Skip to main content
94

Dette jobopslag er udløbet

NUKISSIORFIIT AQUTSISUT ALLATTOQARFIANI NUTSERISOQ /OQALUTSI PIMOORUSSISUMIK SULEQATISSARSIORPOQ

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersugaraa. Tamatuma saniatigut aningaasartuutit sunniuteqarluartut aamma piujuaannartitsinermik inerneqartussatut atuisutsinnut iluaqutaasussanik ujartuijuarpugut. Ulluinnarni ingerlatsinitta saniatigut nukik piujuaannartumik pilersuinerput ineriartortittuarparput aamma pitsanngorsartuarparput, taamatullu imermik pilersuinerput pitsanngorsartuarparput. Nutserisoq/oqalutsi pimoorussisoq suleqatissatut ujartorparput, suliffeqarfik tamarmut nutsigassanik/oqaluttaaffigisassanik suliaqarsinnaasoq.

 

Aqutsisut allattoqarfiata suliassai

Aqutsisut allattoqarfiata Nukissiorfinni sullissinerit sunniuteqarluartut aamma eqaatsumik inerneqartussat anguniartussaavai, suliffeqarfiullu iluani paasissutissat ingerlateqqinneqartarnissaat pitsanngorsarsallugu. Saniatigut aqutsisut allattoqarfiata nutaarsiassalerisut aamma pisortaqarfiit atassuteqarfigineqartarnerat isumagisaraat, minnerunngitsumik Namminersorlutik Oqartussanut. Allaffik allanngorartunik suliassaqartuarpoq, qullersaqarfik aamma pisortaasut nalinginnaasut suleqatiginerisigut. Immikkoortortaqarfipput kiffaanngissuseqarluni isummerfissatut inissaqartitsivoq, taamaattumillu nutserisoq/oqalutsi suleqatissarput tamatigoortoq ujartorparput.

 

Suliassat

Pingaarnertut allattariarsorluni nutsigassat qallunaatuumiit kalaallisunngortillugit/kalaallisuumiit qallunaatunngortillugit suliarissavatit. Nutsigassat annertuneri allanngorartuussapput, titarnerit amerlanngitsuniit paasissutissiinerit anngajaat tikillugit. Aammattaaq suliassat ilagivaat ingerlaannartumik nutserineq, tamaamatulli sulinissaq annertuallaanngilaq.

 

Pisinnaasat

Nutserisutut/oqalutsitut ilinniagaqarsimanerit naatsorsuutigaarput, aammalu piffissap ilaani pisariaqartarsinnaavoq nikerartumik sulisarnissat.

 

Atorfeqartitaanermi atugassarititaasut

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

 

Sulineq sap. ak. 40 tiiminut najoqqutarineqassaaq.

 

Atorfimmut atatillugu inissaqartitsisoqanngilaq.

 

Suli paasisaqarnerorusuppit?

Atorfik pillugu paasissutissat annertunerusut pissarsiarineqassapput Sune Tougaard suto@nukissiorfiit.gl. Apeqqutit allat Sulisoqarnermut Immikkoortortaqarfimmut apeqqutigineqarsinnaapput e-mail: HR@nikissiorfiit.gl imaluunniit + 299 349500.

 

Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.

 

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuineq suliaraat. Tamakku saniatigut sullitatsinnut iluaqutissanik aningaasartuutinik atorluaanissamut aamma ataavartussanik aaqqiissutissarsiortuartarpugut. Ilisimavarput inuiaqatigiinnut annertuumik akisussaaffeqartuunerput, qitiutipparpullu tamatuma naammassineqarnissaa. Nalinginnaasumik ingerlatsinerup saniatigut ataavartussamik nukissiamik pilersuinissamut ineriartortitseqqinnissamik pitsanngorsaanissamillu kiisalu imermik imerneqartussamik pilersuinerup pitsanngorsarnissaanik aamma annertusiartortinnissaanik suliaqartarpugut.

 

Qinnuteqarnissamut killissarititaasoq: decembarip 15.-at, 2019

ATORFIK UNA QINNUTEQARFIGIUK