Skip to main content
111

INNAALLAGISSERISOQ NARSAMUT

Nukissiorfiit nunap immikkoortuani Kujallermi Narsami innaallagissamik siaruarterinermut aqqutinik ingerlatsinermut aamma aserfallatsaaliuisarnermut suliaqartartussamik sulisussarsiorput. Innaallagisserisoq sulisut allat suleqatigalugit innaallagissamik siaruarterinermut aqqutinik ingerlatsinermut, pitsanngorsaanermut aamma ineriartortitsinermut peqataassaaq Narsamilu aamma nunap immikkoortuani sumiinneq suliffimmilu sumiinneq apeqqutaatinnagit suliffimmi suleqatigiit suleqatigiilluartarnissaannut peqataasassallutit. Innaallagisserisup qaninnerpaamik pisortarissavaa Narsami Ingerlatsinermut akisussaalluni teamlederiusoq. Innaallagisserisoq Narsami najugaqassaaq.

 

Suliassat aamma akisussaaffigisassat

Innaallagisserisup peqataaffigissavai suliffimmi periutsit ingerlaavartumik ineriartortittarnissaat aamma malinnaaffigineqarnissaat kiisalu inatsisit atuuttut sutigut tamatigut eqquutsinneqartarnissaat.

Innaallagisserisup makku suliarisassavai:

• Innaallagissamik siaruarterinermi aqqutinik aserfallatsaaliusarnissaq aamma transformerstationinik.

• Innaallagissiorfimmi aamma imeqarfimmi atortut innaallagissamut ikkussukkat aserfallatsaaliorneqartarnissaat.

• Illoqarfimmi aqqusinerni qullersuit aserfallatsaaliorneqartarnissaat.

• Innaallagissamut tunngasunik suliassanik takkuteriasaartunik assigiinngitsunik suliaqartarnissaq.

• Uuttuutinik atuaasarneq, matusisarneq aamma ammaaqqittarneq.

• Uuttuutinik nalunaarsuineq kiisalu ikkussuineq piiaanerlu.

• Ingerlatsinermi linieafdelingimut kisitsisitigut paasissutissanik nalunaaruteqartarneq.

• Atortut kisitsisitigut paasissutissartaanik nalunaarsuineq aamma linieafdelingimut Arcgisimi uppernarsaatinik allattuineq.

 

Suleqatissarsiorpugut tassaasumik: 

• Pisariaqaraangat pigaartuusarsinnaasumik.

• Koblingspersonitut ilinniagalik, koblingslederitut ilinniagaqartuusinnaavoq.

• Suleqataalluarusussuseqartoq.

• Sulisutut tatiginartuusoq aamma aalajaatsuusoq.

• Nammineerluni eqqarsarsinnaasumik kinguneqartitsisartumillu.

 

Uagut ilinnut neqeroorutigisinnaavagut:

• Suliffik pissanganartoq akisussaaffittalik, tassani uagut uummaarissumik suleqatigiiulluta

• Sullivimmi avatangiisit isumassarsiffiulluartartuusut pitsaasuusullu, sukumiisumillu suliassanut ilitsersorneqareernissamut periarfissaqarfiusut

• Sullivik ineriartortoq inuttut aamma suliatigut ineriartornissamut periarfissagissaartoq.

• Ilinniaqqinnissamut pikkorissarnissamullu periarfissat pitsaat

• Atorfeqartitaanermi atugassarititaasut pitsaasut

 

 

Atorfeqartitaanermi atugassarititaasut

Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit. Atorfinitsitsinermi qaammatit pingasut ingerlaneri misiliutaassapput.

 

Inissaq 

Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

 

Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiap inigineqalertussap innersuunneqarnissaata tungaanut utaqqisoqartarsinnaavoq, taamaammat utaqqiisaannaagallartumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni, taakkunaniinnermut akileraarutinik akiliisoqartarpoq.

 

Atorfininnermi/soraarnermilu angalaneq akiliunneqassaaq, atorfininnermilu pequtit nuunnissaanut, ukiut pingasut kipisaqattaanngitsumik atorfeqareernerup kingornatigut inoqutigiit qitornaat 18-it inorlugit ukioqartut ilanngullugit angerlarlutik angalanissaannut akiliunneqassapput. Atorfimmut atatillugu inissaqartitsisoqanngilaq, Namminersornerullutik oqartussat aqqutigalugu ineqaruit piginnaatitaaffit ineqarnermut pigiinnassavat.

 

Suli paasissutissanik amerlanerusunik pissarserusuppit?

 

Ingerlatsinermut akisussaasuulluni teamlederi Christian Peersen tlf: 66 49 00.

Apeqqutit nalinginnaanerusunut tunngasut pillugit Sulisoqarnermut immikkoortortaqarfik saaffigineqassaaq: hr-afdelingen@nukissiorfiit.gl

 

Inussiarnersumik qinnuigineqarputit sulisussarsiornermut allagarsiissut sumi takusimanerlugu ilisimatitsissutigissagit.

 

 

Qinnuteqarnissamut killissarititaasoq: septembarip 23.-at, 2019

ATORFIK UNA QINNUTEQARFIGIUK