Skip to main content
63

Dette jobopslag er udløbet

INNAALLAGISSERISOQ QAQORTUMI

Nukissiorfiit nunap immikkoortuani Kujallermi Qaqortumi innaallagissamik siaruarterinermut aqqutinik ingerlatsinermut aamma aserfallatsaaliuisarnermut suliaqartartussamik sulisussarsiorput. Innaallagisserisoq sulisut allat suleqatigalugit innaallagissamik siaruarterinermut aqqutinik ingerlatsinermut, pitsanngorsaanermut aamma ineriartortitsinermut peqataassaaq Qaqortumi aamma nunap immikkoortuani sumiinneq suliffimmilu sumiinneq apeqqutaatinnagit suliffimmi suleqatigiit suleqatigiilluartarnissaannut peqataasassallutit. Innaallagisserisup qaninnerpaamik pisortarissavaa Qaqortumi Ingerlatsinermut akisussaalluni teamlederiusoq.

 

Suliassat aamma akisussaaffigisassat
Innaallagisserisup peqataaffigissavai suliffimmi periutsit ingerlaavartumik ineriartortittarnissaat aamma malinnaaffigineqarnissaat kiisalu inatsisit atuuttut sutigut tamatigut eqquutsinneqartarnissaat.

Innaallagisserisup makku suliarisassavai:

• Innaallagissamik siaruarterinermi aqqutinik aserfallatsaaliusarnissaq aamma transformerstationinik.

• Innaallagissiorfimmi aamma imeqarfimmi atortut innaallagissamut ikkussukkat aserfallatsaaliorneqartarnissaat.

• Illoqarfimmi aqqusinerni qullersuit aserfallatsaaliorneqartarnissaat.

• Innaallagissamut tunngasunik suliassanik takkuteriasaartunik assigiinngitsunik suliaqartarnissaq.

• Uuttuutinik atuaasarneq, matusisarneq aamma ammaaqqittarneq.

• Uuttuutinik nalunaarsuineq kiisalu ikkussuineq piiaanerlu.

• Ingerlatsinermi linieafdelingimut kisitsisitigut paasissutissanik nalunaaruteqartarneq.

• Atortut kisitsisitigut paasissutissartaanik nalunaarsuineq aamma linieafdelingimut Arcgisimi uppernarsaatinik allattuineq.

 

Suleqatissarsiorpugut tassaasumik: 

• Pisariaqaraangat pigaartuusarsinnaasumik.

• Koblingspersonitut ilinniagalik, koblingslederitut ilinniagaqartuusinnaavoq.

• Suleqataalluarusussuseqartoq.

• Sulisutut tatiginartuusoq aamma aalajaatsuusoq.

• Nammineerluni eqqarsarsinnaasumik kinguneqartitsisartumillu.

 

Uagut ilinnut neqeroorutigisinnaavagut:

• Suliffik pissanganartoq akisussaaffittalik, tassani uagut uummaarissumik suleqatigiiulluta

• Sullivimmi avatangiisit isumassarsiffiulluartartuusut pitsaasuusullu, sukumiisumillu suliassanut ilitsersorneqareernissamut periarfissaqarfiusut

• Sullivik ineriartortoq inuttut aamma suliatigut ineriartornissamut periarfissagissaartoq.

• Ilinniaqqinnissamut pikkorissarnissamullu periarfissat pitsaat

• Atorfeqartitaanermi atugassarititaasut pitsaasut

 

 

Atorfeqartitaanermi atugassarititaasut
Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

 

Inissaq
Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

 

Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiap inigineqalertussap innersuunneqarnissaata tungaanut utaqqisoqartarsinnaavoq, taamaammat utaqqiisaannaagallartumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni, taakkunaniinnermut akileraarutinik akiliisoqartarpoq.

 

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput. Atorfimmut atatillugu inissaqartitsisoqanngilaq, Namminersornerullutik oqartussat aqqutigalugu ineqaruit piginnaatitaaffit ineqarnermut pigiinnassavat.

 

Suli paasissutissanik amerlanerusunik pissarserusuppit?Atorfik pillugu paasissutissat annertunerusut pissarsiarineqassapput Suleqatigiinni aqutsisoq ingerlatsinermut akisussaasoq Jan Hagberg saaffigalugu +299 647820. Apeqqutit allat Sulisoqarnermut Immikkoortortaqarfimmut apeqqutigineqarsinnaapput e-mail: HR@nikissiorfiit.gl imaluunniit + 299 349500.

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuineq suliaraat. Tamakku saniatigut sullitatsinnut iluaqutissanik aningaasartuutinik atorluaanissamut aamma ataavartussanik aaqqiissutissarsiortuartarpugut. Ilisimavarput inuiaqatigiinnut annertuumik akisussaaffeqartuunerput, qitiutipparpullu tamatuma naammassineqarnissaa. Nalinginnaasumik ingerlatsinerup saniatigut ataavartussamik nukissiamik pilersuinissamut ineriartortitseqqinnissamik pitsanngorsaanissamillu kiisalu imermik imerneqartussamik pilersuinerup pitsanngorsarnissaanik aamma annertusiartortinnissaanik suliaqartarpugut.

ATORFIK UNA QINNUTEQARFIGIUK