Skip to main content
116

Dette jobopslag er udløbet

INNAALLAFISSIORFIMMI IKKUSSUISARTOQ/SULEQATIGIINNI AQUTSISOQ (ALLAGARSIUTEQQI)

Suleqatigiinnik aqutsisinnaavit aamma tunniusimatissinnaavigit ingerlatsineq aserfallatsaaliuisarneq aamma ineriartortitsineq salliutinneqarluarnissaannut?

 

Sisimiuni nukissiorfiit illit atorfissaqartippaatsit. Ulluinnarni aqutsisuussaatit, suleqatigiinnut akisussaaffeqartoq illoqarfimmi kiisalu nunaqarfiini innaallagissamik siaruarterinermut suliatigut aamma aqutsinermut tunngasutigut suliassanik suleqataasassallutit.

 

Suliassatit pingaarnerit makkuupput 

  • ingerlatsinermut, aserfallatsaaliuisarnermut aamma sarfamik sakkortuumik aamma sakkukitsumik atortumik ineriartortitsinermut tunngasunik suliakkiisarlutit
  • illoqarfiup innaallagissamut aqqutaanik pitsaanerulersitsinermik, malitseqartitsinermik aamma nakkutilliinermik qulakkeerinninneq
  • immikkoortumut pilersaarut naapertorlugu aamma suliffeqarfiup anguniagai eqqarsaatigalugit sanaartortitsinermut suliniutik business cases-inik suliaqartarneq  
  • immikkoortortaqarfiup aningaasaqarnerata qulakkeerneqarnissaa aamma eqquutsinneqarnissaa, tassunga ilanngullugit pisiniartarnermut aamma missingersuusiortarnermut suliat
  • pilersaarusiornermut aamma uppernarsaasiortarnermut suliassanut peqataasarneq
  • siunissamut pilersaarusiornerni, periusissanik suliaqarnermi, ilitsersuusiornermut suliaqarnermi peqataasarneq
  • nunap immikkoortuani SKS systemimik aserfallatsaaliuisarnermi peqataasarneq
  • isumannaallisaanermut peqqussutit atuuttut eqquutsinneqartarnissaannut isumaginninneq

 

Aqutsisutut sulisunut akisussaassuseqarputit, tamatumunnga ilaatigut ilaavoq illit sulisunik suleqatigiinnillu kajumissuseqalersitsisarnermut, suliffimmik iluarisimaarinninnermut aamma piginnaanngorsarneqartarnissaannut peqataasassallutit. Aammattaaq illit pigaartuusarnermi peqataassaatit.

 

Suut naatsorsuutigisinnaavigit?
Immikkoortortaqarfimmi suleqatinik pikkorissunik inussiarnersunillu suleqateqarlutit ilagilissavatit. Nunap immikkoortuani aqutsisutit pingaaruteqartumi inissisimassaatit, tassani iluatsitsineq pikkorilluta pitsaasumillu suleqatigiilluta anguneqartarluni. Tamanna ilutigalugu suliffeqarfimmi suliffimmik iluarisimaarinniffiulluartumi ilaalernissat qilanaarisinnaavat – Kalaallit Nunaanni aamma Danmarkimi pitsaanerpaanut ilaavugut.

 

Suleqatissarsiorpugut makkuninnga pikkoriffeqartumik

  • inuussutissarsiutigalugu aamma aqutsisutut sulisimanermut tulluartunik misilittagaqartuuneq
  • teknisk videregående uddannelse, f.eks. som el-installatør eller maskinmester
  • ingerlaqqiffiusumik tekniskiusumik illinniagaqarneq, soorlu assersuutigalugu el-installatøritut imaluunniit maskinmesteritut
  • innaallagialerinermut akuerissummik pigisaqalernissamut periarfissaq
  • innaallagialerinermut akuersissuteqal
  • sarfamik sakkortuumik aamma sakkukitsumik siaruarterinermut atortumi ajoqutaasunik nassaallaqqissuuneq
  • missingersuusiortarnermik, malitseqartitsisarnermik aamma tulluarsaanermik misilittagaqartuuneq iluaqutaassaaq
  • business cases-iliortarnermik ilisimasaqarneq iluaqutaassaaq
  • biilersinnaanermut allagartaqarneq

