissavat, Kalaallit Nunaat tamakkerlugu sulisut peqatigalugit. Aammattaaq suliat akornanni pilersaarusiat aamma aaliangersugassat pisariaqartinneqartut suliarineqarnissaat isumagissavatit.

 

Neqeroorutigaarput

 

  • Suliffeqarfik pikkorissunik sulisulik aamma suliffeqarfik sulinerup kulturianik pimoorussisoq
  • Sulineq pissanganartoq, imminut nakkutigineq aamma oqartussaaneq annertuumik atorneqartoq aammalu ullut ingerlanerini suliaqarnissamut aalajangiisinnaanermik periarfissaqartitsisoq.
  • Sulineq savitooq, illit periarfissaralugu inuttut aamma sulianut tunngasumik ineriartorsinnaanerit.
  • Ataatsimoorneq nuannersoq, sulinerup pilluarnarnera ukkataralutigu.

 

Atorfeqartitaanermi atugassarititaasut

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

 

Inissaq

Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

 

Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiap inigineqalertussap innersuunneqarnissaata tungaanut utaqqisoqartarsinnaavoq, taamaammat utaqqiisaannaagallartumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni, taakkunaniinnermut akileraarutinik akiliisoqartarpoq.

 

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput. Atorfimmut atatillugu inissaqartitsisoqanngilaq, Namminersornerullutik oqartussat aqqutigalugu ineqaruit piginnaatitaaffit ineqarnermut pigiinnassavat.

 

Suli paasisaqarnerorusuppit?

Atorfik pillugu erseqqinnerusumik paasisaqarusukkuit projektchef Ole Ziemer atassuteqarfigiuk: olzi@nukissiorfiit.gl imal. tlf.: (+299) 34 95 80/ (+299) 58 88 80 Nalinginnaanersumik apeqqutissaqaruit HR-immikkoortortaqarfianut saaffiginnissutigineqarsinnaapput: HR@nukissiorfiit.gl imal. tlf.: (0299) 34 95 00

 

Oqaloqatiginninnerit: Oqaloqatiginninnerit ingerlaavartumik ingerlanneqassapput

 

Nukissiorfiit pillugit annertunerusumik paasisaqarusukkuit www.nukissiorfiit.gl alakkaruk

 

Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.

 

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuineq suliaraat. Tamakku saniatigut sullitatsinnut iluaqutissanik aningaasartuutinik atorluaanissamut aamma ataavartussanik aaqqiissutissarsiortuartarpugut. Ilisimavarput inuiaqatigiinnut annertuumik akisussaaffeqartuunerput, qitiutipparpullu tamatuma naammassineqarnissaa. Nalinginnaasumik ingerlatsinerup saniatigut ataavartussamik nukissiamik pilersuinissamut ineriartortitseqqinnissamik pitsanngorsaanissamillu kiisalu imermik imerneqartussamik pilersuinerup pitsanngorsarnissaanik aamma annertusiartortinnissaanik suliaqartarpugut.

 

Qinnuteqarnissamut killissarititaasoq: decembarip 10.-at, 2019

ATORFIK UNA QINNUTEQARFIGIUK