Skip to main content
115

NARSAMI INNAALLAGISSERISUTUT ILINNIARTOQ

Lærlingissarsiorpugut Kalaallit Nunaanni innaallagisserisutut ilinniartitaanermi akuerisaasumik imaluunniit qinnuteqaateqartumik. Illit sullissinerup, aserfallatsaaliuisarnerup kiisalu innaallagissami sakkukitsumi sakkortuumilu atortuni ajoquteqalersimasunik nassaarinninniarnermik suliaqartassallutit uagutsinni praktikersinnaavutit.

Sulilluni sungiusarneq Narsami ingerlanneqassaaq. Illit ulluinnarni innaallagissiaruarterinermi formandimut akisussaaffeqassaatit.

 

Neqeroorutigisinnaavavut

ilinniartutut atorfik pissanganartoq, tassani illit suliassanik assigiinngitsorpassuarnik suliaqartassallutit suleqatitit suleqatigalugit naammassisassannik, kisianni aammattaaq nammineerlutit suliarisartagassannik. Innaallagissamik suliaqarnermik paasisimasaqalissaatit, tamakku innaallagissamik, imermik aamma kiassaanermik pilersuinermut ilaasut Nukissiorfiit pingaarnertut suliassarisai. Taamaalillutit suliatigut tunngaviusumik annertuumik ilisimasaqalissaatit.  

 

Sullivimmi avatangiisit isumassarsinartut aamma pitsaasuusut ikinngutigiilluarnermik ilaqartut akornanniilissaatit, nunap immikkoortuani tassani aammattaaq allanik lærlingeqarluni.  

 

Innaallagisserisutut ilinniartutut naatsorsuutigaarput illit:

 

  • Innaallagisserisutut ilinniartitaanermi tunngaviusumik ilinniarneq naammassisimagit
  • Tatiginartuusutit aalajaatsuusutillu aamma nammineq ilinniarninnut akisussaaqataasinnaasutit
  • Qanilaartuusutit aamma ilikkagaqarusuttuusutit
  • Suliassanik allanngorartunik ilungersunartunillu suliaqarnissat iluarigit
  • Ilumoorussisuusutit aamma piffissaq eqqorlugu pitsaasunik naammassisaqarlutit tunniussaqarnissaq ataqqisuugit

 

Lærlinginut ilinniartunullu SIK-p isumaqatigiissutai atuuttut naapertorligit akissarsiaqartitsisoqassaaq. Atorfinitsitsineq sapinngisamik piaarnerpaamik pissaaq.

 

Qinnuteqaatit: ingerlaavartumik suliarineqassapput

 

Atorfik pillugu paasissutissat sukumiinerusut:

Teamleder Christian Pedersen, tlf: +299 66 49 00.

 

Apeqqutit siammasinnerusut Hr-imut apeqqutigineqassapput: hr@nukissiorfiit.gl

 

Inussiarnersumik qinnuigineqarputit sulisussarsiorluni allagarsiissut sumi takusimanerlugit ilisimatitsissutigissagit.

 

ATORFIK UNA QINNUTEQARFIGIUK