Skip to main content
67

Dette jobopslag er udløbet

INGERLATSINERMI AKISUSSAASOQ SULEQATIGIINNI NUKISSIORFIIT UUMMANNAMI

Uummannami ingerlatsinermut akisussaasussamik Nukissiorfiit Teamlederissarsiorput

 

Misilittagalimmik ingerlatsinermut akisussaasuusussamik teamlederissarsiorpugut, Nukissiorfiit Uummannami nunaqarfiinilu tallimaasuni nukissiamik aamma imermik imerneqarsinnaasumik pilersuinermut ingerlatsinermik akisussaasuusinnaasumik. Aqutsisutut atorfik unamminartuuvoq suliffeqarfimmi nuna tamakkerlugu ingerlataqartumi suliat teknikimut tunngasut pikkoriffigalugit aamma annertuumik inuiaqatigiinnut akisussaaffeqartumi.

 

Nukissiorfiit maannakkut ineriartornerup pissanganartup nalaaniipput, aningaasartuutinik atorluaaneq atuisartunut ataavartumik iluaqutaasumik pilersitsinermik kinguneqartut. Tassunga ilanngullugit ataavartumik nukissiamik pilersuinermik ineriartortitseqqinneq aamma pitsaanerulersitsineq imermik imerneqartussamik pilersuineq qitiutillugu anguniaqarluarusunneq aamma atugassarititaasutigut killiussat unamminartut iluanni.   

 

Atorfik:

Atorfimmi Nunap Immikkoortuani Avannaani pisortamut akisussaassuseqarfiuvoq, aamma illit nunap immikkoortuani aqutsisooqatigiinnut ilaassaatit. Ingerlatsinermut akisussaasuusoq Uummannami teamlederi sulisunut 17-inut aamma ilinniartunut marlunnut akisussaassuseqartuuvoq, aamma illit suliassannut pingaarnernut makku ilaatigut ilaapput:

 

  • Ingerlatsinermik pilersaarusiorneq kiisalu ingerlatsinermi aamma aserfallatsaaliuisarnermi paasissutissanik nalunaarusiortarnikkut malitseqartitsisarneq.
  • Nukissiorfiit Uummannami illuutaannik ingerlatsineq aamma aserfallatsaaliuisarneq, kiisalu nunap immikkoortuani illoqarfinni allani aamma nunaqarfinni ikiuisarneq.
  • Uummannami ingerlatsinermut atugassanik pisiniartarnermut aamma quersuarmi toqqortaateqarnermut akisussaaneq.
  • Sulisunnik piginnaanngorsaanermik ineriartortitsineq aamma illit akisussaaffigisanni nioqqutissiornermi atortunik nakkutilliineq.
  • Sanaartortitsinermik suliassanik suliniutinut ataqatigiissaarisoq suleqatigalugu pilersaarusiortarneq, suliarineqarnerisalu nalaanni nakkutilliisarneq.
  • Nunap immikkoortuani pisortaq suleqatigalugu missingersuusiortarneq aamma malitseqartitsisarneq.
  • Suliassat takkuteriasaartut.

 

Ingerlatsinermut akisussaasuusutut illit atorfimmi suliassanut tunngasut pillugit sunniuteqarnissannut periarfissaqarputit.

 

Suleqatissarsiorpugut makkuninnga piginnaanilimmik:

 

  • Teknikimut tunngasumik tulluartumik ilinniagaqartumik, soorlu ingeniøritut, maskinmesteritut imaluunniit el-installatøritut.
  • Marluinnik oqaaseqartumik, kalaallisut aamma danskisut oqalussinnaalluni allassinnaasumik.
  • SRO-mik atortumik kiisalu innaallagissap aqqutaanik ingerlatsinermik aamma aserfallatsaaliusarnermik ilisimasalimmik.
  • Aaqqissuulluakkamik suleriaasilik sunnguit tamarmik kinguneqarsinnaanerannik pikkoriffilimmik, allaffissornermi pikkorissumik aamma aningaasaqarnermik paasisimasalimmik.
  • IT-mut pitsaasunik piginnaalik.
  • Nammineerluni sulisinnaasoq aamma anguniagaqarluartoq aammattaaq suleqatigiinni.
  • Aqutsinermik misilittagaqarneq iluaqutaassaaq.
  • Kalaallit Nunaanni pissutsinik ilisimasaqarneq iluaqutaassaaq.

