Skip to main content
92

Dette jobopslag er udløbet

INGERLATSINERMI SULISUSSAQ NUUMMI NUKISSIORFINNUT

Nukissiorfiit innaallagialerisumik/automatikmekanikerimik/maskinmesterimik imaluunniit assingusumik misilittagalimmik sulisussarsiorput Nuummi kiisalu Utoqqarmiut Kangerluarsunnguanni imermit nukissiorfimmut atorfimmut pissanganartumut unamminartulimmullu, suliassanik assigiinngisitaartunik suliaqartussamik. Illit innaallagissamik nioqqutissiornermi Teamlederimut akisussaaffeqassaatit.

 

Imermit nukissiorfimmut attuumassuteqassaatit, taamaattumillu Utoqqarmiut Kangerluarsunnguanni piffissap pingajorarterutaani sulisarnissat naatsorsuutigissavat. Suliassatit pingaarnerit tassaassapput ingerlatsinermut aamma aserfallatsaaliuinermut peqataasarneq Nukissiorfiit Nuummi nukissiorfiini aamma Utoqqarmiut Kangerluarsunnguanni.

 

Aammattaaq illit Nuummi pigaartuusarnermi peqataasassaatit aamma Utoqqarmiut Kangerluarsunnguit aamma Nuup akornanni illoqarfiup tungaanut innaallagissap aqqutaa 132kV-iusumik misissuisarnermi peqataasassallutit, kiisalu imermit nukissiorfimmut attuumassuteqartunik allanik nukissiornermut tunngassuteqartunik.

 

Nuummi suliassanik aamma ajornartorsiutinik aaqqiisarnermi peqataasassaatit – ingammik aqutsinernik, atortunik nakkutilliinermut tunngasunik aamma innaallagissamut ikkussukkanik – innaallagissiorfinni, imeqarfinni, immikkoortortaqarfinni sorliunersut apeqqutaatinnagit kiassaateqarfinni aamma innaallagissamik siaruarterinermut aqqutini.

 

Utoqqarmiut Kangerluarsunnguanniinninni suliassatit pingaarnerit tassaassapput nukissiorfimmi aamma eqqaani innaallagissamut atortut, kisianni aammattaaq suliassat takkuteriasaartut mekaniskimut tunnganerusut, taamaattumik naatsorsuutigineqarpoq suliassat takkuteriasaartut tamaasa aaqqinnissaannut illit suliaqartarsinnaanissat suleqatikkuminartuunissallu.

 

Suleqatissaq sorleq ujartorparput?
Naatsorsuutigaarput illit innaallagialerisutut/automatikmekanikeritut/maskinmesteritut imaluunniit assingusumik ilinniagaqartuunissat innaallagissamut- tekniskiusut ikkussukkani sakkukitsumik aamma sakkortuumik sarfalinni atortuni ajoqutaasut paasinissaannut, ingerlatsinermut aamma aserfallatsaaliuisarnermut misilittagaqarluartuullutit. Aammattaaq pingaartinneqarput illit aqutsinermut aamma sarfakitsunik atortunik piginnaaneqarnissat. Biilinut nalinginnaasunut allagartaqarputit. Nammineerlutit suliaqartarsinnaassaatit, ulapaarfiusuni sunik tamanik malinnaasinnaassallutit. Timi atorlugu sulineq ilungersunarsinnaasarpoq, taamaattumik peqqissuunissat piumasaqaataalluni.

 

Ilinnut neqeroorutigisinnaavavut:

  • atorfik pissanganartoq assigiinngiiaartunik suliassartaqarluni, suliassat aallartinneranniit naammassinerannut illit peqataassallutit
  • sullivimmi avatangiisit ilumoorsaarnanngitsut, tassani suleqatigiittut sulisarluta
  • suliatigut aamma inuttut ineriartornissamut periarfissat pitsaasut

 

Atorfeqartitaanermut atugassarititaasut
Aningaasarsiat aamma atorfeqartitaanermi atugassarititaasut pitsaasut neqeroorutigisinnaavagut Kalaallit Nunaanni erngup nukinganik nukissiorfinni atorfeqartut pillugit malittarisassat naapertorlugit. Ilaquttat ilagalugit sulinngiffeqarnermi ukiumut ataasiarluni akiliunneqarluni angalasarnissaq neqeroorutigineqarpoq. Ajoraluartumik atorfimmut atatillugu inissaqartitsisoqanngilaq.

 

Illit tassaavit suleqatissatut ujartugarput?
Taava qinnuteqaatit pilertornerpaamik nassiuguk ”søg stillingen” aqqutigalugu.

Atorfiup suliassartaanut aaamma suuneranut apeqqutissaqaruit innaallagissamik nioqqutissiornermut teamlederi Kristin Isholm saaffigissavat, ki@nukissiorfiit.gl imaluunniit telefonikkut + 299 34 22 70 imaluunniit + 299 55 28 07.

Apeqqutit nalinginnaanerusunut tunngasut HR-imut immikkoortortaqarfimmut ingerlatinneqassapput uunga hr@nukissiorfiit.gl.

 

 

Qinnuteqarnissamut killissaq: Qinnuteqaatit ingerlaavartumik suliarineqartassapput.

 

Nukissiorfiit pillugit
Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-ia ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Tamanna pillugu annertunerusumik atuarit uani www.nukissiorfiit.gl.

Qinnuteqarnissamut killissarititaasoq: februaarip 11.-at, 2021

ATORFIK UNA QINNUTEQARFIGIUK