Skip to main content
98

Dette jobopslag er udløbet

NUKISSIORFIIR BUSINESS PARTNERIMIK SULISUSSARSIORPOQ

1. april 2020 atorfinittussamik Business Partnering immikkoortortaqarfitsinnut Business Partnerimik pimoorussisumik niuerpalaarsinnaasumillu sulisussarsiorpugut.  Business Partnering immikkoortortaqarfik Nuummi qullersaqarfimmiippoq. Pineqartoq tassaavoq atorfik pisartunik allaanerusoq aamma pissanganartoq nuna tamakkerlugu suliffeqarfiusumiittoq, taannalu piujuaannartitsinissamik pingaartitsisoq ullullu tamaasa inuiaqatigiinnut akisussaaffimmik qaqitsisinnaasoq.

 

Nukissiorfiit ineriartortinneqartuarpoq, nutaaliornernik pilersitsisoqartuarpoq, misileraanissamut inissaqartitsisoq. Anguniarneqarpoq akissaateqarnermut iluaqutaalluartunik, naleqarluartussanik aamma piujuaannartitsinissamut pilersitseqataanissaq, atuisutsinnut inuiaqatigiinnullu iluaqutaalluartussanik. Tamatuma angunissaanut kissaatiginarpoq nukik piujuaannartoq aamma imeq imigassatut pilersuinermut ineriartortitsijuarneq aamma pitsanngorsaaneq aqqutigalugu, aammalu atuisutsinnut allaffimmiutsinnullu digitalimik sullissinnerput ineriartortinneqartuarnissaa aqqutigalugu.

 

Business Partneringip immikkoortortaqarfia Aningaasaqarnermut direktørip ataaniippoq, aningaasaqarnermut immikkoortortoqarfimmi inissisimalluni. Business Partnering maannakkut Business Partneringip pisortaanik aamma Business Partnerit 4-at inuttarivai. Business Partnering immikkoortortaqarfimmi pingaarnertut siunertaavoq, suliffeqarfiup ineriartortinneqarnissaa aamma suleriaatsit pitsanngorsarneqarnissaat, digitalisering aqqutigalugu sulineq, suliamut paasinnilluarneq, aamma suliffeqarfiup immikkoortortaqarfiisa tamarmiusut peqataatinneqarnissaat.

 

Business Partneringip immikkoortortaqarfia tassaavoq immikkoortortaqarfik nutaaliortuusoq, sapinngisamik IT-mi atortussat nutaaliaanerpaat atornerisigut. Ilaatigut softwarerobot UiPATH-meersut atorpagut, taakku allaffissornermi suleriaatsit qarasaasiaq (automatisering) atorlugu pitsanngorsarniarlugit. Aammattaaq IBM Planning Analytics atorpagut, Rolling Forecastip atornissaa siunertaralugu, taanna aningaasartuutinut missingersuutitut naatsorsuussaavoq, machine learning atorlugu suliarineqarsimasoq. Qarasaasiakkut sulianut IBM Analytics atorparput, taamatullu aamma soorunami Excel.

 

Business Partneringimi immikkoortortaqarfik tassaavoq suliffeqarfimmi ingerlatsineq pillugu misissuisoq, suleriaatsinik allanngorsaaneq, projektinik suleqatigiinnermi peqataasoq, pisortanik siunnersiueqatigiinneq, tassani immikkoortortaqarfiit Rolling Forecastii malittareqqinnaassallugit.

 

Suliassat


Bisiness Partnerisut immikkortortaqarfiit aalajangersimasunut attaveqassaatit. Taakku peqatigalugit Nukissiorfiit naleqarneranik pilersitsinissaq suleqatigiillusi anguniassavarsi. Ilaatigut suliassatit ataani allassimapput:

 

  • Paasissutissat/suliat naqqaniit isumannaatsuunissaanut qulakkissallugit
  • Business caset pillugit ilitsersuisoq aamma qulakkeerinnittoq
  • Pisortat illit attuumassuteqarfigisatit isummersoqatigisassavatit
  • Pisortat aalajangigassaat tunngavilersorlugit suliarissassavatit
  • Pisimasut takusassanngorlugit sanassavatit, suliffeqarfimmi nutaamik isumassarsiaqarnissanut aamma allanguinissanut ilanngussassanngorlugit.
  • Suliffeqarfiup KPI dash-boardiata ineriartortinneqarnissaa aamma pitsanngorsarneqarnissaa peqataaffigissavat.
  • Immikkoortortaqarfiit illit attuumassuteqarfigisatit aningaasartuuteqarnerata aqunneqarnerinut ikiortassavatit.
  • Immikkoortortaqarfiit illit attuumassuteqarfigisatit akigititaat naatsorsussavatit, aammalu suliffeqarfiup tamarmiusup kaaviiaartitaasa ilusiligaanerat
  • Qullersanut suliassanik aalajangersimaqqissaartunik suliaqartinneqarnissaq aammalu Naalakkersuinermi Nukissiorfiit attuumassuseqarfianut suliaqartinneqarnissaq