 

Neqeroorutigaavut:

 

  • Atorfik pissanganartoq suliatigut aamma inuttut unamminartulik.
  • Suliassat suunerannik paasitinneqarluarneq aamma ilitsersorneqarluarneq.
  • Sullivimmi avatangiisit isumassarsiffiulluarnartut aamma pitsaasuusut.
  • Sullivik ulapaarfiusoq inuttut aamma suliatigut ineriartornissamut periarfissaqarfiulluartoq.

 

Atorfeqartitaanermi atugassarititaasut

Aningaasarsiat aamma atorfeqartitaanermi atugassarititaasut Naalakkersuisut aamma pineqartup kattuffiata isumaqatigiinniarsinnaatitaasup akornanni isumaqatigiissutit atuuttut naapertorlugit ingerlanneqassapput.

Atorfininnermit qaammatit siulliit pingasut misilitsiffiupput.

 

Ineqarneq

Atorfimmut atatillugu maleruaqqusat qaqugukkulluunniit atuuttut tunngavigalugit inissamik pequsersorneqanngitsumik innersuussisoqarsinnaavoq. Ineqarnermut akiliut aamma iserternermi qularnaveeqqutitut akiliutit akilerneqassapput inissamut innersuussutigineqartumut maleruaqqusat qaqugukkulluunniit atuuttut tunngavigalugit. Atorfeqartitaanermut atatillugu inigisaq innersuussutigineqartoq atorfimmut tunngavoq taamaattumillu suliunnaarnermut atatillugu qimanneqassalluni.

 

Ineqarnermut akiliut aamma inissiap pitsaassusia nikerarsinnaapput inissiap qanga sananeqarsimanera, piginnittua il. il. apeqqutaallutik. Atorfeqartitaanermut atatillugu ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq aammattaaq ataatsimut ineqarfinni mikinerusuni imaluunniit hotelimi inissiani, taakkulu akileraarusersorneqassallutik.

 

Atorfinitsinneqarnermut atatillugu angalanermut aamma pequtit nuunneqarnerannut akiliussisoqassaaq kiisalu ukiut pingasut ataannartumik atorfeqareernerup kingornatigut inoqutigiit tamarmik angerlarnerannut akiliunneqassapput, qitornat 18-it inorlugit ukioqartut ilanngullugit.

 

Qinnuteqaateqartoq Namminersorlutik Oqartussat aqqutigalugit atorfeqartitaanermut atatillugu inissamik innersuussisoqarsimappat atorfeqartitaanermut atatillugu inimut innersuunneqarsimasumut pisinnaatitaaffiit pigiinnarneqassapput.

 

Atorfininneq pissaaq aggustip ulluisa 27-anni imaluunniit sapinngisamik pilertornerpaamik.

 

Nukissiorfiit pillugit paasissutissat sukumiinerusut takuuk: www.nukissiorfiit.gl

 

Suli paasisaqarusunneruit?

Atorfimmut tunngatillugu suli apeqquteqarusuttoqarpat Nunap Immikkoortuani Avannaani pisortamut Ole Karl Poulsenimut saaffiginnittoqarsinnaavoq, tlf. +299 52 54 04, mail: olpo@nukissiorfiit.gl Apeqqutit nalinginnaanerusut pillugit Sulisoqarnermut Immikkoortortaqarfimmut (HR-imut) saaffiginnissutaasinnaapput: hr@nukissiorfiit.gl

 

Atorfik pillugu saqqummiussaq sumi takusimanerlugu ilisimatitsissaguit qujanassaqaaq.

 

 

 

Qinnuteqarnissamut killissarititaasoq: aggustip 27.-at, 2020

ATORFIK UNA QINNUTEQARFIGIUK