Skip to main content
114

Dette jobopslag er udløbet

NUKISSIORFIIT CTO-MIK PISSARSIORPUT

Nunap nukissiorneqarneranut aamma imermik pilersorneqarneranut iliuusissatut pilersaarutinut akisussaasoorusuppit, angusaqarnernik makkunani; VE-nik annertusiartortitsinermi imermit nukissiorfinnit, Issittumik anorisaatinit aamma atortuni hybridini batteriit, seqerngup qinngornerinit katersuisartut aamma diesel ataatsimoortillugit, kiisalu imermik imerneqartussamik minguitsumik takutitsisinnaavit? Taamaappat illit atorfissaqartippatsigit.  

CTO-mik misilittagalimmik aamma siunissamut takorluuisinnaasumik pissarsiorpugut, taassuma suliffeqarfiup teknikimut tunngatillugu ineriartortinneqarneranut aamma aserfallatsaaliuinermut pilersaarutai akisussaaffigissavai, kiisalu suliatigut pilersuinitsinni pingaarnerit qullersatut akisussaaffigissallugit: Nuna tamakkerlugu innaallagissamik, imermik aamma kiassaanermik nioqqutissiorneq aamma siaruarterineq.     

Akisussaaffigissavatit teknikimut tunngatillugu ikiusarnermut immikkoortortaqarfik. Katillugit sulisut 30-t missaaniittut Nuummi inissisimasut. Tamatuma saniatigut sineriak tamakkerlugu sulisunut amerlasuunut akisusaassaatit.

Ulluinnarni suliatigut akisussaaffigissavatit teknikikkut ingerlatsineq aamma ineriartortitsineq, tassani suleqatigissavatit Nukissiorfiit nunap immikkoortuini pisortat arfinillit, nioqqutissiornermik illoqarfinni 17-ini aamma nunaqarfinni 51-ini isumaginnittuusut.

Kissaatigisarput tassaavoq iliuusissatut pilersaarummi ataatsimoortumik isiginnilluarsinnaasoq aamma suleqatigiinnermik pitsaasumik piginnaasaqartoq, Naalakkersuisut Nukissiuuteqarnermut Imermillu Pilersuinermut immikkoortumut Pilersaarutaata angusaqarluarniartup piviusunngortinneqarnissaanik aamma uagut suliffeqarfimmi namminermi 2030-p tungaanut iliuusissatut pilersaaruterput 100 %-imik ataavartumik nukissiuuteqalernissamut anguniakkatsinnik piviusunngortitsisinnaasoq.

CTO-tut atorfimmi naatsorsuutigissavat angalasarnissat ukiumut ulluni 30-50-inut.

 

Ilimanarluinnarpoq illit

  • Ukiuni 5-10-ni aqutsinermik misilittagaqartutit teknikimut aamma iliuusissatut pilersaarusiornermut tunngasunik suliffeqarfimmi assingusumi
  • Tulluartumik ingerlaqqiffiusumik ilinniagaqarputit soorlu ingeniøritut, maskinmesteritut imaluunniit assingusumik
  • Kalaallit Nunaanni attaveqaasersuutinik sukumiisumik ilisimasaqartoq
  • Nukissiornermut aamma pilersuinermut teknologimik ukiuni amerlasuuni suliaqarsimasoq
  • Attaveqaasersuutinik suliniutinik annertuunik misilittagaqartoq
  • Ajornartorsiutinik teknikimut tunngasunik pisariusunik piuminartumik aamma paasisassaasumik saqqummiussisinnaasoq
  • Arlalinnik oqaatsinik atuisinnaasoq – kalaallisut, danskisut aamma tuluttut.

 

Ilinnut neqeroorutigisinnaavagut

  • Nunami piujuartitsineq tunngavigalugu 100 %-imik pilersuinissamut ingerlavianik ilusilersuinissamik periarfissaq
  • Ulluinnarni suliat pissanganartut aalajangiinerit annertuut
  • Suleqatigisat pitsaasut sullivimmi avatangiisini pitsaasuni, illit tassani suli annertunerusumik kivitseqataassaatit
  • Piginnaasanik ineriartortitsinissamut periarfissat pitsaasut – suliatigut taamatullu inuttut.

 

Piaartumik atorfinitsinneqarnissaq

 

Atorfeqartitaanermi atugassarititaasut

CTO-tut atorfinitsinneqarneq isumaqaatigiissutit tunngavigalugit ingerlanneqassaaq, Naalakkersuisut aamma kattuffiup isumaqatigiinniarsinnaatitaasup akornanni isumaqatigiissutit atuuttut naapertorlugit.

Pequsersorneqanngitsumik inissaqartitsinissaq maleruaqqusat atuuttut naapertorlugit neqeroorutigaarput. Namminersorlutit Oqartussat aqqutigalugu atorfeqartitaaninnut atatillugu inissaqartinneqaruit tamatumunnga piginnaatitaaneq atuutiinnassaaq.

Atorfinitsinneqarnermut aamma suliunnaarnermut atatillugu angalanermut akiliussisoqassaaq maleruaqqusat atuuttut naapertorlugit.

 

Tamatuma soqutiginnilersippaatit?

Atorfik pillugu aamma Nukissiorfinni periarfissat pillugit paasissutissat sukumiinerusut pissarsiarineqarsinnaapput CEO Kaspar Mondrup tlf. +299 349501, e-mail: kam@nukissiorfiit.gl saaffigalugu.
Apeqqutit nalinginnaanerusut akissarsianut aamma atorfeqartitaanermi atugassarititaasunut tungasut uunga hr@nukissiorfiit.gl nassiunneqarsinnaapput.

 

 

Nukissiorfiit pillugit

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Tamanna pillugu annertunerusumik atuarit uani www.nukissiorfiit.gl.

 

Qinnuteqarnissamut killissarititaasoq: aggustip 12.-at, 2021

ATORFIK UNA QINNUTEQARFIGIUK