Nukissiorfiit iluani naatsorsuutinik nakkutilliisartutut naatsorsuuseriffimmi pisortaq qanimut suleqatigalugu qaammammut, ukiup affaanut aamma ukiumut ilivitsumut naatsorsuusiornermi ilalersuissaatit.

Naatsorsuuseriffimmi suleqatit pikkorissut 21-t peqatigalugit suliffeqarfittut namminersortitatut pisussaaffigisatsinnut uagut Nukissiorfiit iluani malittarinninnissatsinnut qularnaareqataassaatit, taamaalillutillu Kalaallit Nunaanni pilersuinerup isumannaatsuutinneranut, aamma minguitsumut nuukkiartornermut ilalersueqataassallutit.

Aaqqissuussiffimmut tamarmiusumut annertuumik attaveqarfeqalissaatit, taamaattumillu namminersuutigisaqarluni sulisarnermik paasinnissimasumik, suleqatigiinni qanimut suleqatiginnittuni ilanngussinnaasumik, aammalu suliat killeqarfii qaangerlugit nukittuunik attaveqarfinnik pilersitsisinnaasumik ujaasivugut. Atorfinittussaq eqqortoq nammineq suliassanik iluarsiisarnerminut annertuumik sunniuteqassaaq.

Atorfik Nuummi qullersaqarfimmi inissisimavoq, tassanilu naatsorsuuserinermut pisortaq qullersarissavat.

Takorloorparput atorfimmit assingusumik ukiuni pingasut-tallimani misilittagaqartutit, aammalu ataani piginnaasanut tulluartuusunik ilinniagaqarsimassasutit, ajornanngippat HD-R-itut, cand.merc.aud.-itut, assingusutulluunniit ilinniagaqarnermik.

 

Atorfinittussaq piukkunnartoq makkuninnga …:

 

• qaammammut, ukiup affaanut aamma ukiumut ilivitsumut naatsorsuusiornermut ilalersuuteqarsinnaavoq
• malittarisassiat inatsisillu atuuttut malillugit aningaasaqarnermut paasissutissat malinnaatitatut pigineqarnissaannik qularnaarisinnaavoq
•  immikkoortoqarfiit qaammammut naleqquttunngorsaasarnerinut tapersersuisinnaavoq, aammalu naatsorsuuseriffimmi suliassaqarfiusuni pisortanut sulianut tunngasumik suleqatiginninnermik ilalersuuteqarsinnaalluni
• naatsorsuuseriffimmi pisortamik suleqateqarluni suliffeqarfiup inissisimaffigisaani qaammamut inississukkanik inaarutaasunik suliaqarsinnaavoq
• niuerfimmik nakkutilliisunik suleqateqarluni siulersuisunut nalunaaruteqarnerit sinnerinik suliaqarnermut ilalersuuteqarsinnaavoq
• suleriaatsit ingerlattakkallu ineriartortillugillu pitsaanerpaanngorsarnerini peqataasinnaavoq
• Nukissiorfiit ERP-mik aaqqiissutaani, Xellentimik, Ax 2009-mik nangeqqitaasumik ineriartortitseqqinnermi peqataassaaq
• naatsorsuuserinermut attuumassutilittut suliaqarfiit killingi qaangerlugit suliniutinut ilalersuuteqarsinnaavoq, kiisalu siunertanut aalajangersimasunut suliassat aamma misissueqqissaarinerit assigiinngiiaartut kivitseqataaffigissavai.

 

Taakkununnga ilaliullugu makku iluaqutaassapput...:

 

• kukkunersiuisarnermik misilittagaqarneq, aamma aningaasaqarnermut aaqqiissutinik qajannaatsumik ilisimasaqarneq
• naatsorsuuserinermi suliarisartakkanik atuutsitsilernermik ineriartortitsinermillu misilittagaqarneq
• MS Officetut, ingammillu Excelitut ittunik IT-mi aaqqiissutinik qularfeqannginneq
• suleriaatsinik nutarsaallutillu pitsaanerpaanngorsaasinnaaneq.

