Skip to main content
96

Dette jobopslag er udløbet

INNAALLAGIALERISOQ/UUTTUUTINUT TEKNIKERIMUT IKIORTI PIKKORISSOQ NUUMMUT

Illit nammineerlutit sullerissuuit aamma ulapiffiusumi ataatsimoortumik isiginnissinnaavit?

 

Nuummi nukissiornermut immikkoortortaqarfiup atorfissaqartippaatit. Suliffissat pissanganarpoq aamma assigiinngitsunik suliassaqarpoq, illit tassani suliap suliarinerani aallaqqaataanit naammassinissaanut suleqataasassaatit.

 

Suliassatit pingaarnerit tassaapput

 

  • Innaallagissamut, imermut aamma kiassaanermut uuttuutinik ikussorneqarsimasunik aserfallatsaaliuineq   
  • Uuttuutinut teknikeri suleqatigalugu innaallagissamut uuttuutinik ikkussuineq
  • Aqqusinermi qullersuarnik aaqqissuussineq aamma aserfallatsaaliuineq
  • Nunaqarfinni atortunik ingerlatsinermi suliassanik aaqqissuineq aamma aserfallatsaaliuineq
  • Suliassanik aqqutini ukunani 132/60/10/0,4 kV suliaqarneq ingammik ingerlatsinermi aamma aserfallatsaaliuinermi
  • Transformerstationinik aserfallatsaaliuineq.

Naatsorsuutigisinnaavat allarpassuarnik pissanganartunik suliassaqartarnissat. Ilinniartinneqarnissat aamma ineriartornissamut periarfissatit qulakkiissavagut. Ilinniartinneqareernerpit kingornatigut aammattaaq suleqatitit peqatigalugit pigaartuusarnermut peqataasassaatit.

 

Suut naatsorsuutigisinnaavigit?

Suleqatigiinni suleqatissatit qanilaartut aamma pikkorissut peqatigilissavatit. Uagutsinni naatsorsuutigisinnaavatit suliatigut suleqatigiit aamma immikkoortortaqarfiit assigiinngitsut suleqatigiinnerat. Tamaani suliassat assigiinngiiaartuupput aamma suleqatit assiginngitsunik tunngaveqartut. Nukissiorfiit suliffeqarfiuvoq aallussilluarfiusoq uagut pingaartipparput suliatigut aamma inuttut ineriartorneq.  

 

Ujartorpatsigit illit tassaasutit

 

  • Innaallagialerisutut ilinniagalik
  • Ingerlatsinermi ajoquteqartunik nassaarnissamut aamma aserfallatsaaliuinermik misilittagalik
  • Uuttuutinut teknikimik misilittagaqarneq imaluunniit ilinniaqarneq iluaqutaassaaq, kisianni piumasaqaataanngilaq
  • Biilernermut allagartaqarneq.

Sullerittuussaatit aamma suliartornissamik nuannarisaqartuullutit. Suliassat nammineq naammassillugit suliarisinnaavatit. Tamatumani piumasaqaataavoq aalajaatsumik sulisarneq aamma ataatsimoortumik isiginnissinnaaneq. Tamatumunnga ilutigitillugu atituumik suleqatigippugut naatsorsuutigalutigu tamatumunnga isumatusaartumik peqataassasutit.

 

Atorfimmi sulilernissaq sapinngisamik piaartumik imaluunniit isumaqatigiinnikkut.

 

Atorfeqartitaanermi atugassarititaasut

Aningaasarsiat aamma atorfinitsinneqarneq isumaqatigiissutit attuumassuteqarfigisat atuuttut tunngavigalugit ingerlanneqassapput. Atorfinitsinneqarnermi qaammatit pingasut misiliinertut atorneqassapput.

 

Atorfimmut atatillugu inissaqartitsisoqanngilaq.

Atorfininnermi aamma soraarnermut atatillugu angalanermut akiliussisoqassaaq maleruaqqusat atuuttut tunngavigalugit.

 

Illit tassaavit suleqatigiligassatut ujartugarput?
Taava qinnuteqaatit sapinngisamik piaartumik nassiuguk una “Atorfik una qinnuteqarfigiuk”.

Atorfinitsinneqarsinnaaneq pillugu oqaloqatigiinnerit ingerlaavartumik ingerlanneqassapput.

Atorfimmut tunngasumik aamma sulinermi suliassaqarfik pillugit apeqqutissaqaruit taava teamleder Reginald P. Jensen, uunga +299 342274. Aningaasarsiat aamma atorfeqartitaanermi atugassarititaasut pillugit apeqqutit nalinginnaasut uunga hr@nukissiorfiit.gl nassiunneqarsinnaapput.

 

Nukissiorfiit pillugit
Nukissiorfiit 400-nik sulisoqarpoq Kalaallit Nunaat tamakkerlugu innaallagissamik, imermik aamma kiassaanermik pilersuisuusoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat pisisartutsinnut iluaqutaasussat anguniarparput. 2019-imi innaallagissamik, imermik aamma kiassaanermik nioqquteqarnitta 72 %-ia ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Tamanna pillugu annertunerusumik atuarit uani www.nukissiorfiit.gl.

 

ATORFIK UNA QINNUTEQARFIGIUK