Skip to main content
111

Dette jobopslag er udløbet

NUNAP IMMIKKOORTUANI DISKOMI AASIANNI ALLAFFIMMI AQUTSISUSSAQ

Nukissiorfiit nunap immikkoortuani Diskomi misilittagalimmik aamma aaqqissuussillaqqissumik allaffimmi aqutsisussarsiorput. Nunap immikkoortuanut Diskomut ilaapput Aasiaat, Kangaatsiaq, Qeqertarsuaq aamma Qasigiannguit taakkualu nunaqarfii.

 

Allaffimmi aqutsisup aqutsisutut suliatigut akisussaaffiinut ilaapput nunap immikkoortuani allaffimmi sulisut, taakku nunap immikkoortuani illoqarfinni sisamaniittuusut. Allaffimmi aqutsisoq nunap immikkoortuani Diskomi pisortamut akisussaaffeqarpoq Nukissiorfiillu Nuummi qullersaqarfianni allaffimmiunik qanimut suleqateqartassalluni.  

 

Atorfik

Allaffimmi aqutsisutut illit nunap immikkoortuani allaffissorneq sullitanullu attaveqarneq tamaat aqussavat, tassani illit nunap immikkoortuani pisortaq Nunap Immikkoortuanik Diskomik aqutsinerani qitiusumik inissisimassallutit. Tassunga ilanngullugu illit akisussaaffigissavat Nukissiorfiit allaffissornikkut periusiisa nunap immikkoortuani malinneqartarnissaat, naatsorsuutigineqarporlu illit ineriartortuartitsinermut aamma suliffeqarfiup sungiusimasaanik inatsisit atuuttut iluanni peqataasarnissat. Nunap immikkoortuani pisortamut akisussaaffeqarlutit illit suliassatit pingaarnerit makkuussapput:

 

  • Nunap immikkoortuata sullitanut attaveqarneq kiisalu naatsorsuutinut aamma sulisoqarnermut tunngasunik allaffissornermi nalunaarusiarineqartarnerat, tassunga ilanngullugit piffissap suliffiusup nalunaarsorneqartarnera aamma nunap immikkoortuani akissarsianut allagartat il.il.
  • Nunap immikkoortuani pisiniartarnermut aamma fakturat akuerineqartarnerannut malitseqartitsisarnerit, toqqortaatit kiisalu allat allaffissornermut tunngasut.
  • Najukkani ataasiakkaani periutsit, ilitsersuutit innersuussutillu suliarisarnissaat.
  • Allaffissornermi suliassat aqunnissaat aamma agguataartarnissaat, kiisalu nunap immikkoortuani sulisunik ilisimasanik ingerlatitseqqittarnikkut piginnaanngorsaalluni ineriartortitsinermut peqataaneq.

 

Piginnaasat

Allaffissornermik misilittagaqarluartuuvutit, iluaqutaassaaq naatsorsuuserinermut tunngasunik, soorlu aamma iluaqutaassasoq illit aqutsinermik misilittagaqartuunerit. Niuernermik sammisaqarnermik sullisserusussuseqartuuvutit sulisutit ungasianit aqunneqarnermikkut kajumitsinnerulersinnissaannut pikkoriffeqartuullutit, suleqatigiinneq angusaqarusussuseqarfiusoq aamma paasissutissiisarnikkut annertuumik peqataatitsinermik pingaartitsisuullutit.  

 

Tassunga ilanngullugu pingaartipparput illit aaqqissuussillaqqillutit suleriaaseqarnerit mikisualuit pingaaruteqarnerannik aamma piffissarititaasup eqqortinnissaanik piginnaaneqarfigalugit, IT-mik pikkoriffiit pitsaasut, iluaqutaassaaq Axapta/Xellentimik ilisimasaqarneq, marluinnik oqaaseqartuuneq kalaallisut/danskisut oqaaseqarsinnaallutillu allassinnaanissaat, illillu annikinnerpaamik akademikeritut tulluartumik ilinniakkatigut tunngaveqartuunerit.

 

Atorfeqartitaanermi atugassarititaasut 

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

 

Inissaq 

Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

 

Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiap inigineqalertussap innersuunneqarnissaata tungaanut utaqqisoqartarsinnaavoq, taamaammat utaqqiisaannaagallartumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni, taakkunaniinnermut akileraarutinik akiliisoqartarpoq.

 

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput. Atorfimmut atatillugu inissaqartitsisoqanngilaq, Namminersornerullutik oqartussat aqqutigalugu ineqaruit piginnaatitaaffit ineqarnermut pigiinnassavat.

 

Suli paasisaqarnerorusuppit?
Atorfik pillugu paasissutissat annertunerusut pissarsiarineqassapput pisortaq René E. Fleicher oqarasuaatikkut +299 89 48 56.

Apeqqutit allat Sulisoqarnermut Immikkoortortaqarfimmut apeqqutigineqarsinnaapput e-mail: HR@nikissiorfiit.gl imaluunniit + 299 349500.

Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.

 

Qinnuteqarnissamut killissarititaasoq: juulip 22.-at, 2019

ATORFIK UNA QINNUTEQARFIGIUK