Skip to main content
112

NUKISSIORFIT SENIOR BUSINES PARTNERIMIK SULISUSSARSIORPOQ

1. januar 2020-imi atorfinittussamik Nukissiorfiit qullersaqarfianut Nuummiittumut Senior Business Partnerimik pimoorussisumik niuerpalaarsinnaasumillu pissarsiorpugut. Pineqarpoq tassaavoq atorfik pisartunik allaanerusoq aamma pissanganartoq nuna tamakkerlugu suliffeqarfiusumiittoq, piujuaannartitsinissamik pingaartitsisoq ullullu tamaasa inuiaqatigiinnut akisussaaffimmik qaqitsisinnaasoq.

 

Nukissiorfiit ineriartortinneqartuarpoq, nutaaliornermik pilersitsisoqartuarpoq, misilittagaqarnermut inissaqartitsisoq, akissaateqarnermut iluaqutaalluartunik, naleqarluartussanik aamma piujuaannartitsinissamut pilersitseqataasoq, atuisutsinnut aamma inuiaqatigiinnut iluaqutaalluartussanik. Taakkua ataani nukik piujuaannartoq aamma imeq imigassatut minguitsumik pilersuineq ineriartortsinneqartuartoq aamma pitsanngorsarneqartuarpoq, taamatullu atuisutsinnut aamma allaffimmiutsinnut digitalimik sullissinerit ineriartortsinneqartuarlutik.

 

Bussiness Partneringip immikkoortortoqarfia Aniningaasaqarnermut direktørip ataaniippoq, aningaasaqarnermut immikkoortortaqarfimmi inissisimalluni. Bussiness Partneringimi sulisut tassaapput Business Partneringimi pisortaq aamma Bussiness Partnerit marluk aammalu software robottinik ineriartortitsisoq.Business Partnering immikkoortortaqarfiani pingaarnertut siunertaavoq suliffeqarfiup ineriartortinneqarnissaa aamma suleriaatsit pitsanngorsarneqarnissaat, digitalisering aqqutigalugu sulineq, suliamut paasinnilluarneq, suliffeqarfiullu immikkoortortaqarfiisa tamarmiusut peqataatinneqarnissaat aqqutigalugit.

 

Business Partneringip immikkoortortaqarfia tassaavoq immikkoortortaqarfik nutaaliortuusoq, sapinngisamik IT-mi atortussat nutaat atornerisigut. Ilaatigut softwarerobottit UiPATH-meersut atorpagut, taakku allaffissornermi suleriaatsit qarasaasiat (automatisering) atorlugu pitsanngorsarniarlugit. Aammattaaq IBM Planning Analytics atorparput, Rolling Forecastip atornissaa siunertaralugu, taanna aningaasartuutinut missingersuutitut naatsorsuussaavoq, machine learning atorlugu suliarineqarsimasoq. Qarasaasiakkut sulianut IBM Analytics atorparput taamatullu aamma soorunami Excel.

 

Business Partneringimi immikkoortortaqarfik tassaavoq suliffeqarfimmi ingerlatsineq pillugu misissuineq, suleriaatsinut allanngorsaaneq, projektinik suleqatigiinnermi peqataasoq, pisortanik siunnersiueqatigiinneq, tassani immikkoortortaqarfiit Rolling Forecastii malittareqqinnaassallugit.

 

Suliassat


Senior Business Partneritut suliassat pingaarnersaat tassaavoq, suliffeqarfiup immikkoortortaqarfiini suleqatigiissaarisoq, suleqatigiinermi suliffeqarfiup naleqarnera annertusiniarlugu. Partnereqatissatit peqatigalugit illit Business Partneritut aaliangersimasunut immikkoortortaqarfinnut atassuteqartassaatit. Suliassatit ilaatigut makuupput:

 

