Skip to main content
114

Dette jobopslag er udløbet

NUKISSIORFIIT NUNAP IMMIKKOORTUANI NUUMMI SULISUSSARSIORPUT

Ingerlatsinermut suleqatissamik/quersuarmi sulisussamik

 

Nukissiorfiit Nunap Immikkoortuani nuummi ilinniarsimasumik ingerlatsinermut sulisussarsiorput/quersuarmi sulisussamik sapinngisamik pilertornerpaamik atorfinittussamik imaluunniit isumaqatigiissuteqarnikkut. Sulisussap pingaarnertut suliarisassavai quersuarmi toqqortaanut akisussaasuuneq aamma Nuummi uuttuutinut toqqorsivik kiisalu Qinngutsinni quersuaqarfik. Ilinniartinneqareeruni ingerlatsinermut sulisussaq Nuummi pigaartuusarnissami ilaasalissaaq.

 

Suliassat:
Pingaarnertut suliassat ukuunerussapput: 

  • Quersuarmiititassanik aamma suliniutinut pisariaqartitsineq naapertorlugu pisiniartarneq kiisalu nioqqutissanik tigusinermut nakkutilliineq
  • Nioqqutissanik tunniussisarneq aamma allattuisarneq
  • Quersuarmiititanik kisitsisarneq ukiumut naatsorsuusiornermut atatillugu
  • Quersuarmiititanik inissitsiterineq iluarsaassinerlu
  • Quersuarmiititat pillugit aqutsisorisaq qaninnerpaaq aamma Nunap Immikkoortuani Pisortaq peqatigalugit malittarisassiorneq

 

Suleqatissarsiorpugut makkuninnga piginnaanilimmik:

  • Torersorujussuusumik aamma aaqqissuussillaqqissumik
  • Quersuarmiititanik aqutsinermik piginnaanilik
  • Quersuarmiititanik aqutsinermik misilittagalik
  • Sullisserusussuseqartumik aamma suleqataarusussuseqartumik
  • Nammineerluni sulisinnaasoq aamma suliassanik aallartitserusussuseqarluartoq
  • EDB-mik atuisutut ilisimasalik aamma biilernissamut allagartalik, iluaqutaassaaq biilersuarnik aqutsisinnaaneq.

 

Neqeroorutigisinnaavavut: 
Atorfik pissanganartoq suliatigut aamma inuttut unamminartulik

  • Sullivimmi avatangiisit isumassarsiffiulluartartut aamma pitsaasuusut ikinngutigiittut suleqatigiiffiusut

 

Atorfeqartitaanermi atugassarititaasut
Aningaasarsiat aamma atorfeqartitaanermut atugassarititaasut Kalaallit Nunaanni Naalakkersuisut aamma kattuffiup isumaqatigiinniarsinnaatitaasup isumaqatigiissutai naapertorlugit ingerlanneqassapput. Qaammatit pingasut misilitsiffiupput.

 

Inissaq
Atorfimmut atatillugu inissaqartitsisoqarsinnaanngilaq.

 

Illit tassaavit suleqatissatut ujartugarput?
Taava qinnuteqaatit pilertornerpaamik nassiuguk ”Søg stillingen” aqqutigalugu.

Arlaannik paasisaqarusunneruguit taava ingerlatsinermut allaffimmi aqutsisoq Julie Johannesen attaveqarfigiuk tlf. (+299) 34 22 79. Imaluunniit Nunap Immikkoortuani Pisortaq Hans Rowedder telefonikkut attaveqarfigiuk (+299) 34 22 82. Apeqqutit nalinginnaanerusut saaffiginnissutigineqarsinnaapput Sulisoqarnermut Immikkoortortaqarfimmut, HR-imut, hr@nukissiorfiit.gl imaluunniit tlf. (+299) 34 95 00.

 

Nukissiorfiit pillugit
Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-ia ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Tamanna pillugu annertunerusumik atuarit uani www.nukissiorfiit.gl.

 

 

 

Qinnuteqarnissamut killissarititaasoq: februaarip 11.-at, 2021

ATORFIK UNA QINNUTEQARFIGIUK