 

Atorfik Business Partneringip pisortaanut akisussaassuseqarfigineqarpoq

 

Ulluinnarni suliffeqarfimmi tamanut siammasissumik atassuteqartassaatit aammalu qullersaasut qanillugit suleqatigisassavatit. Illit arlaannit immikkut piginnaaneqaruit, tamanna aamma qularnanngitsumik atorluarneqarsinnaavoq, tassami suliffeqarfiup ineriartortinneqarnerani periarfissaqarluarmat, illimmi atorfimmut atatillugu sunniuteqarsinnaanerit periarfissatsialaammat.

 

Piginnaanerit  

Atorfimmut isaarissat arlaqartuupput aamma illit iluatsitsilluarnissannut periarfissaqarluarpoq, taamaattoq aallaavigalugu illit aningaasaqarnermut tunngasunik ilikkagaqarluarsimanissat, suliffeqarfiup ineriartortinneqarnissaanut peqataanissat naatsorsuutigaarput aammalu misissueqqissaarnermi sulinissamut malussarissuussallutit. Business Partnerisut ujartuillaqqissutut piginnaaneqassaatit aammalu sullitanut/atuisunut/suleqatigisanut oqaloqateqarluarsinnaassallutit. Illit tassaavutit:

 

  • Aningaasaqarneq pillugu qaffasissumik ilinniarsimasoq, kandidatitut qaffasissuseqartumik
  • Suliamik ilusilersorluakkamik tunniussisinnaasoq, pingaassuseqarnermik peqqissaarussilluni malussarissoq aammalu allattariarsornermut kusanartumik piginnaaneqartoq.
  • Nutaaliornissamut malussarissoq, nioqquteqarnissamut misissuilluarsinnaasoq aammalu inerneqarluartumik suleqatigiinnissamut piginnaaneqarluartoq
  • Suleqatigiinnermut piginnaaneqarluartoq aamma ilakkuminartuusoq, taamaalillutit suleqatigiikkuutaarluni sulinissamut soorunami aggersarneqartarsinnaallutit
  • Taamatut aamma pitsaassaaq, pilersuinermi, IT-lerinermi, HR-imi, sulianut aqutsinermi, pisiortornermi, atassuteqartarnermi imaluunniit qullersaanermi immikkoortortaqarfinni sulisimanermik misilittagaqarsimaguit, taamaalillutit pisortat atassuteqarfigisassatit tapersersortarsinnaassagakkit, qaffasissumik suliamut ilisimasaqarlutit

 

Aammattaaq pitsaassaqaaq, Kalaallit Nunaanni inuiaqatigiit akornanni pissutsit ilisimasaqarfigigukkit aammalu arlalinnik, Kalaallisut/Qallunaatullu oqalussinnaaguit.

 

Atorfeqartitaanermi atugassarititaasut

 

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

 

Inissaq

 

Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

 

Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiap inigineqalertussap innersuunneqarnissaata tungaanut utaqqisoqartarsinnaavoq, taamaammat utaqqiisaannaagallartumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni, taakkunaniinnermut akileraarutinik akiliisoqartarpoq.

 

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput. Atorfimmut atatillugu

 

Suli paasisaqarnerorusuppit?

 

Atorfik pillugu paasissutissat annertunerusut pissarsiarineqassapput Business partnerinngimi Ingerlatsinermut Pisortaq Jens B Jessen saaffigalugu +299 349500. Apeqqutit allat Sulisoqarnermut Immikkoortortaqarfimmut apeqqutigineqarsinnaapput e-mail: HR@nukissiorfiit.gl imaluunniit + 299 349500.

 

Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.

Qinnuteqarnissamut killissarititaasoq: februaarip 11.-at, 2020

ATORFIK UNA QINNUTEQARFIGIUK