Skip to main content
93

Dette jobopslag er udløbet

NUKISSIORFIIT SILLIMMASIISARNERMUT SIUNNERSORTIMIK PISSARSIORPUT

Nukissiorfiit sillimmasiisarnermut siunnersortissarsiorput allaffissornermik tunngaveqartumik aamma sillimmasiisarnernut tunngasunik misilittagaqartumik. Pineqarpoq atorfik assigiinngiiaartunik suliassaqarfiusoq nuna tamakkerlugu suliffeqarfimmi teknikimut pikkoriffeqarfiulluartumi aamma annertuumik inuiaqatigiinnut akisussaassuseqartumik. Nukissiorfiit niuernikkut ineriartortitsinerup unamminartup qeqqaniippoq, tassani pilersinneqarput aningaasartuutinik atorluaaneq aamma ataavartunik aaqqiinerit sullittakkatsinnut iluaqutaasut. Tamatumunnga ilanngullugit ataavartumik nukissiamik pilersuinerup ineriartorteqqinnerisa qitiutinneqarnerpoq, kiisalu Nukissiorfinni sulisut suliffeqarfiup isumalluutaatut pingaaruteqarnerpaatut isigineqarput.

 

Nukissiorfiit Kalaallit Nunaanni Namminersorlutik Oqartussat aqqutigalugit qaqugukkulluunniit atuuttussanik sillimmasiissutinik sillimmasigaavoq. Sillimmasiisarnermut siunnersorti immikkoortortaqarfimmut sullitanut sullissivimmut atavoq immikkoortortaqarfimmilu aqutsisumut toqqaannartumik akisussaaffeqarluni.

 

Atorfik
Sillimmasiisarnermut siunnersortitut akisussaaqataaffigissavat ingerlatsinermut tunngaviusup aamma suliffeqarfiup iluani periutsit sillimmasiisarnermut tunngasut malinneqartarnissaat, aamma sillimmasiisarnermut politiki suliffeqarfiullu iluani periutsit pitsaanerulersinneqarnissaat, tamatuminnga periarfissaqarpat imaluunniit pisariaqartitsisoqarpat. Akisussaaffigisassatit ilaatigut makkuninnga ilaqarput:
·     Nukissiorfiit immikkoortortaqarfiinut sillimmasiisarneq pillugu ingammillu ajoqusernermik nalunaaruteqartarnissamut ilitsersuutit
·     Ajoqusernermi nalunaarutinik misissuineq tamatumunnga ilanngullugit sillimmasiinermi pineqartumi nammineq akiligassaasut qaangerneqarnersut
·     Sulianik sillimmasiinernut tunngasunik sillimasiinermik suliaqartumiittunik aamma sillimmasiisarfinniittunik kiisalu suliffeqarfimmi immikkoortoqarfinniittunik malinnaaneq
·     Inatsisilerinermut immikkoortortaqarfiup suliaanik nalunaarsuineq aamma toqqortaatinut ilioraaneq
·Sillimmasiinermut aamma sullivimmi avatangiisinut tunngasunik kisitsisitigut paasissutissanik nalunaarsuisarneq
·Kalaallit Nunaanni Namminersorlutik Oqartussat sillimmasiisarnermut sullissisartuannut  WillisTowerWatson-imut attaveqartarneq.

 

Tamakku saniatigut sillimmasiissuteqarnermut siunnersortitut illit suliffeqarfimmi namminermi suliaqarnermi aamma suliniutinut suleqatigiinnut peqataasarsinnaassaatit. Illit immikkut piginnaasaqaruit taakku atorluarneqarsinnaassapput, tassami suliffeqarfimmi ineriartortitsisoqarnera pissutigalugu periarfissaqarluassammat illit atorfimmi suliassanut sunniuteqarsinnaanerit.

 

Piginnaasat
Sillimmasiinermut misilittagaqarneq namminersortuni imaluunniit pisortat suliffeqarfiutaanni. Piginnaaneraat inunnut allanut ilisimasanik ingerlatitseqqittarneq aamma niuernermut pikkoriffeqassallutit. Suleqatinnut aamma avataaneersunut suleqateqarnermi suleqatigiinneq angusaqarfiulluartoq pingaartissavat. Tassunga ilanngullugu naatsorsuutigineqarpoq illit allaffissornermi suliassanik misilittagaqartuunissat, tassani piffissami ulapaarfiusumi mikisualuit qitiutinneqartarlutik. Taakku saniatigut pingaartipparput illit:
·     Tulluartumik ilinniagaqarnikkut tunngaveqarneq aamma sillimmasiisarnermi allaffissornerup pitsaanerulersinnissaanut piumassuseqarneq
·     Aaqqissuussamik suleriaaseqartuuneq mikisualuit pingaaruteqarnerannut piginnaasaqartuuneq aamma aningaasaqarnermik paasisimasaqartuuneq
·     Oqallorissuuneq aamma allattariarsornikkut piginnaasaqarneq kiisalu IT-mik atuisutut piginnaasaqarluarneq
·     Nutaaliorsinnaaneq niuernermik ataatsimoortumik isiginnissinnaanermi killiussat iluanni.

 

Tassunga ilanngullugu iluaqutaassaqaaq illit kalaallit inuiaqatigiit qanoq ittuunerannik paasisimasaqartuunissat aamma oqaatsinik arlalinnik piginnaasaqartuunissat.

 

Atorfinitsitsisoqassaaq sapinngisamik piaarnerpaamik.

 

Atorfeqartitaanermi atugassarititaasut
Akissarsiat aamma atorfinitsinneqarneq isumaqatigiissut attuumassuteqarfigisaq aamma atuuttoq tunngavigalugu ingerlanneqassapput. Qaammatit pingasut misilitsiffiupput.

Atorfimmut atatillugu inissamik pequsersorneqanngitsumik maleruaqqusat atuuttut tunngavigalugit neqerooruteqarpugut.

Atorfininnermut aamma soraarnermut atatillugu angalanermut akiliussisoqassaaq maleruaqqusat atuuttut tunngavigalugit.

Illit tassaavit suleqatissarput?
Qinnuteqaatit taava nassiuguk “Atorfik una qinnuteqarfigiuk”  aqqutigalugu sapinngisamik pilertornerpaamik.

Atorfimmi suliassat atuuffialu pillugit taava attaveqarfigiuk immikkoortortaqarfimmi aqutsisoq René Kvist tlf.nr. +299 349566. Akissarsiat aamma atorfeqartitaanermi atugassarititaasut pillugit nalinginnaasunik apeqqutissaqaruit uunga saaffiginnittoqarsinnaavoq hr@nukissiorfiit.gl

 

Nukissiorfiit pillugit
Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Uagut pilluta uani www.nukissiorfiit.gl annertunerusumik atuarit.

 

Qinnuteqarnissamut killissarititaasoq: decembarip 15.-at, 2021

ATORFIK UNA QINNUTEQARFIGIUK