Skip to main content
127

Dette jobopslag er udløbet

NUNAQARFINNUT FORMANDI UUMMANNAQ

Uummannami Nukissiorfiit nunaqarfinnut formandimik pissarsiorput sapinngisamik piaartumik isumaqatigiissuteqarnikkut atorfinittussamik. Suliassatit pingaarnerit tassaassapput innaallagissiorfik kiassaateqarfiutigisoq aamma Uummannami sillimataalluni innaallagissiorfik kiisalu nunaqarfiit aamma taakkunani atortut.  

 

Suliarisassatit pingaarnerit tassaapput:

  • Innaallagissiorfinni atortunik aamma illutaanik ingerlatsineq aserfallatsaaliuinerlu, tassunga ilanngullugit torersaaneq aamma taakkunani tamani eqqiaaneq
  • Kingoraartissanik nakkutilliineq aamma atortunik ajortittunik amigaataasunillu aammattaaq quersuarni allattuisarfik aqqutigalugu nalunaarsuineq
  • Ingerlatsinermi qulakkeerinninnerup pitsanngornissaanik sulissutiginninneq
  • Pigaartuusarnermut peqataaneq
  • Suliassat takkuttartut suliaralugit
  • Ilinniartunik suleqatiginninneq.

 

Illit inissisimaffinni Uummannami suleqatigiinnut peqataalissaatit kisianni aammattaaq Nunap Immikkoortuani Avannaani suliatigut ataatsimiititaliamut peqataassaatit, taakkua tassaapput Qaanaami, Upernavimmi aamma Uummannami innaallagissiorfinni sulisut.

 

Naatsorsuutigisinnaavat
Immikkoortortaqarfimmut peqataalissaatit tassani suleqatissatit pikkorissuupput, aallussilluartut aamma qanilaartut. Uagutsinni ulluinnarni sulinermi naatsorsuutigisinnaavat suliatigut aamma immikkoortortaqarfinni qanoq inissisimaneq apeqqutaatinnagit suleqatigiinneq. Tassani assigiinngiiaartunik suliassaqarpoq aamma suleqatigiit assigiinngitsunik tunngaveqartuupput. Nukissiorfiit suliffeqarfiuvoq aallussilluarfiusoq tassani pingaartippavut suliatigut aamma inuttut ineriartorneq.

 

Suleqatissatut ujartugarput tassaavoq:

  • Suliatigut tulluartumik ilinniagalik (maskinarbejderitut, skibsmontøritut imaluunnit assingusumik)
  • Sakkunik aamma maskiinanik assigiinngitsunik passussisinnaasoq aamma maskiinanik angisuunik aserfallatsaaliuinermik misilittagaqarneq iluaqutaassaaq
  • Motoorinik dieselitortunik angisuunik aserfallatsaaliuinermik misilittagalik (ventiilinik silisineq, stempelilerineq assigisaallu)
  • Suliassanut ilisimasaqartoq
  • Allanngortitsisarnermut sungiussisimasoq aamma sulinermi atugassarititaasunik allanngorartunik akuerinnittoq, pisariaqartillugu immikkut ittumik sulisinnaasoq
  • Biilernermut allagartalik
  • Suliartornissamut aalajaatsoq aamma suleqatigiuminartoq.

 

 

Ilinnut neqeroorutigisinnaavagut:

  • Suliffik pikkorissuseqarfiusoq aamma suliffeqarfimmi kulturi aallussilluarfiusoq
  • Atorfik pissanganartoq annertuumik aalajangeeqataaffiusoq ulluinnarni suliassanut sunniuteqarfiusinnaasoq
  • Sullivimmi avatangiisit ineriartorfiusoq tassani illit periarfissaqassaatit inuttut aamma suliatigut ineriartornissamut
  • Ataatsimoorneq pitsaasoq tassani uagut qitiutipparput sulinermi nuannarisaqarneq.

 

 

Atorfeqartitaanermut atugassarititaasut
Aningaasarsiat aamma atorfeqartitaanermi atugassarititaasut Naalakkersuisut aamma kattuffiup isumaqatigiinniarsinnaatitaasup akornanni isumaqatigiissut atuuttoq naapertorlugu ingerlanneqassapput. Qaammatit siullit pingasut misilitsiffiupput.

 

Inigisaq
Atorfimmut atatillugu inissaqartitsisoqanngilaq. Qinnuteqaateqartoq Namminersorlutik Oqartussat aqqutigalugu atorfeqartitaanerminut atatillugu inissaqartinneqaruni, atorfeqartitaanermi inissaqartinneqarneqarnermut piginnaatitaaffiit pigiinnarneqassapput.

 

 

Illit tassaavit suleqatissatut ujartugarput?
Taava qinnuteqaatit una “atorfik una qinnuteqarfigiuk” aqqutigalugu piaartumik nassiuguk. Atorfimmi suliassat aamma sulerisarnissaq pillugit apeqqutissaqaruit, taava Teamlederi Ingerlatsinermut akisussaasuusoq Heinrich Helmuth Holgaard, Tlf. +299 64 78 14.

Aningaasarsiat aamma atorfeqartitaanermi atugassarititaasut pillugit apeqqutit nassiunneqarsinnaapput uunga: hr@nukissiorfiit.gl.

 

 

Nukissiorfiit pillugit

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Tamanna pillugu annertunerusumik atuarit uani www.nukissiorfiit.gl.

 

Qinnuteqarnissamut killissarititaasoq: aggustip 11.-at, 2021

ATORFIK UNA QINNUTEQARFIGIUK