  • Pisortat illit attuumassuseqarfigisatit isummersoqatigissavatit
  • Pisortat aalajangigassaat tunngavilersorlugit suliarissavatit
  • Pisimasut takusassanngorlugit sanassavatit, suliffeqarfimmi nutaamik isumassarsiaqarnissanut aamma allannguinissanut peqataasussanngorlugit
  • Suliffeqarfiup KPI dash-boardia ineriartortinneqarnissaa aamma pitsanngorsarneqarnissaa peqataaffigissavat.
  • Immikkoortortaqarfiit illit atuumassuteqarfigisatit aningaasaqarnerata aqunneqarnerinut ikiortassavatit
  • Immikkoortortaqarfiit illit attuumassuteqarfigisatit akigititaat naatsorsussavatit, aammalu suliffqarfiup tamarmiusup kaaviiaartitaasa ilusiligaanera.
  • Qullersaasunut suliassanik aalajangersimaqqissaartunik suliaqartinneqarnissaq aammalu naalakkersuinermi Nukissiorfiit attuumassuteqarfianut suliaqartinneqarnissaq

 

Atorfik Business Partneringip pisortaanut akisussaaffigineqarpoq

 

Ulluinnarni suliffeqarfimmi tamanut siammasissumik atassuteqartassaatit aammalu qullersaasut qanillugit suleqatigisassavatit. Illit arlaannik immikkut piginnaaneqaruit, tamanna aamma qularnanngitsumik atorluarneqarsinnaavoq, tassami suliffeqarfiup ineriartortinneqarnerani periarfissaqarluarmat, illit atorfimmut atatillugu sunniuteqarsinnaanerit periarfissatsialaammat.

 

Piginnaanerit  

isaarissat arlaqartuupput aamma illit iluatsitsilluarnissannut periarfissaqarluarpoq, taamaattoq aallaavigalugu illit aningaasaqarnermut tunngasunik ilikkagaqarluarsimanissat, suliffeqarfiup ineriartortinneqarnissaanut peqataanissat naatsorsuutigaarput aammalu misissueqqissaarnermut sulinissamut malussarissuussallutit. Business Partneritut ujartuillaqqissutut piginnaaneqassaatit aammalu sullitanut/suleqatinut oqaloqateqarluarsinnaallutit. Illit tassaavutit:

 

  • Aningaasaqarneq pillugu qaffassumik illinniaqarsimasoq, kandidatitut.
  • Ajornannngippat IBM Planning and Analytics aamma IBM Analytics ilisimasaqarfigalugu aammalu IT-atornissaanut sungiusimasaqarluartoq
  • Suleriaaseq ilusilersorluagaq, pingaassuseqarnermik peqqissaarussilluni malussarissoq, aammalu allattariarsornermut kusanartumik piginnaaneqartoq.
  • Nutaaliornissamut malussarissoq, nioqquteqarnissamut misissuilluarsinnaasoq, aammalu inerneqarluartumik suleqatigiinnissamut piginnaaneqarluartoq.
  • Suleqatiiginnermut piginnaanneqarluartoq aamma ilakkuminartuusoq, taamaalillutit suleqatigiikkuutaarluni sulinissamut soorunami aggersarneqartarsinnaallutit.
  • Taamatut aamma pitsaassaaq, pilersuinermi, IT-lerinermi, HR-imi, sulianut aqutsinermi, pisiortornermi, atassuteqarnermi imaluunniit qullersaanermi immikkoortortaqarfinni sulisimanermik ilisimasaqaruit, taamaalillutit pisortat atassuteqarfigisassatit tapersersortarsinnaassagakkit, qaffasissumik suliamut ilisimasaqarlutit.

 

Aammattaaq pitsaassaqaaq, Kallaallit Nunaanni inuiaqatigiit akornanni pissutsit ilisimasaqarfigigukkit aammalu arlalinnik, Kalaallisut/Qallunaatullu oqalussinnaaguit.

 

Atorfeqartitaanermi atugassarititaasut

 

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

 

Atorfimmut atatillugu inissiamik innersuussisoqanngilaq.

 

Suli paasisaqarnerorusuppit?

 

Atorfik pillugu paasissutissat annertunerusut pissarsiarineqassapput Business partnerinngimi Ingerlatsinermut Pisortaq Jens B Jessen saaffigalugu +299 349500. Apeqqutit allat Sulisoqarnermut Immikkoortortaqarfimmut apeqqutigineqarsinnaapput e-mail: HR@nukissiorfiit.gl imaluunniit + 299 349500.

 

Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.

Qinnuteqarnissamut killissarititaasoq: oktobarip 28.-at, 2019

ATORFIK UNA QINNUTEQARFIGIUK