Skip to main content
83

Dette jobopslag er udløbet

NUKISSIORFIIT, SULIANUT PAASINIAALLAQQISSUMIK TAPPISSUMIK AQUTSISUT ALLATTOQARFIANI SULEQATISSARSIORPOQ

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersugaraa. Tamatuma saniatigut atuisutsinnut iluaqutaasussanik aningaasartuutit sunniuteqarluartussanit aamma piujuaannartitsinermik inerneqartussanit ujartuijuarpugut. Ulluinnarni ingerlatsinitta saniatigut nukik piujuaannartumik pilersuinerput ineriartortittuarparput aamma pitsanngorsartuarparput, taamatullu imermik pilersuinerput pitsanngorsartuarlugulu annertusiniarnera sulissutigaarput. Suleqatissarsiorpugut pimoorussisumik allattariarsornermik piginnaaneqarluartoq, taassumalu Nukissiorfinni aqutsisut assigiinngitsunik paasiniaqqissaagassanik sullittassavai. Atorfik Nukissiorfinni aqutsisut allattoqarfiani inissisimavoq.

 

Aqutsisut allattoqarfiata suliassai

Aqutsisut allattoqarfiata, Nukissiorfinni sullissinerit sunniuteqarluartut aamma eqaatsumik inerneqartussat anguniartussaavaat, suliffeqarfiullu iluani paasissutissat ingerlateqqinneqartarnissaat pitsanngorsassallugit. Saniatigut aqutsisut allattoqarfiata nutaarsiassat aamma pisortaqarfiit atassuteqarfigineqartarnerat isumagisaraat, minnerunngitsumik Namminersorlutik Oqartussanut. Allaffik allanngorartunik suliassaqartuarpoq, qullersaqarfik aamma pisortaasut nalinginnaasut suleqatiginerisigut. Suleqatissarput tassaavoq suliarisatta assigiinngitsorpassuit akornanni paasissutissanik katersisartussaq, taakkulu suliassanut aaliangersimasunut aamma misissugassanut piviusunngorlugit saqqummiuttassallugit.

 

Suliassat

Nukissiorfiit suliffeqarfiuvoq teknikkip tungaatigut ilisimasaqarluatoq aamma paasisimasaqarluartoq, suleqatissarsiorpugullu ilisimasarput tamanna suliassanut aalajangersimasunut aamma misissugassanut paasissutissiinermilu suliatsinnut ikiuuttussamik, Nukissiorfiit pisortaannut aamma politikkikkut aalajangiisartunut atugassatut. Illit pingaaruteqartuussaatit, misissugassat suliarinerini paasissutissat assigiinngitsorpassuit tunngavigalugit ingerlateqqinneqartarnissaannut.Tamatuma saniatigut projektit assigiinngitsorpassuit ingerlappagut, suleqatissarsiorpugullu suliap ingerlaneranut aamma naammassereerneranut erseqqissumik ilisimatitsisinnaasumik.

 

Suliassavit imaraa

 

  • Paasissutissat, nalunaarusiat, ilisimatitsissutit aamma aalajangigassat qullersaasunut aamma naalakkersuisoqarfimmut attuumassuseqartumut piareersarlugit
  • Pisortaasut ataatsimiinnerini aamma Nukissiorfiit naalakkersuisoqarfik aattuumassuteqartumut ataatsimeeqatiginerini peqataanissaq aamma suliassat malittarinissaat/nanginnissaat.
  • Suliffeqarfiup avataani suliaqarnermi aamma projekteqarnermi peqataanissaq
  • Nukissiorfiit pilersaarusiornera pillugu piviusunngortitsinissamut malittarineqarnissaanullu suliaqarnermut peqataanissaq

 

Pisinnaasat

Atorfimmut ikkunnissamut pisinnaasat arlaqarput, taamaattoq pingaaruteqarpoq pisortat suliffeqarfiutaani sullissineq ilisimasaqarfigigit, Kalaallit Nunaanni pissutsit ilisimasaqarfigigitit, aammalu teknik tungaanut paasisimasaqarneq, tamannali iluaqutaasinnaavoq kisiannili piumasaqaataanani. Pingaartuutipparput aamma ataani allasimasut piginnaasaqarfigigitit:

 

  • Oqalunnermi aamma allaatariarsonermi pitsaasumik piginnaaneqarneq aammalu IT atornissaanut pikkorissuseq
  • Suleriaaseq ilusilersugaalluartoq, peqqissaarnissamut soqutigisaqartoq
  • Politikkimut paasinnilluarsinnaasoq
  • Kandidatitut qaffasitsigisumik ilinniaqarsimasoq

 

Taamatullu iluaqutassaaq, arlalinnit oqaaseqartuuguit – kalaallisut, qallunaatut aamma tuluttut.

 

Atorfeqartitaanermi atugassarititaasut

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

 

Atorfimmut atatillugu inissaqartitsisoqanngilaq.

 

Suli paasisaqarnerorusuppit?

Atorfik pillugu paasissutissat annertunerusut pissarsiarineqassapput Sune Tougaard suto@nukissiorfiit.gl. Apeqqutit allat Sulisoqarnermut Immikkoortortaqarfimmut apeqqutigineqarsinnaapput e-mail: HR@nikissiorfiit.gl imaluunniit + 299 349500.

 

Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.

 

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuineq suliaraat. Tamakku saniatigut sullitatsinnut iluaqutissanik aningaasartuutinik atorluaanissamut aamma ataavartussanik aaqqiissutissarsiortuartarpugut. Ilisimavarput inuiaqatigiinnut annertuumik akisussaaffeqartuunerput, qitiutipparpullu tamatuma naammassineqarnissaa. Nalinginnaasumik ingerlatsinerup saniatigut ataavartussamik nukissiamik pilersuinissamut ineriartortitseqqinnissamik pitsanngorsaanissamillu kiisalu imermik imerneqartussamik pilersuinerup pitsanngorsarnissaanik aamma annertusiartortinnissaanik suliaqartarpugut.

 

Qinnuteqarnissamut killissarititaasoq: decembarip 15.-at, 2019

ATORFIK UNA QINNUTEQARFIGIUK