 

Suleqatigiinneq aamma oqaloqatigiittarneq aqqutigalugit suleqatitit kajumissuseqalersitsittarnissaannut piginnaaneqassaatit. Pilersuinermik qulakkeerinninnissamik pingaartitsisumi aamma suliassat takkuteriasaartut allatut suleriasaartarnikkut suleqatigiinnikkullu aaqqiiffigineqartartumi suliffeqarfimmi sulisarnissamut piginnaaneqassaatit. Tamakku saniatigut ilisimavat sullissilluartarnerup aamma pitsaasumik suliaqartarneq sullitatsinnut qanoq pingaaruteqartiginersut.

 

Atorfinitsitsinissaq pissaaq sapinngisamik piaarnerpaamik imaluunniit isumaqatigiinnikkut.

 

Atorfinitsitaanermut atugassarititaasut
Aningaasarsiat aamma atorfeqartitaanermi atugassarititaasut kattuffiup isumaqatigiissutai tulluartut aamma atuuttut naapertorlugit ingerlanneqassapput. Atorfinitsinneqarnermi qaammatit pingasut misiliinertut atorneqassapput.

 

Atorfimmut atatillugu pequsersorneqanngitsumik maleruaqqusat atuuttut naapertorlugit inissamik neqerooruteqarpugut. Namminersorlutik Oqartussat aqqutigalugit atorfimmut atatillugu inissaqartinneqareeruit tamatumunnga pisinnaatitaaffik atuutiinnassaaq.

 

Atorfininnermut atatillugu akliunneqarluni angalaneq sulilernermi aamma suliunnaarnermit maleruaqqusat atuuttut naapertorlugit atuutsinneqassapput.

 

Illit tassaavit suleqatissarput ujartugarput?
Taava qinnuteqaatit nassiutiguk ”Atorfik una qinnuteqarfigiuk” sapinngisamik pilertornerpaamik.

Atorfimmut tunngasumik apeqqutissaqaruit Nunap Immikkoortuani Pisortaq, Jan Zachariassen, attaveqarfigiuk, tlf. +299 867208 / +299 527552 ; mail jbz@nukissiorfiit.gl. Akissarsianut aamma atorfininnermut atugassarititaasut nalinginnaasut pillugit apeqqutit hr@nukissiorfiit.gl -imut ingerlateqqinneqarsinnaapput.

 

Nukissiorfiit pillugit
Nukissiorfiit sulisuisa 400-t Kalaallit Nunaat tamakkerlugu innaallagissamik, imermik aamma kiassaanermik pilersupput. Ataatsimoorluta sulissutigiuarparput atuisartutsinnut iluaqutaasumik aaqqiissutissanik aningaasartuutinik atorluaanermik aamma piujuartitsinermik tunngaveqartumik pilersitsinissarput sulissutigiuarparput. 2019-imi innaallagissamik, imermik aamma kiassaanermik nioqquteqarnitta 72 procentia ataavartumik nukissiornermit pivoq. Uiup 2030-p tungaanut sulissutigaarput nukissiaq ataavartoq atorlugu 100 %-imik nioqqutissiulernissarput. Nukissiorfiit sulisunut tamanut killiussat pitsaanerpaat pilersinniarneranni iluatsittumik angusaqarput. Tassami Kalaallit Nunaanni aamma Danmarkimi suliffeqarfiit akornanni sulisut naammagisimaarinninnerat qaffasinnerpaanut ilaavoq. Uagut pilluta annertunerusumik atuartit uani: www.nukissiorfiit.gl.

 

 

Qinnuteqarnissamut killissarititaasoq: oktobarip 4.-at, 2020

ATORFIK UNA QINNUTEQARFIGIUK