Skip to main content
88

Dette jobopslag er udløbet

Nukissiorfiit Nunap Immikkoortuani Avannaani allaffimmi aqutsisussarsiorput

Nukissiorfiit Nunap Immikkoortuani Avannaani allaffimmi aqutsisumik misilittagaqarluartumik aamma aallussilluartumik, Nunap Immikkoortuani allaffissornerup ingerlaavartumik ineriartornissaa qulakkeerniarlugu, pissarsiorput aammattaaq atuisunik sullissinerup pitsanngorsarneqarnissaa aqutsineq, anguniakkanik aqutsineq aamma sulisunik ineriartortitsineq aqqutigalugit.

 

Suliassaqarfiit:

Allaffimmi aqutsisutut immikkoortortaqarfimmi namminermi, nunap immikkoortuani aamma suliffeqarfimmi piviusumik peqataanikkut suleqatigiilluarnermik pilersitsissaatit. Tamakku saniatigut illit akisussaaffigaat suliffeqarfimmi namminermi periutsit ineriartortinneqarnissaat aamma malinneqarnissaat, taamatuttaaq inatsisit atuuttut sammisani tamani malinneqarnissaat, ingammik:

  • Suliatigut suliassanik aqutsineq aamma agguaassineq ilisimasanik ingerlatitseqqinnermut peqataaneq aamma sulisunik kaammattuineq.
  • Qulakkiissallugu pisiniartarnerup, toqqorsiviit aamma nunap immikkoortuani allaffissornermi periutsit allat malinnaavigineqarnissaat.
  • Nunap immikkoortuani pisortaq suleqatigalugu aamma ataqatigiissaareqatigalugu sumiiffinni oqartussaasunut aamma inuussutissarsiortunut attaveqartarneq isumagissallugu.
  • Najukkani periutsit, ilitsersuutit aamma ajoqersuussinerit suliarineqarnerannut peqataasarneq.
  • Nunap immikkoortuata missingersuutaanik, aningaasaqarnermut ingerlatsineranik aamma malitseqartitsinernik nalunaarusiorneq nunap immikkoortuani pisortap innersuussutai naapertorlugit.
  • Aningaasarsiat allagartaannik / nal. suliffiusut nalunaarsorneqarnerannik teamlederit aamma nunap immikkoortuani pisortaq qanimut suleqatigalugit.

 

Allaffimmi aqutsisutut Nunap Immikkoortuani Avannaani allaffissornermi sulisunik ulluinnarni aqutsineq akisussaaffigissavat, kiisalu Nunap Immikkoortuani Avannaani pisortamut akisussaassuseqassaatit. Atorfik Uummannami inissisimavoq

Atorfimmut atatillugu angalasarnissaq naatsorsuutigineqartariaqarpoq.

 

Suleqatissarput ujartugarput tassaavoq:

  • Akademimi ilinniagalik imaluunniit allamik tulluartumik ilinniarsimasoq.
  • Marluinnik oqaaseqartoq kalaallisut aamma danskisut oqalunnermi aamma allannermi.
  • IT-mi pitsaasumik ilisimasaqartoq (Axapta aamma Excel ilisimagaanni iluaqutaassaaq).
  • Torersuutitsinermi piginnaasaqartoq aamma allaffissornermi piginnaaneqarluartoq.
  • Sullisserusussuseqartoq aamma suleqatigiuminartoq.
  • Nammineerluni sulisinnaassusilik aamma anguniagaqarluartoq.
  • Aqutsisutut misilittagaqarneq iluaqutaassaaq.

 

 

Neqeroorutigisinnaavagut:

  • Atorfik pissanganartoq suliatigut aamma inuttut unamminartulik.
  • Sulinermi suliassanut angusaqarluarnissaq siunertaralugu ilitsersuineq aamma ajoqersuunneqarneq.
  • Sullivimmi avatangiisit isumassarsinartut aamma pitsaasut.
  • Suliffeqarfik aallussilluarfiusoq inuttut aamma suliatigut ineriartornissamut periarfissaqarfiulluartoq.

 

Atorfeqartitaanermi atugassarititaasut

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

 

Inissaq

Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

 

Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiap inigineqalertussap innersuunneqarnissaata tungaanut utaqqisoqartarsinnaavoq, taamaammat utaqqiisaannaagallartumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni, taakkunaniinnermut akileraarutinik akiliisoqartarpoq.

 

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput.

 

Atorfimmut atatillugu inissaqartitsisoqanngilaq, Namminersornerullutik oqartussat aqqutigalugu ineqaruit piginnaatitaaffit ineqarnermut pigiinnassavat.

 

Suli paasisaqarnerorusuppit?

Atorfik pillugu paasissutissat annertunerusut pissarsiarineqassapput Nunap immikkoortuani pisortaq, Nukissiorfiit Ole Karl Poulsen saaffigalugu (+299) 52 54 04. Apeqqutit allat Sulisoqarnermut Immikkoortortaqarfimmut apeqqutigineqarsinnaapput e-mail: HR@nikissiorfiit.gl imaluunniit (+299) 349500.

 

Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.

Qinnuteqarnissamut killissarititaasoq: juulip 26.-at, 2020

Atorfik una qinnuteqarfigiuk