 

Allattariarsornikkut oqaluttariarsornikkullu kalaallit oqaasiisigut attaveqaqatigiissinnaassutsit pitsaasut assut pingaartippagut; danskit oqaasiisa atorsinnaaneri iluaqutaassapput, tamannali piumasaqaataanngilaq.

 

Taakkununnga ilaliullugit suliassatit pikkorillutit kivitsiviginissaat ataqqinaatitut imminut isigalugulu piffissatut killiliussap iluani pilersuisinnaassaguit, soorlulusooq misissueqqissaarisarnikkut nukittuunik piginnaaneqarlutit suleqatiginninnermi kajumissaarisartutut suleqataassaguit qinnuteqaativit tigunissaa taava qilanaaraarput!

 

Makku uagutsinni pissarsiarissavatit

Nukissiorfiit iluani atorfeqartutut Kalaallit Nunaanni suliffeqarfiit anginerpaat pitsaanerpaallu ilaanni ilaalissaatit.

 

Suliassanik paasisimasaqarluarneq, aammalu ataatsimoorfiit nukittuut, najoqqutassialigaanngitsutut ingerlatseqatigiiffigisaq, aammalu inissaqartitsilluarneq pingaartuutippavut.

 

Ulluinnarni qullersaqarfitsinni kantiinarput iluarisimaaqaarput, tassanilu ullo’qeqqata siornani smoothies, ullo’qeqqasiutit aamma naatitanut aaqqiissutaasut sassaalliugitineqartarput. Sulinerup nalaani timigissarsinnaavugut, aammalu ilaatigut tagiartuisarnermik, aalisariartarnernik, aamma tallimanngornikkut imerniartarfittut ittumik aaqqissuussisartumik sulisut peqatigiiffiat suliaqarfiusoq tamaaniippoq.

 

Atorfinitsitsineri atugassarititaasut

Akissaatit aamma atorfeqartitaanermi atugassarititaasut inissinneqassapput Naalakkersuisut aamma kattuffiup isumaqatiginninniarsinnaatitaasup akornanni atorfinitsitaanerup nalaani isumaqatigiissut atuuttoq naapertorlugu. Atorfinitsitsinermi qaammatit pingasut ingerlaneri misiliutaassapput.

 

Atorfimmut inissamik innersuussisoqarsinnaanngilaq, kisianni Namminersorlutik Oqartussani sulisunut inissiamik innersuunneqareersimassaguit inissiap atugariinnarsinnaaneranut periarfissaqarputit.

 

Nukissiorfiit suua

Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Nioqquteqarfigisatta iluaqutissaanik iluarsiissutit aningaasartuutitigut akunnaatsut piujuartitsisullu pilersinniarlugit peqatigiilluta suliaqartuartuuvugut. 2020-mi innaallagissamut, imermut kiassarnermullu nioqqutigisatsinnit 70 %-it nukissamit ataavartumit pipput. 2030-p tungaanut nukissaq ataavartoq 100 %-iulersissallugu sulissutigaarput.

Nukissiorfiit iluani sulisunut 400+-inut tamanut toqqammavissat pitsaanerpaat pilersinniarnerat iluatsitsiffigaarput. Tassaavugummi Kalaallit Nunaanni aamma Danmarkimi suliffeqarfinni sulisunit annertunerpaamik iluarineqarnerpaat akornanni ilaasoq. Uagut pilluta annermik uani atuarit: nukissiorfiit.gl.

 

Soqutigaajuk?

 

Taava qinnuteqarnissamut tuugassakkut atorfik qinnuteqarfigiuk, tassuunalu qinnuteqaatit aamma CV-t ikkussinnaavatit.

 

Qinnuteqartut pingaarutillit oqaloqatiginiarlugit aggersartuarpavut.

 

Atorfimmut allanik apeqqutissaqassaguit uunga saaffiginninnissamut tikilluaqqusaavutit: Naatsorsuuserinermut pisortaq Bo Top Fisker, oq. angallattagaq +299 555725 imaluunniit bofi@nukissiorfiit.gl.

 

Tusarfiginissat qilanaaraarput.

 

Qinnuteqarnissamut killissarititaasoq: apriilip 17.-at, 2023

ATORFIK UNA QINNUTEQARFIGIUK